Rashmi's Creative Lifestyle

ଚୈତ୍ର ( ସୋମବତୀ ବା ମଧୁ )ଅମାବାସ୍ୟା ଦିନ ଏହା କଲେ ଦୂର ହେବ ପିତୃଦୋଷ

ସନାତନ ଧର୍ମରେ ଚନ୍ଦ୍ରମାଙ୍କ ସ୍ଥିତିକୁ ଅନୁସରଣ କରି କୃଷ୍ଣ ପକ୍ଷ ଓ ଶୁକ୍ଳ ପକ୍ଷ ଧରାଯାଏ। ଚନ୍ଦ୍ରଙ୍କର ଗତିକୁ ଚଳନ ଗତି କୁହଯାଏ। ଏଥିପାଇଁ ହେଉଥିବା ପୂର୍ଣ୍ଣିମା ଓ ଅମାବାସ୍ୟାର ମଧ୍ୟ ବିଶେଷ ମହତ୍ୱ ରହିଛି। ଅମାବାସ୍ୟାରେ ସ୍ନାନ, ଦାନ ତଥା ଅନ୍ୟ ଧାର୍ମିକ କାମ କରାଯାଇଥାଏ। ମାନ୍ୟତା ରହିଛି ଯେ ଏହିଦିନ ପିତୃ ପୁରୁଷଙ୍କ ମୋକ୍ଷ ପ୍ରାପ୍ତି ପାଇଁ ଅମାବାସ୍ୟା ବ୍ରତ ପାଳନ କରାଯାଇଥାଏ। ଏହାଦ୍ୱାରା ଆଶିର୍ବାଦ ମିଳିଥାଏ। 

ଅମାବାସ୍ୟା ଦିନଟି  ପିତୃପୁରୁଷଙ୍କ ପାଇଁ ଉତ୍ସର୍ଗୀକୃତ ବୋଲି ବିବେଚନା କରାଯାଏ । ଏକ ଧାର୍ମିକ ମାନ୍ୟତା ଅନୁସାରେ ଅମାବାସ୍ୟା ଦିନ ପିତୃପୁରୁଷମାନେ ପୃଥିବୀକୁ ଆସନ୍ତି । ତେଣୁ ପିତୃପୁରୁଷଙ୍କୁ ପ୍ରସନ୍ନ କରିବା ପାଇଁ ଅମାବାସ୍ୟା ସର୍ବୋତ୍ତମ ବୋଲି ବିବେଚନା କରାଯାଏ । 

ପିତୃପୁରୁଷଙ୍କ ଆଶୀର୍ବାଦ ପାଇବା ପାଇଁ ଅମାବାସ୍ୟା ଦିନ କ’ଣ କରିବା ଉଚିତ୍..

