ଶୀତରେ କିପରି ନେବେ ପାଦର ଯତ୍ନ

ଶୀତଋତୁରେ ପାଦ ଫାଟିବା ଏକ ସାଧାରଣ ସମସ୍ୟା । ଶୀତ ଦିନେ ଗୋଇଠି ଫାଟିବା ଦରଜ ହେବା ରକ୍ତ ବାହାରିବା ସମସ୍ୟା ସଭିଙ୍କ ଠାରେ ପ୍ରାୟ ଦେଖାଯାଏ । ଆମ ଦେଶ ଏକ ଗ୍ରୀଷ୍ମ ପ୍ରଧାନ ଦେଶ ହୋଇଥିବାରୁ ଆମେ ଅତ୍ୟଧିକ ଶୀତକୁ ସହ୍ୟ କରିପାରୁନାହିଁ । ଚର୍ମ ଶୁଷ୍କ ହୋଇ ଫାଟିବା ଏକ ବଡ଼ ସମସ୍ୟା ଶୀତ ଋତୁରେ ହୋଇଥାଏ । ଏଣୁ ଏଥିପ୍ରତି ଯତ୍ନବାନ୍ ହେବା ଆବଶ୍ୟକ।  ଯଦି ଆପଣଙ୍କର ଗୋଇଠି ଥଣ୍ଡା ପାଗରେ ଫାଟିଥାଏ, ତେବେ ଏହି ସହଜ ଘରୋଇ ଉପଚାର ଆପଣାନ୍ତୁ ।  

1. ଶୀତଦିନେ ପାଦ ନିମନ୍ତେ ଉଷୁମ ପାଣି ଚିକିତ୍ସା ଖୁବ୍ ଉପକାରୀ। ବିଶେଷଜ୍ଞଙ୍କ ମତରେ ପାଦ ଫାଟି ରକ୍ତ ବାହାରୁଥିଲେ ମଧ୍ୟ ଏଇ ଉପାୟ ଅବଲମ୍ବନ କରିବା ଉଚିତ। 
2. ପ୍ରତିଦିନ ଶୋଇବା ବେଳେ ଉଷୁମ ପାଣିରେ ଅଳ୍ପ ଲୁଣ, କିଛି ସାମ୍ପୋ ଗୋଳାଇ ପାଦକୁ ୧୫ ମିନିଟ୍‌ ଯାଏଁ ବୁଡ଼ାଇ ରଖନ୍ତୁ। ସ୍କ୍ରବର୍‌ ସାହାଯ୍ୟରେ ଓ ପ୍ୟୁମିକ୍‌ ଷ୍ଟୋନ୍‌ ସାହାଯ୍ୟରେ ପାଦକୁ ଘଷି ମୃତକୋଷ ସବୁ ବାହାର କରି ଦିଅନ୍ତି ବା ଶୁଷ୍କ ବା ମୃତ ଚର୍ମ ଦୂର ହୋଇଥାଏ । । ଏହାପରେ ପାଦକୁ ଭଲଭାବରେ ପୋଛି ମଶ୍ଚରାଇଜର ଲଗାଇ ଦିଅନ୍ତୁ। ଏହାପରେ ପାଦରେ ସକ୍ସ ପିନ୍ଧି ନିଅନ୍ତୁ।
3. ଘରେ ମୋଜା ପିନ୍ଧି ଚଳପ୍ରଚଳ କରନ୍ତୁ। ଏପରି କରିବା ଦ୍ବାରା ପାଦରେ ଧୂଳିମଳି ନ ଲାଗିବା ସହ ଫଟା ମଧ୍ୟ ହୁଏନାହିଁ।
4. ଗୋଇଠିକୁ ନରମ ରଖିବା ପାଇଁ, ଆପଣ ଶୋଇବା ସମୟରେ ପେଟ୍ରୋଲିୟମ ଜେଲି, ବରୋଲିନ୍, ବୋରପ୍ଲସ କିମ୍ବା ଭେସଲିନ୍ ପ୍ରୟୋଗ କରିପାରିବେ । ଏହା ଆପଣଙ୍କ ପାଦ ଚିରି ଦେବ ନାହିଁ । 

