କୁମାରପୂର୍ଣ୍ଣିମାରେ ଉଜାଗର ରହିବା ଏବଂ କୁମାରୀମାନେ ଅଳତା ଲଗାଇବାର କାରଣ

କୋଜାଗରୀ ପୂର୍ଣ୍ଣିମା ବା ଉଜାଗର ରହିବାର କାରଣ

1. କୁମାର ପୂର୍ଣ୍ଣିମାକୁ ଶରତ ପୂର୍ଣ୍ଣିମା ବା କୋଜାଗରୀ ପୂର୍ଣ୍ଣିମା ମଧ୍ୟ କୁହାଯାଏ । କୋଜଗରୀ ପୂର୍ଣ୍ଣମୀ କହିବା ପଛରେ ଥିବା ପୌରାଣିକ ତଥ୍ୟ ହେଉଛି – ଏହି ଦିନ ମା’ ଲକ୍ଷ୍ମୀ ଧରାବତରଣ କରିଥାନ୍ତି ।
2. ରାତି ସମୟରେ ଯେଉଁମାନେ ଉଜାଗର ରହି ମା’ଙ୍କ ପୂଜାର୍ଚ୍ଚନା କରନ୍ତି, ମା’ ଲକ୍ଷ୍ମୀ ସେମାନଙ୍କ ଉପରେ କୃପା ବୃଷ୍ଟି କରିଥାନ୍ତି । କିନ୍ତୁ ଯେଉଁମାନେ କୁମାର ପୂର୍ଣ୍ଣିମା ରାତିରେ ଶୋଇପଡ଼ିଥାନ୍ତି, ମା’ ଲକ୍ଷ୍ମୀଙ୍କ କୃପାଦୃଷ୍ଟି ସେମାନଙ୍କ ଉପରେ ପଡ଼େନାହିଁ । ତେଣୁ କୁମାର ପୂର୍ଣ୍ଣିମୀରେ ରାତି ଉଜାଗର ରହିବାର ପରମ୍ପରା ରହିଛି ।
3. କୁମାର ପୂର୍ଣ୍ଣିମା ଦିନ ଚନ୍ଦ୍ର ନିଜର ନିଜ କିରଣ ଦ୍ୱାରା ଅମୃତ ବୁନ୍ଦା ପୃଥିବୀ ଉପରକୁ ବର୍ଷଣ କରନ୍ତି ।  ବର୍ଷ ବର୍ଷ ପରେ ଖୋଲା ଆକାଶରେ ଚନ୍ଦ୍ରର କିରଣ ଦେଖି ମାତା ଲକ୍ଷ୍ମୀ ଧରାପୃଷ୍ଠକୁ ଆଗମନ କରିଥାନ୍ତି ଏବଂ ଏହି ରାତିରେ ଧନର ବର୍ଷା କରିବା ପାଇଁ ନିଜକୁ ଅଟକାଇ ପାରନ୍ତି ନାହିଁ।
4. ବିଶ୍ୱାସ ଅନୁଯାୟୀ କୁମାର ପୂର୍ଣ୍ଣିମା ରାତିରେ ମା ଲକ୍ଷ୍ମୀଙ୍କର ପୂଜା କରିବା ଦ୍ୱାରା ଆପଣଙ୍କୁ ଋଣରୁ ମୁକ୍ତି ମିଳିଥାଏ । 
5. ଏବଂ ରାତିରେ ଜାଗ୍ରତ ରହି ମା ଲକ୍ଷ୍ମୀଙ୍କୁ ଧ୍ୟାନ କରିବା ଉଚିତ। ରାତିରେ ଆପଣଙ୍କୁ ମା ଲକ୍ଷ୍ମୀଙ୍କର ଧ୍ୟାନ କରିବା ସହିତ ବିଷ୍ଣୁ ସହସ୍ରନାମ ପାଠ କରିବା ଉଚିତ ।

