କ’ଣ ପାଇଁ ଭାଦ୍ରବ ଇନ୍ଦୁପୂର୍ଣ୍ଣିମାରେ ଓଡ଼ିଆ ଘରେ ପାଳନ ହୁଏ ଭାଗବତ ଜନ୍ମ ?

କଥିତ ଅଛି ଆଜିର ଦିନରେ ବ୍ୟାସଦେବ ମୂଳ ଭାଗବତ ପୁରାଣ (ସଂସ୍କୃତରେ) ରଚନା ଆରମ୍ଭ କରିଥିଲେ ।ମୂଳ ସଂସ୍କୃତ ଭାଗବତ ଅଠର ହଜାର ଶ୍ଳୋକରେ ବ୍ୟାସ ଦେବ ରଚନା କରିଥିଲେ l ଅତିବଡ଼ି ଜଗନ୍ନାଥ ଦାସ ଏହି ଟିକାକୁ ସରଳ ନବାକ୍ଷରୀ ଛନ୍ଦରେ ଓଡ଼ିଆ ଅନୁବାଦ କରିଛନ୍ତି l

 ଭାଗବତର ମହତ୍ତ୍ୱ

1. ” ଶ୍ରୀମଦ୍ ଭାଗବତ ” ମହାପୁରାଣରେ ପରମ ଧର୍ମ ଓ ବିଶୁଦ୍ଧ ଜ୍ଞାନ ହିଁ ନିରୂପଣ କରାଯାଇଛି । ଏହି ” ଭାଗବତଧର୍ମ ” ଆମ୍ଭମାନଙ୍କୁ ଜନ୍ମମୃତ୍ୟୁରୁ ଉଦ୍ଧାର କରି ମୋକ୍ଷ ପ୍ରଦାନ କରାଇଥାଏ । ଯେଉଁ ସନ୍ଥଜନଙ୍କ ମନରେ କୌଣସି ପ୍ରକାର ବିକାର ନଥାଏ, ସେହି ଶୁଦ୍ଧହୃଦୟ ପୁରୁଷ ହିଁ ଏହି ତତ୍ତ୍ୱ ଜାଣିପାରନ୍ତି । ଏହା ତ୍ରିବିଧ ତାପକୁ ସମୂଳେ ନାଶ କରି ପରମ କଲ୍ୟାଣ ସାଧନ କରିଥାଏ ।
2. ଏ ସଂସାରରେ ଯେତେ ପାଠ ଅଛି, ଥିଲା କି ହବ ସବୁ ଆମ ଭାଗବତରେ ଅଛି । ସକାଳେ ଗୀତା, ଦିହିପହରେ ଶ୍ରୀରାମକଥା ( ବୃହସ୍ପତ୍ତି ବାର ଛାଡି ) ଓ ସଂଧ୍ୟାରେ ଶ୍ରୀମଦଭାଗବତ କଥା ଯୋଉ ଘରେ କି ଗାଁ ରେ ପଢାହୁଏ ସେଠି କାଳେ ବିପତ୍ତି ଆସିବାକୁ ଡରେ ।”
3. ଭାବ ଓ ବିଶ୍ୱାସର ପାଖୁଡା ମେଲି ଆଧ୍ୟାତ୍ମିକ ଚେତନାକୁ ବିଚ୍ଛୁ  ରୀତ କରିବାର ଅମୋଘ ପନ୍ଥାଟିଏ ହେଉଛି ଭାଗବତ । ବଞ୍ଚିବାର ସମସ୍ତ ସକାରାତ୍ମକ ଉପାଦାନର ସମାହାର ହେଉଛି ଭାଗବତ । ଦୁଇ ନିଆଁର ଜୀବନକୁ ବୁଝିବାର ଅସଲ ତତ୍ତ୍ୱଟି ଏଇ ଭାଗବତରେ ହିଁ ରହିଛି ।  
4. ଏଇ କଥାଟିକୁ ଠିକ୍‌ ବୁଝିଛି ଓଡିଆ ଜାତି । କିଏ ଦେବତାର ଜନ୍ମଦିନ ପାଳେ ତ କିଏ ସନ୍ଥର । କିନ୍ତୁ ଏ ଜାତୀ ଗୋଟିଏ ପୁସ୍ତକର, ଗୋଟିଏ ଗ୍ରନ୍ଥର ଜନ୍ମଦିନ ପାଳି ମହିମାନ୍ଵିତ ହୋଇଛି । ଯୁଗ ଯୁଗକୁ ନିଜର ଉତ୍ତର ପିଢୀକୁ ଦେଖାଇ ଦେଇ ଯାଇଛି, ଆନନ୍ଦମୟ ଜୀବଦ ଏବଂ ବୀଭୁ ଚରଣାଶ୍ରିତ ହୋଇ ମୁକ୍ତିଧାମକୁ ବାହୁଡିଯିବାର ମାର୍ଗ ।