• ଗୋଇଠି ନ ଫାଟିବା ପାଇଁ ଆପଣ ପ୍ରତିଦିନ ମହୁ କିମ୍ବା ଗରମ ସୋରିଷ ତେଲ ପ୍ରୟୋଗ କରି ପାଦକୁ ମଧ୍ୟ ମାଲିସ୍ କରିପାରିବେ ।
• ମହୁରେ ଆଣ୍ଟିଅକ୍ସିଡାଣ୍ଟ ଭରପୁର ହୋଇଥିବାରୁ ଏହା ମଧ୍ୟ ଏକ ଉତ୍ତମ ଉପଚାର । ଏକ ପ୍ଲାଷ୍ଟିକ ଟବ୍‌ରେ ଉଷୁମ ପାଣି ଭର୍ତ୍ତି କରି ସେଥିରୁ ୪-୫ ଚାମଚ ମହୁ ମିଶାନ୍ତୁ । ଏବେ ସେହି ପାତ୍ରରେ ୧୦ ମିନିଟ ପାଦ ବୁଡ଼ାଇ ରଖନ୍ତୁ । ସପ୍ତାହରେ ୨ ଥର ଏମିତି କଲେ ପାଦରୁ ସମସ୍ତ ମଇଳା ଦୂର ହେବା ସହ କୋମଳ ହୋଇଥାଏ ପାଦ ।
• ରାତିରେ ପାଦକୁ ଭଲ ଭାବେ ଧୋଇ ନଡ଼ିଆ ତେଲକୁ ମାଲିସ କରନ୍ତୁ । ନିୟମିତ ଏପରି କଲେ ପାଦ ଫଟା ସମସ୍ୟା ଦୂର ହୋଇଥାଏ ।
• ପ୍ରତିଦିନ ରାତିରେ ଶୋଇବା ପୂର୍ବରୁ ଉଷୁମ୍ ସୋରିଷ ତେଲ ପାଦରେ ମାଲିସ୍ କରି ମୋଜା ପିନ୍ଧି ଶୋଇବା ଉଚିତ୍ ।
• ଦେଶୀ ଗାଈର ଘିଅ କୁ ଉଷୁମ କରି ଲଗାଇବା ଦ୍ୱାରା କିଛି ଦିନ ମଧ୍ୟରେ ଫଟା ଗୋଇଠି ଭଲ ହୁଏ ଦରଜ ମଧ୍ୟ ଚାଲିଯାଏ।ପ୍ରତିଦିନ ଲଗାଇବା ଦ୍ୱାରା ଆପଣ ଫାଇଦା ପାଇପାରିବେ।

