ଏହି ୪ ପ୍ରକାର ଖାଦ୍ୟ ପ୍ରତ୍ୟହ ଖାଇବା ଉଚିତ୍

ଏହି ୪ ପ୍ରକାର ଖାଦ୍ୟ ପ୍ରତ୍ୟହ ଖାଇବା ଉଚିତ୍

ଆମ ସମସ୍ତଙ୍କର ଖାଦ୍ୟ ଦରକାର। କିନ୍ତୁ ଆମ୍ଭମାନଙ୍କ ମଧ୍ୟରୁ କେତେକ ଅନ୍ୟମାନଙ୍କ ଅପେକ୍ଷା ଅଧିକ ଖାଦ୍ୟ ଦରକାର କରିଥାନ୍ତି। ଏହା ବ୍ୟକ୍ତିର ବୟସ, ଲିଙ୍ଗ, ଆକାର, ବଢିବା ସୀମା ଓ କାର୍ଯ୍ୟକଳାପ ଉପରେ ନିର୍ଭର କରେ। ଭଲ ଖାଦ୍ୟ ବ୍ୟକ୍ତିର ବଢିବା ଓ ଭଲ ଉନ୍ନତି, କଠିନ ଶ୍ରମ ଓ ସୁସ୍ଥ ରହିବାପାଇଁ ଆବଶ୍ୟକ ହୋଇଥାଏ। 

ଠିକ୍ ଖାଇବା ଅର୍ଥ ଯଥେଷ୍ଟ ପରିମାଣରେ ଖାଇବା । ଏହାର ଅର୍ଥ ହେଉଛି ଶରୀର ଦରକାର କରୁଥିବା ବିଭିନ୍ନ ପ୍ରକାର ଖାଦ୍ୟରୁ ଆବଶ୍ୟକ ଅନୁଯାୟୀ ଉଚିତ୍ ପରିମାଣ ଖାଇବା । ସୁସ୍ଥ ରହିବା ପାଇଁ ବର୍ଣ୍ଣନା କରାଯାଇଥିବା ଚାରିଗୋଟିଯାକ – ଚାଉଳ, ଗହମ, ମକା, କଦଳୀ, ଦକ୍ଷିଣି ମୂଳା ଇତ୍ୟାଦି ଖାଆନ୍ତି, ମାତ୍ର ଯଥେଷ୍ଟ ପରିମାଣର ଖାଦ୍ୟସାରଯୁକ୍ତ ଖାଦ୍ୟ,ଯଥା, ଶିମ୍ବ, ମଟର, ଡାଲି, ଶାଗଜାତୀୟ ପନିପରିବା ଓ ଫଳ ଖାଆନ୍ତି ନାହିଁ । ଏପରି ଲୋକମାନଙ୍କୁ ପୁଷ୍ଟିହୀନତା ହୋଇପାରେ । ଅଧିକାଂଶ ରୋଗୀ ଶରୀର ଆବଶ୍ୟକ କରୁଥିବା ଅନୁସାରେ ଯଥେଷ୍ଟ ଖାଆନ୍ତି ନାହିଁ । ସୁସ୍ଥ ରହିବାପାଇଁ ପ୍ରତି ଭୋଜନରେ ପ୍ରତ୍ୟେକ ପ୍ରକାର ଖାଦ୍ୟରୁ କିଛି ନା କିଛି ଖାଇବାପାଇଁ ଚେଷ୍ଟା କରିବା ଦରକାର ।

ଏହି ୪ ପ୍ରକାର ଖାଦ୍ୟ ଆମେ ପ୍ରତ୍ୟହ ଖାଇବା ଉଚିତ୍

1. ଶକ୍ତିଦାୟକ ଖାଦ୍ୟ
2. ଆକାର ଆକୃତି ବୃଦ୍ଧିପାଇଁ ଖାଦ୍ୟ
3. ଅତିରିକ୍ତ ଶକ୍ତି ପ୍ରଦାନକାରୀ ଖାଦ୍ୟ
4. ଅସୁସ୍ଥ ଏବଂ ରୋଗରୁ ରକ୍ଷା କରୁଥିବା ଖାଦ୍ୟ

