କରୋନାମୁକ୍ତ ପରେ ବି କାହିଁକ ଯାଉଛି ଜୀବନ

ଅଧା ଗୁରୁତର ରୋଗୀଙ୍କ ଦେଖା ଯାଉଛି ସମସ୍ୟା |

ଅଧିକାଂଶ ରୋଗୀଙ୍କ ସଂକୁଚିତ ହେଉଛି ଫୁସ୍‌ଫୁସ |

ହୃଦ୍‌ଘାତ, ବ୍ରେନ୍ ଷ୍ଟ୍ରୋକ୍‌ରେ ଚାଲିଯାଉଛି ଜୀବନ |

1. ସାବଧାନ! କରୋନାରୁ ସୁସ୍ଥ ହେବା ପରେ ମଧ୍ୟ ଜୀବନ ଯାଇଛି । ସତର୍କ ହୋଇ ନିୟମିତ ଡାକ୍ତର ପରାମର୍ଶ ନକଲେ, ହୃଦଘାତ, ବେନ୍ ଷ୍ଟ୍ରୋକ, ଫୁସ୍‌ଫୁସ୍‌ରେ ପାଇବ୍ରୋସିସ୍ ସହ ବାକ୍ ଫଙ୍ଗସ ଭଳି ଘାତକ ରୋଗ ଦେଖାଯାଉଛି। 
2. ଅନେକ ରୋଗୀ ସୁସ୍ଥ ହେବା ପରେ ଭାବୁଛନ୍ତି ଆଉ କୌଣସି ଅସୁବିଧା ନାହିଁ । ସେମାନେ ଆଉ ଡାକ୍ତର ପରାମର୍ଶ କରୁ ନାହାନ୍ତି । କରୋନାରେ ଆକ୍ରାନ୍ତ ହେଉଥିବା ୫୦% ଗୁରତର ରୋଗୀଙ୍କ ପୋଷ୍ଟ କୋଭିଡ୍ ବା କରୋନାରୁ ସୁସ୍ଥ ହେବାପରେ ସମସ୍ୟା ରହୁଛି। ତେଣୁ ରୋଗୀ ଏ ଦିଗରେ ଧ୍ୟାନ ରଖିବାକୁ ପରାମର୍ଶ ଦେଇଛନ୍ତି ବିଶେଷଜ୍ଞ।
3. ଛାତିରୋଗ ବିଭାଗର ବିଶେଷଜ୍ଞ ପ୍ରଫେସର ବନାନୀ ଜେନା କହିଛନ୍ତି, ଯେତିକି ରୋଗୀଙ୍କ ପୋଷ୍ଟ କୋଭିଡ୍ ସମସ୍ୟା ଆସୁଛି ତାର ୩ ଜଣରୁ ଜଣଙ୍କ ଫୁସଫୁସ୍‌ରେ ଫାଇବ୍ରୋସିସ୍ ହେଉଛି। 
4. ଅର୍ଥାତ ଫୁସ୍‌ଫୁସ୍‌ ସଙ୍କୁଚିତ ହୋଇଯାଉଛି। ଯାହାଫଳରେ ରୋଗୀ ଜଣଙ୍କ ନିଶ୍ଵାସ ପ୍ରଶ୍ଵାସ ନେବାରେ ମଧ୍ୟ କଷ୍ଟ ଅନୁଭବ କରୁଛି। ତେବେ ଚିକିତ୍ସା କରାଇଲେ, ୪/୬ ମାସରେ ସ୍ଵାଭାବିକ ହୋଇଯାଉଛି। 
5. ଚିକିତ୍ସା ସମୟରେ ଅଧିକ ଷ୍ଟିରଏଡ୍ ମାତ୍ରାରେ ହେଉଥିବାରୁ ବ୍ଲାକ୍ ଫଙ୍ଗସ୍ ହେଉଛି। ହୃଦ୍‌ଘାତ ସହ ବ୍ରେନ୍‌ରେ ମଧ୍ୟ ଷ୍ଟ୍ରୋକ୍ ହେଉଛି। ଯେଉଁଥିରେ ରୋଗୀ ମୃତ୍ୟୁ ମୁଖରେ ପଡୁଛି, ନହେଲେ ଭିନ୍ନକ୍ଷମ ହୋଇଯାଉଛି।
