ଜାଣନ୍ତୁ ରାଧାଷ୍ଟମୀ ବ୍ରତରେ ପୂଜା କରିବା ବିଧି
ଭାଦ୍ରମାସ ଶୁକ୍ଳପକ୍ଷ ଅଷ୍ଟମୀରେ ଏହି ବ୍ରତ ପାଳନ କରାଯାଏ । ପୂର୍ବେ ଏହି ତିଥିରେ ଦୁର୍ବାଷ୍ଟମୀ ପାଳନ ହେଉଥିଲା । କ୍ରମେ ଦୁର୍ବାଷ୍ଟମୀ ଅପ୍ରଚଳିତ ହୋଇଗଲାଣି । ରାଧାଷ୍ଟମୀ ବୈଷ୍ଣବମାନଙ୍କ ମଧ୍ୟରେ ବିଶେଷ ଭାବରେ ପ୍ରଚଳିତ । ଏଥିରେ ରାଧାଙ୍କର ଜନ୍ମବୃତ୍ତାନ୍ତ ବ୍ୟତୀତ ଏକ ବ୍ରତ କଥା ପଠିତ ହୁଏ ।
କାହାଣୀଟି ଅତି ସରଳ । ସତ୍ୟଯୁଗରେ ଗୋଟିଏ ବାରଙ୍ଗନା ଥିଲା । ତା' ନାମ ଲୀଳାବତୀ । ସେ ଥରେ ନିଜ ନଗରରୁ ଅନ୍ୟ ଏକ ନଗରକୁ ଯାଉଥିଲା । ବାଟରେ ଗୋଟିଏ ମନ୍ଦିର ଦେଖିଲା । ସେଠାରେ କେତେଜଣ ବୈଷ୍ଣବ ସନ୍ୟାସୀ ରାଧାଷ୍ଟମୀ ପାଳୁଥିଲେ । ଧୂପ, ଦୀପ, ନୈବେଦ୍ୟ ଦେଇ ଦିବ୍ୟ ବସ୍ତ୍ର ଅଳଙ୍କାର ବିନ୍ଧାଇ ଶ୍ରୀରାଧାଙ୍କ ମୂର୍ତ୍ତିଙ୍କୁ ପୂଜା କରୁଥିଲେ । ତା'ର ମନରେ ପରିବର୍ତ୍ତନ ଆସିଲା । ସେ ଏହି ବ୍ରତ କରିବ ବୋଲି ସଂକଳ୍ପ କଲା । ସଂକଳ୍ପ କରିବା କ୍ଷଣି ତାର ସବୁପାପ ଦୂର ହେଲା । ସେ ମୃତ୍ୟୁ ପରେ ବୈକୁଣ୍ଠକୁ ଗଲା ।
ରାଧାଷ୍ଟମୀ ବ୍ରତରେ ପୂଜା କରିବା ବିଧି :-
- ରାଧା ବିନା ଶ୍ରୀକୃଷ୍ଣଙ୍କ ବ୍ୟକ୍ତିତ୍ୱ ଅସମ୍ପୂର୍ଣ୍ଣ ଅଟେ। ଯଦି ରାଧାଙ୍କୁ ଶ୍ରୀକୃଷ୍ଣଙ୍କଠାରୁ ହଟାଇ ଦିଆଯାଏ , ତେବେ ଶ୍ରୀକୃଷ୍ଣଙ୍କ ବ୍ୟକ୍ତିତ୍ୱ ମଧୁର ହୀନ ହୋଇଯାଏ। ରାଧାଙ୍କ ହେତୁ ଶ୍ରୀକୃଷ୍ଣ ରାସେଶ୍ୱର ଅଟନ୍ତି। ଆସନ୍ତୁ ଜାଣିବା ରାଧାଷ୍ଟମୀ ବ୍ରତ କିପରି ପାଳନ କରିବା |
- ଶ୍ରୀକୃଷ୍ଣଙ୍କର ପ୍ରିୟ ରାଧାଙ୍କର ଜନ୍ମ ଦ୍ୱିପ୍ରହର ହୋଇଥିଲା , ତେଣୁ ଦ୍ୱିପ୍ରହରରେ ହିଁ ପୂଜା କରିବା ସର୍ବୋତ୍ତମ ବୋଲି ବିବେଚନା କରାଯାଏ।
- ସକାଳୁ ଉଠି ସ୍ନାନ ଆଦି ସାରି ସ୍ଵଛ ବସ୍ତ୍ର ଧାରଣା କରିବା ଉଚିତ।
- ଠାକୁର ଘରର ମଣ୍ଡପ ତଳେ ମୁରୁଜରେ ମଣ୍ଡଳ ବନାନ୍ତୁ ।
- ଏହାପରେ ମଣ୍ଡପରେ ଆସନ ତିଆରି କରି ମଧ୍ୟଭାଗରେ ମାଟି କିମ୍ବା ତମ୍ବା କଳସ ସ୍ଥାପନ କରିବେ।
- କଳସ ଉପରେ ତମ୍ବା ଏକ ପାତ୍ର ରଖନ୍ତୁ।
- ବର୍ତ୍ତମାନ ଏହି ପାତ୍ର ଉପରେ ପୋଷାକ ସହିତ ସଜ୍ଜିତ ରାଧାଙ୍କର ଏକ ସୁନାର (ଯଦି ସମ୍ଭବ) ମୂର୍ତ୍ତି ସ୍ଥାପନ କରନ୍ତୁ।
- ଏହାପରେ ଷୋଡଶ ଉପଚାର ସହିତ ରାଧାଙ୍କୁ ପୂଜା କରିବେ।
- ଧ୍ୟାନ ରଖନ୍ତୁ ଯେ ପୂଜା ସମୟ ଠିକ୍ ମଧ୍ୟାହ୍ନ ସମୟ ହେବା ଉଚିତ।
- ବିଧି ବିଧାନ ଅନୁଯାୟୀ ପୂଜା କରି ଦିନ ସାରା ବ୍ରତ ପାଳନ କରିବେ।
- ପୂଜା ସମୟରେ ସମ୍ପୂର୍ଣ୍ଣ ଉପବାସ କରନ୍ତୁ କିମ୍ବା ଗୋଟିଏ ସମୟ ଭୋଜନ କରନ୍ତୁ ବା ଏହି ଦିନ ଉପବାସ କରନ୍ତୁ ନହେଲେ ଏକ ଓଳି ଭୋଜନ କରିପାରିବେ ।
- ଦ୍ୱିତୀୟ ଦିନରେ ଭକ୍ତ ଅନୁଯାୟୀ ସଧବା ମହିଳା ଏବଂ ବ୍ରାହ୍ମଣମାନଙ୍କୁ ଖାଇବାକୁ ଦିଅନ୍ତୁ ଏବଂ ସେମାନଙ୍କୁ ଦକ୍ଷିଣା ଦିଅନ୍ତୁ। ଶ୍ରଦ୍ଧା ପୂର୍ବକ ଦାନ କରିବେ।
0 Comments
Do you have any doubts or suggestions? Ask them here in the comments!