କୁମାରୀ ତ‌ଥା ବିବାହିତା ମହିଳାମାନେ ପାଦରେ ଅଳତା ଲଗାଇଥାନ୍ତି କାହିଁକି

1. କୁମାର ପୂର୍ଣ୍ଣିମାକୁ ମୁଖ୍ୟତଃ କୁମାରୀ କନ୍ୟାମାନ‌ଙ୍କର ପର୍ବ ରୂପେ ବିବେଚନା କରାଯାଏ । ଭାଦ୍ରବ ପୂର୍ଣ୍ଣିମା ବା ଇନ୍ଦୁ ପୂର୍ଣ୍ଣିମାଠାରୁ କୁମାର ପୂର୍ଣ୍ଣିମା ପର୍ଯ୍ୟନ୍ତ କୁମାରୀ କନ୍ୟାମାନେ ଏକାଠି ହୋଇ ଜହ୍ନି ଓଷା କରନ୍ତି । ଏହି ଓଷାର ଉଦ୍‌ଯାପନ କୁମାର ପୂର୍ଣ୍ଣିମା ଦିନ ହୋଇଥାଏ ।
2. ସେହିପରି ଭଗବାନ ଶିବଙ୍କର ପୁଅ କାର୍ତ୍ତିକେୟ ଈଶ୍ୱରମାନଙ୍କ ମଧ୍ୟରେ ସବୁଠାରୁ ସୁନ୍ଦର ବୋଲି ପୁରାଣରେ କଥିତ ଅଛି । ଏହି ଦିନ କୁମାରୀମାନେ   କାର୍ତ୍ତିକେୟଙ୍କ ଭଳି ସୁନ୍ଦର ଜୀବନସାଥୀ ପାଇବା ପାଇଁ କାର୍ତ୍ତିକେୟଙ୍କୁ ଆରାଧନା କରିବା ସ‌ହ ଚନ୍ଦ୍ର ପୂଜା ମଧ୍ୟ କରିଥାନ୍ତି ।  
3. ଏହିଦିନ କୁମାରୀ ତ‌ଥା ବିବାହିତା ମହିଳାମାନେ ପାଦରେ ଅଳତା ଲଗାଇଥାନ୍ତି । ଅଳତା ହେଉଛି ଭାରତୀୟ ପରମ୍ପରାରେ ଅହିସୁଲକ୍ଷଣୀ ହେବାର ପ୍ରତୀକ । ପ୍ରତ୍ୟକ ପୂଜା ପର୍ବରେ ଭାରତୀୟ ନାରୀମାନେ ଅଳତା ଲଗାଇ ନିଜ ଜୀବନସାଥୀର ଦୀର୍ଘ ଜୀବନ କାମନା କରିଥାନ୍ତି । 
4. ବିବାହିତା ନାରୀମାନେ ନିଜ ସ୍ୱାମୀଙ୍କ ସୁଖ ସମୃଦ୍ଧି ପାଇଁ ଚଉରା ପୂଜା କରି ଆସିଛନ୍ତି । ତେଣୁ କୁମାର ପୂର୍ଣିମାରେ ମଧ୍ୟ ଚଉରା ପୂଜା କରାଯାଇଥାଏ । 
5. ଏହି ଦିନ ଓଡ଼ିଶାବାସୀ ତୁଳସୀ ଚଉରା, ଶିବଶଙ୍କର ମା’ପାର୍ବତୀ, ଗଜଲକ୍ଷ୍ମୀ, ଚନ୍ଦ୍ର, ସୂର୍ଯ୍ୟ  ଓ   କାର୍ତ୍ତିକଙ୍କର ପୂଜା ଆରାଧନା କରି ନିଜର ସୁଖ, ସୌଭାଗ୍ୟ, ଯଶ, ଧନ ଓ ପୌରୁଷ କାମନା କରିଥାନ୍ତି । 
6. ଏହି ପୂର୍ଣ୍ଣିମା ଦିନ ଚନ୍ଦ୍ରମା ପୃଥିବୀର ଖୁବ ନିକଟତର ହୋଇଥାଆନ୍ତି। ଏହିଦିନ ଶରୀରରେ ଚନ୍ଦ୍ରମାଙ୍କ କିରଣ ପଡ଼ିଲେ ଏହାକୁ ଖୁବ ଶଭୁଫଳ ପ୍ରଦାନ କରିଥାଏ ବୋଲି ଶାସ୍ତ୍ରରେ ଉଲ୍ଲେଖ ରହିଛି।