1. ଯଦି କୁଣ୍ଡଳିରେ ପିତୃ ଦୋଷ ଅଛି ତେବେ ଚୈତ୍ର ଅମାବାସ୍ୟା ଦିନ ନିଶ୍ଚିତ ଭାବରେ ପିତୃପୁରୁଷଙ୍କୁ ତର୍ପଣ କରନ୍ତୁ । ଏହି ଉପାୟ ଅନୁସରଣ କଲେ ଆପଣ ପିତୃ ଦୋଷରୁ ମୁକ୍ତି ପାଇବେ । ଏଥି ସହିତ ପିତୃପୁରୁଷଙ୍କ ପିଣ୍ଡଦାନ ଏବଂ ଶ୍ରଦ୍ଧା କଲେ  ପିତୃପୁରୁଷଙ୍କଠାରୁ ଅପାର ଆଶୀର୍ବାଦ ପାଆନ୍ତି । ଏହା ବ୍ୟତୀତ ପିତୃ ଦୋଷର ପ୍ରଭାବ ମଧ୍ୟ କମିଯାଏ । ବିଧି-ବିଧାନ ସହିତ ପିତୃପୁରୁଷଙ୍କ ପୂଜାର୍ଚ୍ଚନା କରାଯାଏ । ଏହାଦ୍ୱାରା ପୂର୍ବଜଙ୍କୁ ମୋକ୍ଷ ମିଳିଥାଏ । ଏହି ଦିନ ଲୋକମାନେ ପବିତ୍ର ନଦୀରେ ସ୍ନାନ କରନ୍ତି ।
2. ପିତୃଦୋଷ କାରଣରୁ ପାରିବାରିକ କଳହ, ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ଲାଗି ରହିଥାଏ । ସେହିପରି ବିବାହରେ ମଧ୍ୟ ବିଭିନ୍ନ ବାଧା ଉପୁଜିଥାଏ ।
3. ଏହିଦିନ ଖାସ କରି ଭଗବାନ ଭୋଳାନାଥ ଓ ମାତା ପାର୍ବତୀଙ୍କୁ ପୂଜା କରାଯାଇଥାଏ ଏହାସହ ମା’ ବୃନ୍ଦାବତିଙ୍କୁ ପୂଜା କଲେ ଅନେକ ସୁଫଳ ମିଳିଥାଏ। ସଧବାମାନେ ଏହିଦିନ ତାଙ୍କ ସ୍ୱାମୀଙ୍କ ଦୀର୍ଘ ଆୟୁ ପାଇଁ ବ୍ରତ ଧାରଣ କରନ୍ତି। ଏହି ବ୍ରତକୁ ସଠିକ୍‌ ରୂପେ ପାଳନ କଲେ ଘରେ ସୁଖ ସମୃଦ୍ଧି ଆସିବାର ବିଶ୍ୱାସ ରହିଛି।
4. ଚୈତ୍ର ଅମାବାସ୍ୟା ଦିନ ଭଗବାନ ଶିବଙ୍କ ପୂଜା କରିବା ଦ୍ୱାରା ବ୍ୟକ୍ତି କାଳସର୍ପ ଦୋଷରୁ ମୁକ୍ତି ପାଇଥାଏ। ଏହି ଦିନ ଶିବ ମନ୍ଦିରରେ ରୁଦ୍ରାଭିଷେକ କରିବା ସହିତ ଶିବଲିଙ୍କର କ୍ଷୀର ଏବଂ ମିଶ୍ରି ଅର୍ପଣ କଲେ ମଧ୍ୟ କାଳସର୍ପ ଦୋଷ ଦୂର ହୋଇଥାଏ।
5. ନିଜର ପିତୃପୁରୁଷଙ୍କ ନାମରେ ଗରିବ ଏବଂ ଅଭାବୀ ଲୋକଙ୍କୁ ଖାଦ୍ୟ, ପୋଷାକ, ଟଙ୍କା ଏବଂ ଖାଦ୍ୟ ଦାନ କରନ୍ତୁ ।ଶସ୍ୟ ,କପଡା ,ଫଳ ,ଖାଇବା ପାଇଁ ଧଳା ଜିନିଷ ,ପାଣି ପାଇଁ ମାଟିର ବାସନ ଏବଂ ଜୋତା ବା ଚପଲ  ଦାନ କରିଲେ ପିତୃ ପୁରୁଷ ପ୍ରସନ୍ନ ହୋଇଥାନ୍ତି |
6. ଅମାବାସ୍ୟା ଦିନ ବ୍ରାହ୍ମଣମାନଙ୍କୁ ଖାଇବାକୁ ଦିଅନ୍ତୁ ଏବଂ ନିଜର ସାମର୍ଥ୍ୟ ଅନୁଯାୟୀ ସେମାନଙ୍କୁ ଦାନ ମଧ୍ୟ ଦିଅନ୍ତୁ । ଏହା କରିବା ଦ୍ବାରା ପିତୃ ଦୋଷ ଦୂର ହୁଏ ଏବଂ ପିତୃପୁରୁଷଙ୍କ ଆଶୀର୍ବାଦ ମଧ୍ୟ ପ୍ରାପ୍ତ ହୁଏ ।
7. ଚୈତ୍ର ଅମାବାସ୍ୟା ଦିନ ଅଶ୍ବତ୍ଥ ଗଛରେ ପାଣି ଏବଂ କ୍ଷୀର ଅର୍ପଣ କରନ୍ତୁ । ଏହା ପରେ ଫଳ, ଫୁଲ ଏବଂ କଳା ରାଶି ମଞ୍ଜି ମଧ୍ୟ ଚଢାନ୍ତୁ । ତା’ପରେ ପରେ ଏକ ଘିଅ ଦୀପ ଜଳାଇ ଏଗାର ଥର ପରିକ୍ରମା କରନ୍ତୁ । ଏହି ପ୍ରତିକାର ଦ୍ୱାରା ବ୍ୟକ୍ତି ପିତୃ ଦୋଷରୁ ମୁକ୍ତି ପାଇଥାଏ ।
8. ଅମାବାସ୍ୟା ଦିନ ଗାଈ, କାଉ ଏବଂ କୁକୁରକୁ ଖାଦ୍ୟ ଖୁଆନ୍ତୁ | କୁହାଯାଏ ଯେ ଏହା କରିବା ଦ୍ୱାରା ପିତୃଦୋଷରୁ ଆରାମ ମିଳିଥାଏ ଏବଂ ଏହା ସହିତ ପିତୃପୁରୁଷଙ୍କ ଆଶୀର୍ବାଦ ମଧ୍ୟ ମିଳିଥାଏ ।
9. ଅମାବାସ୍ୟା ଦିନ ଘର ବାହାରେ ଦକ୍ଷିଣ ଦିଗରେ ଏକ ତେଲ ଦୀପ ଜାଳନ୍ତୁ । ଏହି ଦିଗ ପୂର୍ବପୁରୁଷମାନଙ୍କର ବୋଲି ବିବେଚନା କରାଯାଏ । ତେଣୁ ଦକ୍ଷିଣ ଦିଗରେ ଦୀପ ଜାଳିଲେ ପିତୃପୁରୁଷମାନେ ପ୍ରସନ୍ନ ହୁଅନ୍ତି ।

