ଦିଗ ଅନୁସାରେ ତାଲା ଲଗାନ୍ତୁ, ଘରକୁ ସୁରକ୍ଷା ଦେଇଥାଏ

ଘରେ ତାଲା ଲଗାଇବା ଦ୍ୱାରା ଆମ ଭିତରେ ସୁରକ୍ଷା ଭାବନା ଜାତ ହୋଇଥାଏ । ସାଧାରଣତଃ ବାହାରକୁ ଗଲା ବେଳେ ଘରର ସୁରକ୍ଷା ଦୃଷ୍ଟିରୁ ଆମେ ତାଲା ପକାଇଥାଉ । ତାଲା ବିନା କୌଣସି ଦୋକାନ କିମ୍ବା ଘର ପୂର୍ଣ୍ଣ ହୋଇନଥାଏ । ନିଜର ଅର୍ଜିତ ଧନକୁ ସୁରକ୍ଷିତ କରିବା ପାଇଁ ଲୋକମାନେ ସେମାନଙ୍କ ଘରର ଫାଟକ, ଟ୍ରେଜେରି, ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସ୍ଥାନ ଗୁଡିକରେ ତାଲା ପକାଇଥାନ୍ତି  । 

ତେବେ ଅନେକ ସମୟରେ ଘରେ ବର୍ବାଦି ଭୁଲ ସ୍ଥାନରେ ତାଲା ଚାବି ପକେଇବା କାରଣରୁ ଆସିଥାଏ ବୋଲି ବାସ୍ତୁ ଶାସ୍ତ୍ରରେ କୁହାଯାଏ । ତେବେ ନିଜ ଘରର ସମସ୍ୟା ପାଇଁ ଭାଗ୍ୟକୁ ଦୋଷ ନଦେଇ । ବାସ୍ତୁଶାସ୍ତ୍ର ଅନୁସାରେ ତାଲା ଲଗାଇବାର କିଛି ନିୟମ ରହିଛି ଯାହାଦ୍ୱାରା ଆମ ଘରର ସୁରକ୍ଷା ବଢିଥାଏ । ଏହି କିଛିଟା ଦିଗ ପ୍ରତି ଧ୍ୟାନ ଦେଲେ ସୁଫଳ ପାଇବେ…

ସର୍ବଦା ଘରର ଦିଗ ପ୍ରତି ଧ୍ୟାନ ଦେଇ ତାଲା ଲଗାଇବା ଉଚିତ

ପୂର୍ବ ଦିଗ

1. ବାସ୍ତୁଶାସ୍ତ୍ର ଅନୁସାରେ ପୂର୍ବ ଦିଗକୁ ସୂର୍ଯ୍ୟଙ୍କର ସ୍ଥାନ ବୋଲି କୁହାଯାଇଛି ଏବଂ ଏହି ଦିଗରେ ତମ୍ବା ତାଲା ବ୍ୟବହାର କରିବା ଉଚିତ୍। 
2. ଏହା ଦ୍ବାରା ଚୋରିର ଭୟ କମ୍ ରହିଥାଏ ଏବଂ ଘରର ସୁରକ୍ଷା ବଢ଼ିଯାଇଥାଏ।
3. ଏହାସହ ଆର୍ଥିକ କ୍ଷେତ୍ରରେ ମଧ୍ୟ ଆପଣଙ୍କୁ ଲାଭ ମିଳିବ।

ପଶ୍ଚିମ ଦିଗ

1. ସେହିଭଳି ପଶ୍ଚିମ ଦିଗକୁ ଶନିଙ୍କର ସ୍ଥାନ ବୋଲି କୁହାଯାଇଛି। ଏଠାରେ ଲୁହାରେ ତିଆରି କଳା ରଙ୍ଗର ତାଲା ବ୍ୟବହାର କରନ୍ତୁ। 
2. ଏହା ଦ୍ବାରା ଆପଣଙ୍କ ଘରେ ସକରାତ୍ମକ ଶକ୍ତି ପ୍ରବେଶ କରିବ ଏବଂ ଘରର ସୁରକ୍ଷା ବଢ଼ିବ। ଏପରି କରିବା ଦ୍ୱାରା ଘରେ ଚୋରର ଦୃଷ୍ଟି ଆପଣଙ୍କ ଘର ଉପରେ ପଡିବାର ସମ୍ଭାବନା କମ୍‍ ହୋଇଥାଏ।
3. କେବଳ ଏତିକି ନୁହେଁ ଏହା ସହିତ ଏହି ଦିଗରେ ଭୁଲରେ ବି ତମ୍ବା ତାଲା ଲଗାନ୍ତୁ ନାହିଁ ନଚେତ୍ ଆପଣଙ୍କ ଘରର ସୁରକ୍ଷା ପ୍ରତି ବିପଦ ବଢିପାରେ।

ଉତ୍ତର ଦିଗ

1. ଉତ୍ତର ଦିଗରେ ପିତ୍ତଳ ତାଲା ଲଗାଇଲେ ସୁରକ୍ଷା ଭଲ ହୋଇଥାଏ |
2. ଯଦି ଏହି ଦିଗରେ ଧାତୁର ତାଲା ଲଗାଇବାକୁ ଚାହୁଁଛନ୍ତି ତେବେ, ଧ୍ୟାନ ରଖନ୍ତୁ ଯେ ଏହାର ରଙ୍ଗ ହାଲୁକା ସୁନେଲି ରଙ୍ଗ ହେବା ଆବଶ୍ୟକ।  

ଦକ୍ଷିଣ ଦିଗ

1. ଦକ୍ଷିଣ ଦିଗରେ ପାଞ୍ଚଟି ଧାତୁ ବିଶିଷ୍ଟ ତାଲା ଲଗାଇବା ଦ୍ୱାରା ସୁରକ୍ଷା ବଢିଥାଏ। 
2. ଯଦି ପାଞ୍ଚଟି ଧାତୁ ବିଶିଷ୍ଟ ନ ଥିବ ତେବେ ତାଲାରେ ନାଲୀ ଓ ହଳଦିଆ ରଙ୍ଗ ଲଗାଇ ବ୍ୟବହାର କରିପାରିବେ।

ଦୋକାନ

1. ଦୋକାନ କିମ୍ବା ଅଫିସରେ ପଞ୍ଚ ଧାତୁର ଭାରି ତାଲା ଲଗାନ୍ତୁ। ତାଲା ଭାରି ହେବା ଦ୍ବାରା ଘରର ସୁରକ୍ଷା ବଢ଼ିଥାଏ। 
2. ଯଦି ପଞ୍ଚ ଧାତୁର ତାଲା ମିଳିବ ନାହିଁ ତେବେ ତାଲାରେ ଲାଲ କିମ୍ବା ଚେରି ରଙ୍ଗ ଚଢାଇକରି ଲଗାଇପାରିବେ ।
3. ଏହାଦ୍ୱାରା ଚୋରି, କ୍ଷତିର ସମ୍ଭାବନା କମ୍‍ ହୋଇଥାଏ।