ଗୋଟିଏ ସମୟରେ ଭାଗବତର ଲୋକପ୍ରିୟତା ଏତେ ବୃଦ୍ଧି ପାଇଥିଲା ଯେ, ଗାଁ ଗାଁରେ ଠିଆ ହୋଇଥିଲା ଭାଗବତ ଟୁଙ୍ଗୀ । ଭିନ୍ନ ଭିନ୍ନ ମନୁଷ୍ୟଙ୍କ ଆତ୍ମ ଚେତନାକୁ ଏକାଠି ବାନ୍ଧି ରଖିବାର ମାଧ୍ୟମ ପାଲଟିଥିଲା ଭାଗବତ । ଆଜି ଅବଶ୍ୟ ଭାଗବତ ଟୁଙ୍ଗୀ ନାହିଁ। ତଥାପି ଏ ଜାତି ସେହି ମହାକାବ୍ୟ ପାଇଁ ଆଜି ଦିନଟିକୁ ଉତ୍ସର୍ଗ କରିଛି ।

ଓଡ଼ିଆ ଭାଗବତର ଜନ୍ମ 

1. ଆଜି ସେଇ ଭାଗବତର ଜନ୍ମଦିନ । ଓଡ଼ିଆ ଜାତୀର ପରମ ମହାକାବ୍ୟର ଜନ୍ମଦିନ । ଇନ୍ଦୁପୂର୍ଣ୍ଣିମା ଭାଗବତ ଜନ୍ମ ।
2. ଜଗନ୍ନାଥ ଦାସଙ୍କ ପିତା ଭଗବାନ ଦାସ ବଡ଼ଦେଉଳରେ ପୁରାଣପଣ୍ଡା ଥିଲେ । ତାଙ୍କ ପରେ ଜଗନ୍ନାଥ ଦାସ ପୁରାଣପଣ୍ଡା ହେଲେ ।
3. ସଂସ୍କୃତ ଭାଗବତ ଓଡିଆ ଭାଷାଭାଷୀଙ୍କ ମଧ୍ୟରେ ଆଦୃତ ହୋଉ ପାରୁନଥିଲା । 
4. ବ୍ୟାସଦେବଙ୍କ ରଚିତ ମୂଳ ସଂସ୍କୃତ ଭାଗବତକୁ ଅତିବଡି ଓଡିଆରେ ଅତି ସରଳତାର ସହ ଲେଖିଛନ୍ତି ।  
5. ଦିନେ ଜଗନ୍ନାଥ ଦାସଙ୍କ ମା’ ଓଡିଆ ଭାଷାରେ ଭାଗବତ ଶୁଣିବା ପାଇଁ ପୁଅକୁ କହିଲେ । ମା’ଙ୍କ  ଆଶା ପୂରଣ କରିବାକୁ ଜଗନ୍ନାଥ ଲେଖିଥିଲେ ଓଡ଼ିଆ ଭାଗବତ ।  
6. ଜଗନ୍ନାଥ ଦାସ ଗୋସ୍ୱାମୀ ବଟ ଗଶେଶଙ୍କ ନିକଟରେ ବସି ସଂସ୍କୃତ ଭାଗବତକୁ ଓଡ଼ିଆ ଭାଷାରେ ନବାକ୍ଷରୀ ବୃତ୍ତରେ ରଚନା କରିଥିଲେ ।
7. ଭାଦ୍ରବ ପୂର୍ଣ୍ଣିମାଠାରୁ ଜଗନ୍ନାଥ ଦାଶ ଏହି ମହାନ ଗ୍ରନ୍ଥ ଲେଖିବା ଆରମ୍ଭ କରିଥିଲେ ବୋଲି ସେବେଠୁ ଏହି ଦିନ ଭାଗବତ ଜନ୍ମ ରୂପେ ପାଳନ କରାଯାଉଛି ।

