କୁମାର ପୂର୍ଣ୍ଣିମା ପୂଜାରେ କଇଁ ଫୁଲର ମହତ୍ୱ

କୁମାର ପୂର୍ଣ୍ଣିମାର ହିନ୍ଦୁ ଧର୍ମରେ ବିଶେଷ ମହତ୍ତ୍ୱ ରହିଛି । କୁମାର ପୂର୍ଣ୍ଣିମାକୁ ମା ଲକ୍ଷ୍ମୀଙ୍କର ଜନ୍ମଦିନ ଭାବରେ ପାଳନ କରାଯାଏ । ଚାରି ଆଡ଼େ ପଡିଥିବା ଚନ୍ଦ୍ରର କିରଣରେ ଅମୃତ ବର୍ଷା ହୋଇଥାଏ । ବିଶ୍ୱାସ କରାଯାଏ ଯେ ଦୀପାବଳି ପୂର୍ବରୁ ମା ଲକ୍ଷ୍ମୀଙ୍କୁ ସ୍ୱାଗତ କରିବାର ଏହା ବିଶେଷ ସୁଯୋଗ ହୋଇଥାଏ ।

ଏହି ବିଧିରେ କରନ୍ତୁ ଶରତ ପୂର୍ଣ୍ଣିମା ବ୍ରତ

1. ବିଶ୍ୱାସ କରାଯାଏ ଯେ ମା ଲକ୍ଷ୍ମୀଙ୍କୁ ପରିଷ୍କାର ପରିଛନ୍ନତା ବହୁତ ପସନ୍ଦ ଅଟେ। ମା ଲକ୍ଷ୍ମୀ ସେହିଘରେ ବାସ କରନ୍ତି , ଯେଉଁଘରେ ଲୋକମାନେ ପରିଷ୍କାର ପରିଛନ୍ନତା ଏବଂ ସ୍ୱଚ୍ଛତା ଦ୍ୱାରା ରହିଥାନ୍ତି। ଏହି କାରଣରୁ ଦୀପାବଳିରେ ଲୋକମାନେ ଘରର ପରିଷ୍କାର ପରିଛନ୍ନତା କରିଥାନ୍ତି। 
2. କୁମାର ପୂର୍ଣ୍ଣିମା ଦିନରୁ ହିଁ ଲୋକମାନେ ଘରର ପରିଷ୍କାର ପରିଛନ୍ନତା ଆରମ୍ଭ କରିଦିଅନ୍ତି। ଏଭଳି କରିବା ଦ୍ୱାରା ଘରୁ ସମସ୍ତ ପ୍ରକାରର ଗ୍ରହଦୋଷ ଦୂର ହୋଇଥାଏ।
3. ଶରତ ପୂର୍ଣ୍ଣିମା ସକାଳେ ସ୍ନାନ କରିବା ପରେ ନିଜ ଆରାଧ୍ୟ ଦେବତାଙ୍କ ପୂଜା କରନ୍ତୁ। ଯଦି ଆପଣ ନିଜେ କରିପାରୁ ନାହାନ୍ତି ତେବେ ଯୋଗ୍ୟ ବ୍ରାହ୍ମଣଙ୍କ ଦ୍ବାରା କରନ୍ତୁ।
4. ଧର୍ମ ଶାସ୍ତ୍ର ଅନୁସାରେ,ଯେଉଁ ବ୍ୟକ୍ତି ଶରତ ପୂର୍ଣ୍ଣିମା ବ୍ରତ ବିଧି-ବିଧାନର ସହ ଏବଂ ପୂର୍ଣ୍ଣ ଶ୍ରଦ୍ଧା ସହକାରେ କରନ୍ତି ତାଙ୍କ ଉପରେ ମାଆ ଲକ୍ଷ୍ମୀଙ୍କର କୃପା ହୋଇଥାଏ ଏବଂ ସେମାନେ ଦୀର୍ଘାୟୁ ହୋଇଥାଆନ୍ତି ।
5. କୁମାର ପୂର୍ଣ୍ଣିମାରେ ମା’ ଲକ୍ଷ୍ମୀଙ୍କ ପ୍ରତିମାକୁ ଦକ୍ଷିଣାବର୍ତ୍ତି ସଙ୍ଖ ଦ୍ୱାରା ଜଳ ନେଇ ଅଭିଷେକ କରନ୍ତୁ । ମା’ ଲକ୍ଷ୍ମୀଙ୍କୁ ନୂଆ ବସ୍ତ୍ର ଓ ସୁଗନ୍ଧ ଅର୍ପଣ କରନ୍ତୁ ।
6. ମା’ଲକ୍ଷ୍ମୀଙ୍କୁ ଗୁଆ ଖୁବ ପ୍ରିୟ । ଏହିଦିନ ମା’ଙ୍କ ନିକଟରେ ଗୁଆ ରଖି ପୂଜା କରନ୍ତୁ  । ପୂଜା ପରେ ଏଥିରେ ଲାଲ ରେଶମୀ ସୂତା ଗୁଡ଼ାଇ, ଅକ୍ଷତ,କୁଙ୍କୁମ, ପୁଷ୍ପ ଦ୍ୱାରା ପୂଜା କରି ଆଲମିରାରେ ରଖନ୍ତୁ   । ଧନର ଆଦୌ ଅଭାବ ରହିବ ନାହିଁ।
7. ମଧ୍ୟରାତ୍ରିରେ ଗାଈ କ୍ଷୀରରୁ ପ୍ରସ୍ତୁତ କ୍ଷୀରି ଭୋଗ ଭଗବାନଙ୍କୁ ଅର୍ପଣ କରନ୍ତୁ  । କ୍ଷୀରି ପାତ୍ରକୁ ରାତିରେ ଜହ୍ନ ଆଲୁଅରେ ରଖିବା ଉଚିତ୍ । ପୂର୍ଣ୍ଣ ଚନ୍ଦ୍ରର ମଧ୍ୟାକାଶରେ ରହିବାଦ୍ବାରା ଏହାକୁ ପୂଜା କରି ଅର୍ଘ୍ୟ ପ୍ରଦାନ କରିବା ଉଚିତ୍।
8. ଏହି ଦିନ ଆପଣ ଯେ କୌଣସି ଶୁଭକାର୍ଯ୍ୟର ଆରମ୍ଭ କରିପାରିବେ । 
9. ଏହି ଦିନ ସୁନା, ରୁପା, ଘର ଓ ଯାନବାହାନ କିଣିବା ଅତ୍ୟନ୍ତ ଶୁଭ । 
10. କୁମାର ପୂର୍ଣ୍ଣିମାରେ କୌଣସି ବ୍ୟବସାୟ ଆରମ୍ଭ କରାଯିବା ଶୁଭଫଳ ଦେଇଥାଏ ବୋଲି ଜ୍ୟୋତିଷମାନେ କହିଥାନ୍ତି । 
11. ଏହି ଦିନ କଂସା ବାସନରେ ଘିଅ ଭର୍ତ୍ତି କରି ସୁନା ସହିତ ବ୍ରାହ୍ମଣକୁ ଦାନ କରିବା ଦ୍ୱାରା ବ୍ୟକ୍ତି ଓଜସ୍ଵି  ହୋଇଥାଆନ୍ତି। ଏପରି ଧର୍ମ ଶାସ୍ତ୍ରରେ ଲେଖାଯାଇଛି।
12. ଏହାସହ ଏହିଦିନ ପ୍ରଭୁ ହନୁମାନଙ୍କ ନିକଟରେ ଚାରିମୁଖ ଦୀପ ଲଗାନ୍ତୁ।