ଏହିଦିନ କିଛି ନିୟମ ରହିଛି ଯାହା ସମସ୍ତଙ୍କ ପାଇଁ  

1. -ଅମାବାସ୍ୟାରେ ଶ୍ମଶାନ ଘାଟ ଯିବା ଅନୁଚିତ। ବିଶ୍ୱାସ ରହିଛି ଯେ ଏହିିଦିନ ନକାରାତ୍ମକ ଶକ୍ତି ଜାଗୃତ ହୋଇଥାଏ।
2. -ଏହିଦିନ ବ୍ରାହ୍ମ୍ୟ ମୂହୁର୍ତ୍ତରେ ସ୍ନାନ କରିବା ଉଚିତ
3. – ଦମ୍ପତିଙ୍କୁ ଏହଦିନ ବ୍ରହ୍ମଚର୍ଯ୍ୟ ଧର୍ମ ପାଳନ କରିବା ଉଚିତ
4. – ଏହିଦିନ ବରଗଛକୁ ପୂଜା କରିବା ଉଚିତ। କିନ୍ତୁ ମନେ ରଖନ୍ତୁ ଏହାକୁ ସ୍ପର୍ଶ କରିବେ ନାହିଁ। କାରଣ ଶନିବାର ବ୍ୟତିତ ଅନ୍ୟ କୌଣସି ଦିନ ଏହି ଗଛକୁ ଛୁଇଁବା ଅନୁଚିତ।
5. – ଆମିଷ ଖାଦ୍ୟ ବର୍ଜନ ସହ ଏହି ଦିନ ଚୁଟି କାଟିବା , ଦାଢ଼ି କାଟିବା ଓ ନଖ କାଟିବାକୁ ବର୍ଜନ କରାଯାଇଛି।