ଭାଗବତ ଜନ୍ମର ପୂଜା ବିଧି

1. ପ୍ରଥମେ ଖଟୁଲି ଉପରେ ଭାଗବତ ବହି ଥାକ କରି ରଖି ଦିଅନ୍ତୁ  |
2. ତାପରେ ଏକ ଉପରାଣ ପକାଇ ଦିଅନ୍ତୁ   | 
3. ଏକ କଳସ ସ୍ଥାପନ କରନ୍ତୁ  | 
4. ଚନ୍ଦନ ଲଗାନ୍ତୁ |
5. ଫୁଲ ହାର ପିନ୍ଧାନ୍ତୁ  । 
6. ଦୀପ ଏବଂ ଧୂପ ଲଗାନ୍ତୁ   | 
7. ଭୋଗରେ ଚୁଡାଘଷା,ଉଖୁଡା, ଫଳ ବାଢନ୍ତୁ ।
8. ଡାଲମା, ପୁରି, ଖିରି ନୈବେଦ୍ୟ ଭାବେ ଅର୍ପଣ କରୁଥିଲେ ତୁଳସୀ ପତ୍ର ପକାନ୍ତୁ  । 
   
9. ଭୋଗ ଲଗାନ୍ତୁ    |

ସଂସ୍କୃତି ଓ ପରମ୍ପରାଠୁ ଦୂରେଇ ଯାଉଛି

1. ଭାଗବତ ପାଠ ଓ ଅନ୍ୟ ପୁରାଣ ଶାସ୍ତ୍ର ଚର୍ଚ୍ଚା ଲୋକଙ୍କର ଚେତନାର ବିକାଶ କରିବା ଜୀବନକୁ ଆନନ୍ଦ ଓ ଶନ୍ତିରେ ଅତିବାହିତ କରିବାର ଅନେକ ବାଟ ବତାଇଥାଏ । 
2. ଅବଶ୍ୟ ଏବେ ଆଉ ସେଭଳି ସ୍ଥିତି ନାହିଁ । ଆଧୁନିକତା ନାମର ଆମେ ଆମ ନିଜତ୍ୱକୁ ଭୁଲି ଯାଉଛେ । ସଂସ୍କୃତି ଓ ପରମ୍ପରାଠୁ ଦୂରେଇ ଯାଉଛି । 
3. ତଥାପି ଅନେକ ଦେବ ଉପାସକ ଏବେବି ଭାଗବତା ପାରାୟଣ କରିବା ଠାରୁ ଆରମ୍ଭ କରି ଭାଗବତ ପାଠ କରୁଛନ୍ତି । ହେ
4. ଲେ ଖାଲି ଭାଗବତ ଶୁଣିଲେ ହେବ ନାହିଁ, ଏହାକୁ ନିଜ ଜୀବନର ପ୍ରତ୍ୟେକ କ୍ଷେତ୍ରରେ ଉପଯୋଗ କଲେ ଏ ଦୁନିଆ ବଦଳିଯିବ । ବର୍ତ୍ତମାନର ଅଶାନ୍ତିକର ପରିବେଶ ଆଉ ରହିବ ନାହିଁ ।

ମୃତ୍ୟୁବେଳେ ଭାଗବତ ଶ୍ରବଣରେ ମୋକ୍ଷ ପ୍ରାପ୍ତ ହୋଇଥାଏ, ହରିଚରଣରେ ଲୀନ ହୋଇଥାଏ ଆତ୍ମା । 

ଏହାହିଁ ଉତ୍କଳବାସିଙ୍କର ବିଶ୍ୱାସ ।