1. ଶକ୍ତିଦାୟକ ଖାଦ୍ୟ

ପୃଥିବୀର ଅନେକ ଲୋକ ଗୋଟିଏ ମୁଖ୍ୟ ଅଳ୍ପଦାମୀ ଖାଦ୍ୟ ପ୍ରତ୍ୟେକ ବକତରେ ଖାଆନ୍ତି । ମୁଖ୍ୟ ଖାଦ୍ୟରୁ କମ୍ ଖର୍ଚ୍ଚରେ ଶକ୍ତି ମିଳିଥାଏ, ତେଣୁ ଏହାକୁ ଶକ୍ତିଦାୟକ ଖାଦ୍ୟ ବୋଲି କୁହାଯାଏ ।  ଯେ ଯେତେ ବେଶୀ ପରିଶ୍ରମ କରେ ସେ ସତେ ବେଶୀ ଶକ୍ତିଦାୟକ ଖାଦ୍ୟ ଦରକାର କରିଥାଏ । ଏଥିରେ ଅଳ୍ପ ପରିମାଣର ଲୌହ, ଭିଟାମିନ ଓ ପ୍ରୋଟିନ ମଧ୍ୟ ଥାଏ ।

1. ଶସ୍ୟ – ଚାଉଳ, ଗହମ, ମକା,ବାଜରା,ମାଣ୍ଡିଆ ପ୍ରତିଦିନ ଦରକାରୀ ଖାଦ୍ୟ ଅଟେ ।
   
2. ଶ୍ଵେତସାର ଫଳ – କଦଳୀ
3. ଶ୍ଵେତସାର ମୂଳ – ଆଳୁ, କନ୍ଦମୂଳ, ଟାପିଓକା

ଯାହା ହେଉନା କାହିଁକି, ଜଣେ ବ୍ୟକ୍ତିର ସ୍ୱାସ୍ଥ୍ୟ ଠିକ୍ ରଖିବାକୁ ମୁଖ୍ୟ ଖାଦ୍ୟ ଯଥେଷ୍ଟ ନୁହେଁ । କାରଣ ଅନ୍ୟ ତିନିପ୍ରକାର ଖାଦ୍ୟ ନ ଥାଇ କେବଳ ଏହି ଖାଦ୍ୟ ଖାଇଲେ ଶରୀର ଦୁର୍ବଳ ହୋଇପଡେ।

2. ଆକାର,ଆକୃତି ବୃଦ୍ଧିପାଇଁ ଖାଦ୍ୟ

ଶକ୍ତିଶାଳୀ ଓ ସ୍ୱାସ୍ଥ୍ୟବାନ ହେବାପାଇଁ ପ୍ରତ୍ୟେକ ବ୍ୟକ୍ତିଙ୍କୁ ପ୍ରତ୍ୟହ ଯଥେଷ୍ଟ ପରିମାଣରେ ପ୍ରୋଟିନ ଜାତୀୟ ଖାଦ୍ୟ ଖାଇବା ଆବଶ୍ୟକ ହୋଇଥାଏ। ପ୍ରୋଟିନ ଜାତୀୟ ଖାଦ୍ୟ ଶରୀର ଗଠନରେ ସାହାଯ୍ୟ କରିଥାଏ । ଏଗୁଡିକ ଶରୀରର ମାଂସପେଶୀ ଓ ମସ୍ତିସ୍କର ଉପଯୁକ୍ତ ବୃଦ୍ଧି ପାଇଁ ନିହାତି ଆବଶ୍ୟକ। ଏମାନେ ଶରୀରର କ୍ଷୟକୁ ପୂରଣ କରି ରୋଗ ପ୍ରତିରୋଧ ଶକ୍ତି ବଢାନ୍ତି ।  ସ୍ୱାସ୍ଥ୍ୟବାନ ହେବାପାଇଁ ପ୍ରତି ଭୋଜନରେ ଏସବୁ ଖାଦ୍ୟ ମଧ୍ୟରୁ ଅନ୍ତତଃ ପକ୍ଷ ଗୋଟିଏ ଭାଗ ରହିବା ଦରକାର । 