6. କ୍ୟାପିଟାଲ ହସ୍ପିଟାଲ ହୃଦ୍ ବିଭାଗର ନିର୍ଦ୍ଦେଶକ ଡାକ୍ତର ପି କେ ଦାସ କହିଛନ୍ତି, କରୋନା ମୁକ୍ତ ହେବା ପରେ କେ ମଧ୍ୟ ଏହାର ପ୍ରକୋପ ରହୁଛି । ତେଣୁ ସୁସ୍ଥ ହେବାର ୧ ମାସ ଯାଏ ଔଷଧ ସେବନ କରିବା ଦରକାର। 
7. ଡାକ୍ତରଙ୍କ ପରାମର୍ଶକୁ ମାନି ଚଳିବା ଦରକାର। ରୋଗୀ ଡିସ୍‌ଚାର୍ଜ ବେଳେ ପରିବାର ଲୋକଙ୍କୁ ଏ ସମ୍ପର୍କରେ କାଉନସେଲିଂ କରାଗଲେ ଭଲ ।
8. ସମ୍ ହସ୍ପିଟାଲ ପେଟ ଓ ଯକୃତ ବିଭାଗର ମୁଖ୍ୟପ୍ରଫେସର ମନୋଜ ସାହୁ କହିଛନ୍ତି, କରୋନା ରୋଗୀ ସୁସ୍ଥ ହୋଇ ଘରକୁ ଯିବା ପରେ ମଧ୍ୟ ବିଭିନ୍ନ ସମସ୍ୟା ଦେଖାଯାଉଛି । 
9. କୋଭିଡ୍ ସଂକ୍ରମିତ ହେବା ପରେ ଏହା ରୋଗୀଙ୍କ ବ୍ଲଡ଼ ଭେସେଲକୁ ଆକ୍ରମଣ କରିଥାଏ। ପରବର୍ତ୍ତୀ ସମୟରେ ଏହା ବ୍ଲକ କରିଥାଏ। ଏହାକୁ ଥର୍ମୋସିସ୍ କୁହାଯାଏ।
10. ସେଥିପାଇଁ ଆଡ୍‌ମିଶନ ସମୟରେ ହେପାରିନ୍ ଇଞ୍ଜେକସନ୍ ଦିଆଯାଇଥାଏ।
11. କୋଭିଡ୍ ଭୂତାଣୁ ସିଧାସଳଖ ଓ ଭାସ୍କୋଲାଇଟିସ୍‌ରେ ବି ପ୍ରଭାବ ପକାଇଥାଏ। କୋଭିଡ଼ରେ ଜ୍ଵର ୧୦ ଦିନ ନରହିଲେ ଆମେ ଘରକୁ ପଠାଇ ଦେଉ କିନ୍ତୁ ପରେ ଏହାର ସମସ୍ୟା ଦେଖାଯାଏ ।
12. ଏହି ଭାସ୍କୋଲାଇଟିସ୍ ଯୋଗୁ କମ୍ ବୟସର ବ୍ୟକ୍ତି ମଧ୍ୟ ଆଖି ବୁଜି ଦେଉଛନ୍ତି। ତେଣୁ କରୋନାରେ ଗୁରୁତର ହେଉଥିବା ରୋଗୀଙ୍କୁ ନିଶ୍ଚିତ ଭାବେ ହେପାରିନ୍ ଇଞ୍ଜେକସନ୍ ଦେବା ଜରୁରି। ନଦେଲେ ବ୍ଲକ୍ ହେବାର ଆଶଙ୍କା ବହୁତ ଅଧିକ ରହୁଛି।