ଚନ୍ଦ୍ର ପୂଜାରେ କଇଁ ଫୁଲର ମହତ୍ତ୍ୱ

1. ଧାର୍ମିକ ବିଶ୍ୱାସ ଅନୁଯାୟୀ,ଏହି ଦିନ ଚନ୍ଦ୍ର ପୃଥିବୀର ନିକଟତମ ସ୍ଥିତିରେ ଥାଏ  | ତେଣୁ ଏହି ରାତିରେ ସେ ଅଧିକ ଉଜ୍ଜ୍ଵଳ ଓ ତେଜୋମୟ ଦେଖାଯାନ୍ତି | ସାରା ବର୍ଷରେ ଏହା କେବଳ ଗୋଟିଏ ଅବସର, ଯେଉଁ ରାତିରେ ଷୋହଳକଳା ସମ୍ପନ୍ନ ଚନ୍ଦ୍ରଦେବଙ୍କ ଦର୍ଶନ ମିଳେ |  ଏବଂ ଚନ୍ଦ୍ର କିରଣ ମଣିଷର ସ୍ୱାସ୍ଥ୍ୟ ଓ ଚିନ୍ତାଧାରା ଉପରେ ସକରାତ୍ମକ ପ୍ରଭାବ ପକାଇଥାଏ ବୋଲି ବିଶ୍ୱାସ ରହିଛି ।
2. କୁମାର ପୂର୍ଣ୍ଣିମା ଦିନ ଚଉରାକୁ ସଜାଇବାରେ ମୁଖ୍ୟତଃ କଇଁ ଫୁଲ ବ୍ୟବ‌ହାର କରାଯାଇଥାଏ । ଚନ୍ଦ୍ର ଉଦୟ ହେଲେ କଇଁ ଫୁଟିଥାଏ । ଏହି ପର୍ବରେ ଚନ୍ଦ୍ରଙ୍କ ପୂଜା କରାଯାଉଥିବାରୁ ଏଥିରେ କଇଁ ଫୁଲ ବିଶେଷ ଭାବରେ ବ୍ୟବ‌ହୃତ ହୋଇଥାଏ ।