1. ଟବରରେ ଦୁଇ ଲିଟର ଉଷୁମ ପାଣି ଭର୍ତ୍ତିକରନ୍ତୁ । ଏକ କପ ଖିର, ଦୁଇ ବଡ ଚାମଚ ଅଲିଭ କିଂବା ରାଶି ତେଲ, ଆଠ-ଦଶ ବୁନ୍ଦା ଲେମ୍ବୁ ରସ ଏବଂ ଚିମୁଟାଏ ଡାଳଚିନି ଗୁଣ୍ଡ ମିଶାନ୍ତୁ । ଏହି ମିଶ୍ରଣରେ ପାଦ ପନ୍ଦର ମିନିଟ ବୁଡାଇରଖନ୍ତୁ । 
2. ପାଦର ଶୁଷ୍କ ଅଂଶରେ ପାଚିଲା କଦଳୀ ଚକଟି ଲେପ ଦିଅନ୍ତୁ । ଦଶ ମିନିଟ ପରେ ଧୁଅନ୍ତୁ । ଏହା ଦ୍ୱାରା ପାଦ-ଫଟାରୁ ମୁକ୍ତି ମିଳିବ ।
3. ଫାଟିଯାଇଥିବା ଗୋଇଠି ପାଇଁ ଆମେ ହର୍ବାଲ୍ ନିମ୍ବ ଏବଂ କଦଳୀ ମଧ୍ୟ ବ୍ୟବହାର କରିପାରିବା। କଦଳୀ ସହିତ ଲିମ୍ବ ପତ୍ରର ଆଣ୍ଟି-ଫଙ୍ଗଲ୍ ଏବଂ ଆଣ୍ଟି-ବ୍ୟାକ୍ଟେରିଆ ଗୁଣ ଆପଣଙ୍କୁ ଏକ କୋମଳ ଗୋଇଠି ଦେବାରେ ସାହାଯ୍ୟ କରିଥାଏ। ଏଥିପାଇଁ ଅଳ୍ପ ହଳଦୀ ପାଉଡର ନିଅନ୍ତୁ, ଏହାକୁ ନିମ୍ବ ପେଷ୍ଟରେ ମିଶାନ୍ତୁ କିମ୍ବା ଆପଣ ନିମ୍ବ ତେଲ ମଧ୍ୟ ବ୍ୟବହାର କରିପାରିବେ।
4. ବେସନ ଓ ମହୁ ମିଶାଇ ଏକ ପ୍ୟାକ୍ ପ୍ରସ୍ତୁତ କରି , ସେହି ପ୍ୟାକ୍‌କୁ ପାଦରେ ଲଗାନ୍ତୁ । ମାସ୍କ ଶୁଖିବା ପରେ ପାଦକୁ ଧୋଇ ସଫା କରନ୍ତୁ । ଏହା ପାଦ ପାଇଁ ଭଲ ମଶ୍ଚରାଇଜର ଭଳି କାମ କରେ । ସପ୍ତାହକୁ ଏପରି ୨ ରୁ ୩ ଥର କରିବା ଭଲ ।
5. କ୍ଷୀର ଏବଂ ମହୁକୁ ମିଶ୍ରଣ କରିବା ଏକ ମଶ୍ଚରାଇଜର ଭାବରେ ବ୍ୟବହାର କରାଯିବା ଉଚିତ ଏବଂ ସେଗୁଡିକ ସମ୍ପୂର୍ଣ୍ଣ ସୁସ୍ଥ ନହେବା ପର୍ଯ୍ୟନ୍ତ ବ୍ୟବହାର କରିବା ଉଚିତ।
6. ଲେମ୍ବୁ ରସ,ଦହି ଓ ବେସନ ମିଶାଇ  ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହି ପେଷ୍ଟକୁ ସପ୍ତାହକୁ ଥରେ ପାଦରେ ଲଗାନ୍ତୁ । ୧୫ ମିନିଟ ପାଦରେ ଲଗାଇ ରଖିବା ପାରେ ପାଣିରେ ପାଦ ଧୋଇ ସଫା କରନ୍ତୁ ।

• ନିୟମିତ ଭାବେ ପାଦରେ ସକାଳ ଓ ସଞ୍ଜରେ ମଏଶ୍ଚରାଇଜର୍ ଲଗାନ୍ତୁ। ଏହା ପାଦକୁ କୋମଳ ରଖିବା ସହ ପାଦ ଫଟାକୁ କମ୍ କରିଥାଏ।
• ଫାଟିଯାଇଥିବା ଗୋଇଠିରେ ରାସାୟନିକ ଯୁକ୍ତ ସାବୁନ ବ୍ୟବହାର କରନ୍ତୁ ନାହିଁ । ଏହା ଗୋଇଠି ଫାଟିବାର ସମ୍ଭାବନାକୁ ବଢାଇଥାଏ ।
• ପାଣି ଅଭାବରେ ହିଁ ଓଠ, ପାପୁଲି ଓ ପାଦରୁ ଚର୍ମ ଛାଡ଼େ। ଅଧିକରୁ ଅଧିକ ଜଳ ପିଇବା ଉଚିତ୍ଏହା ଦ୍ୱାରା ଶରୀରରେ ଜଳର ଅଭାବ ରୁହେ ନାହିଁ ଏହାଦ୍ୱାରା ଚର୍ମ ଶୁଷ୍କ ହୁଏ ନାହିଁ । ଫଳରେ ଆପଣଙ୍କ ଶରୀରର ବିଭିନ୍ନ ଅଂଶରେ ଚର୍ମ ଫାଟେ ନାହିଁ ।
• ପାଦକୁ ସବୁବେଳେ ଶୁଖିଲା ରଖିବାକୁ ଚେଷ୍ଟା କରନ୍ତୁ । ପାଦ ଓଦା ରହିଲେ ଫଙ୍ଗଲ ଇନଫେକସନ୍ ହେବାର ଭୟ ରହିଛି ।