1. ଉଦ୍ଭିଦ ପ୍ରୋଟିନ ଜାତୀୟ –  ମଟର, ଡାଲି, ଶିମ୍ବ, ସୋୟାବିନ, ଚିନାବାଦାମ,ନଡିଆ, ଗୁଆ ଇତ୍ୟାଦି ।
2. ପ୍ରାଣୀଜ ପ୍ରୋଟିନ - ଦୁଧ,ଦହି,ଅଣ୍ଡା, ମାଛ,ମାଂସ,ଛେନା ଇତ୍ୟାଦି । ମାଛ ଦେହରେ ସବୁଠାରୁ ଅଧିକ ପ୍ରୋଟିନ ଥାଏ । 
3. ଗାଢ ସବୁଜ ଶାଗ ଜାତୀୟ- ଖାଦ୍ୟ ସୋୟାବିନ ଓ ଚିନାବାଦାମରେ ଅଧିକ ପ୍ରୋଟିନ ଥାଏ । ମୁଖ୍ୟ ଖାଦ୍ୟ ସହିତ ଦୈନିକ ଏକମୁଠା ଚିନାବାଦାମ ଖାଇଲେ ତାହାଦ୍ଵାରା ଶରୀରକୁ ଯଥେଷ୍ଟ ପ୍ରୋଟିନ ମିଳେ ।

3. ଅତିରିକ୍ତ ଶକ୍ତି ପ୍ରଦାନକାରୀ ଖାଦ୍ୟ

ଯେଉଁସବୁ ଖାଦ୍ୟରୁ ଆମେ ଅତିରିକ୍ତ ଶକ୍ତି ପାଇଥାଉ ଚର୍ବି ଓ ଶର୍କରା ଉତ୍ସ ଅଟନ୍ତି । ଶରୀର ପାଇଁ ଅଧିକ ଶକ୍ତି ଦରକାର ପଡୁଥିବାବେଳେ ଆପେ ଆପେ ଚର୍ବି ଶର୍କରାରେ ପରିଣତ ହୋଇଯାଏ ଓ ଶରୀରକୁ ଶକ୍ତି ଯୋଗାଏ । ତେଣୁ ପ୍ରତି ଭୋଜନରେ କିଛି ନା କିଛି ଚର୍ବି ବା ତୈଳ ଜାତୀୟ ଖାଦ୍ୟ ଖାଇବା ଦରକାର ।

1. ଚର୍ବି ଜାତୀୟ ଖାଦ୍ୟ - ତେଲ, ଘିଅ, ମାଂସ, ଚର୍ବି, ଛେନା
2. ଅଧିକ ଚର୍ବି ଜାତୀୟ ଖାଦ୍ୟ – କୋଳି, ତୈଳବୀଜ, ଛେନା
3. ଚିନି ଜାତୀୟ -ସଫା ଚିନି, ମହୁ, ଗୁଡ

4. ଅସୁସ୍ଥ ଏବଂ ରୋଗରୁ ରକ୍ଷା କରୁଥିବା ଖାଦ୍ୟ

ଭିଟାମିନ ଶରୀରକୁ ରକ୍ଷା କରିଥାଏ । ଆମ ଶରୀର ଠିକ୍ ଭାବରେ କାମ କରିବାରେ ଏ ସବୁ ସାହାଯ୍ୟ କରିଥାଏ। ଆମେ ଯଦି ଆବଶ୍ୟକମତେ ଭିଟାମିନ ଥିବା ଖାଦ୍ୟ ନ ଖାଉ ତେବେ ରୋଗାଗ୍ରସ୍ତ ହୋଇଥାଉ । ସୁସ୍ଥ ରକ୍ତ, ଦାନ୍ତ ଓ ହାଡ ପାଇଁ ଖଣିଜସାର ଦରକାର।

1. ସବୁଜ ଶାଗ ଜାତୀୟ ପନିପରିବା – ପାଳଙ୍ଗ, କଣ୍ଟାଳିଆ ଶାଗ, ପୋଇ, ଲେଉଟିଆ ଇତ୍ୟାଦି ।
2. ଘନ ହଳଦିଆ ପନିପରିବା - ମୂଳା, ବୋଇତାଳୁ, ଟମାଟୋ
3. ଫଳ – ଅମୃତଭଣ୍ଡା, ଅଁଳା, କମଳା, ଆମ୍ବ, ଲେମ୍ବୁ
4. ପ୍ରାଣୀଜ ଖାଦ୍ୟ – ମାଂସ, ଅଣ୍ଡା, କୁକୁଡା, ମାଂସ, ମାଛ, କ୍ଷୀର