ସନ୍ତାନ ପ୍ରାପ୍ତି ପାଇଁ କରନ୍ତୁ ପୌଷମାସ ପୁତ୍ରଦା ଏକାଦଶୀ

ପୌଷମାସ ଶୁକ୍ଳପକ୍ଷ ଦଶମୀ ତିଥି ଅବସରରେ ଶାମ୍ବ ଦଶମୀ ପାଳିତ ହୋଇଥିଲା । ଏହି ଦିନ ସୂର୍ଯ୍ୟଙ୍କୁ ଉପାସନା କରି ଅନେକ ରୋଗ ମୁକ୍ତ ହୋଇଥିବା କଥା ବିଶ୍ୱାସ ରହିଛି । ପୌଷମାସ ଶୁକ୍ଳପକ୍ଷରେ ଯେଉଁ ଏକାଦଶୀ ପଡେ ତାହାକୁ  ପୁତ୍ରଦା ଏକାଦଶୀ କୁହାଯାଏ ।  ଏକଦଶୀ ଉପବାସର ବଡ ମହତ୍ତ୍ୱ ରହିଛି । ଏହି ଦିନ ବିଷ୍ଣୁଙ୍କର ଉପାସନା ଓ ପୂଜାର୍ଚ୍ଚନା କଲେ ଧନ ଏବଂ ଆରୋଗ୍ୟ ପ୍ରାପ୍ତି ହୋଇଥାଏ । ପୁତ୍ରଦା ଏକାଦଶୀ ବ୍ରତ କଲେ ସନ୍ତାନ ପ୍ରାପ୍ତି ଯୋଗ ସୃଷ୍ଟି ହୋଇଥାଏ ।

ଭଗବାନ୍ ଶ୍ରୀକୃଷ୍ଣ ଧର୍ମରାଜ ଯୁଧିଷ୍ଠିରଙ୍କୁ ଏହି ବ୍ରତର ମହତ୍ତ୍ୱକୁ ବ୍ୟାଖ୍ୟା କରି କହିଥିଲେ – ଏହି ତିଥିର ଅଧିଦେବତା ହେଉଛନ୍ତି ଭଗବାନ ନାରାୟଣ । ଏହି ତିଥିରେ ସମସ୍ତ ପାପନାଶ ହୋଇଥାଏ I 

ପୌଷ ପୁତ୍ରଦା ଏକାଦଶୀ କଥା

1. ଏହି ବ୍ରତର ଆରମ୍ଭ ମହୀଜିତ ନାମକ ରାଜା କରିଥିଲେ। ତାଙ୍କର ପୁତ୍ର ସନ୍ତାନ ନ ହେବାରୁ ସେ ଚିନ୍ତିତ ଥିଲେ । ସେହି ସମୟରେ ପୁଅମାନେ ରାଜ ସିଂହାସନରେ ବସୁଥିଲେ । ମହୀଜିତ୍‌ ନିଜର ପ୍ରଜାମାନଙ୍କୁ ବହୁତ ଭଲ ପାଉଥିଲେ । ଅପରାଧୀମାନଙ୍କୁ କଡା ଦଣ୍ଡ ଦେଉଥିଲେ । ପ୍ରଜାମାନେ ରାଜାଙ୍କୁ ବହୁତ ଭଲ ପାଉଥିଲେ । ମାତ୍ର ଉତ୍ତରାଧୀକାରୀ ଚିନ୍ତାରେ ରାଜା ସବୁବେଳେ ବୁଡ଼ି ରହୁଥିଲେ । ସେ ବିଶ୍ୱାସ କରୁଥିଲେ ଯେ, ଯେଉଁମାନଙ୍କ ସନ୍ତାନ ନାହିଁ, ସେମାନଙ୍କ ପାଇଁ ଏହି ଦୁନିଆ ଏବଂ ପରବର୍ତ୍ତୀ ଦୁନିଆ ଦୁଃଖଦାୟକ ଅଟେ  | 
2. ରାଜା କହିଲେ ଏହି ଜନ୍ମରେ ସବୁ ଭଲ କାମ କରି ଏପରି କାହିଁକି ହେଲେ । ତେବେ ଜଣେ ବିଦ୍ୱାନ ଜ୍ୟୋତିଷ ତାଙ୍କୁ ପୂର୍ବ ଜନ୍ମ ରେ କିଛି ପାପର ଏହା ଫଳ ବୋଲି କହିଥିଲେ । ମହର୍ଷି ଲୋମଶଙ୍କ ପାଖକୁ ଯିବା ପାଇଁ ରାଜଙ୍କୁ ପରାମର୍ଶ ଦେଇଥିଲେ । ରାଜା ବନରେ ତପସ୍ୟା କରୁଥିବା ମହର୍ଷି ଲୋମଶଙ୍କ ପାଖକୁ ଯାଇଥିଲେ । ମହର୍ଷିଙ୍କୁ ଭେଟି ରାଜ ସନ୍ତାନ ପ୍ରାପ୍ତି ବିଷୟରେ ପଚାରିଥିଲେ । 
3. ମହର୍ଷି ରାଜାଙ୍କର ପୂର୍ବ ଜନ୍ମ କଥା କହିଥିଲେ। ସେ ନିର୍ଧନ ଥିଲେ ଓ ଟଙ୍କା ପାଇଁ ବହୁତ ଖରାପ କାମ କରିଥିବା କଥା କହିଥିଲେ । ଏକ ତୃଷାତ ଗାଈର ପାଣି ବି ନିଜେ ପିଇ ଦେଇଥିଲେ । ଏଥିପାଇଁ ଏହି ଜନ୍ମରେ ଏପରି ଦଶା ପଡିଥିବା ସେ କହିଥିଲେ ।
4. ପୌଷ ମାସରେ ରାଜଙ୍କ ସହ ସମସ୍ତ ପ୍ରଜା ଶୁକ୍ଳ ପକ୍ଷ ଏକାଦଶୀରେ ବ୍ରତ ରଖିବା ସହ ଉଜାଗର ରହିବେ । ଏପରି କଲେ ପାପ କ୍ଷୟ ହେବ । ଏହାପରେ ରାଜାଙ୍କ ସହ ସମସ୍ତ ପ୍ରଜା ଏହି ବ୍ରତ ରଖଥିଲେ । ରାଜାଙ୍କର ସନ୍ତାନ ପ୍ରାପ୍ତି ହୋଇଥିଲା । ରାଜାଙ୍କର ଏକ ତେଜସ୍ୱୀ ପୁତ୍ର ହେଲା ଯାହା ସମସ୍ତ ଗୁଣର ଅଧିକାରୀ ହେବା ସହ ପ୍ରଜାମାନଙ୍କର ପାଳକ ମଧ୍ୟ ହୋଇପାରିଥିଲେ । ଏହି ଦୃଷ୍ଟିରୁ ପୁତ୍ରଦା ଏକାଦଶୀ ବ୍ରତ ସମସ୍ତ ଏକାଦଶୀଠାରୁ ଅଧିକ ମହତ୍ତ୍ୱପୂର୍ଣ୍ଣ । ଏହି ବ୍ରତ ରଖିବାଦ୍ୱାରା ପୁତ୍ର ପ୍ରାପ୍ତ ହୁଏ ବୋଲି ଅନେକଙ୍କ ବିଶ୍ୱାସ I

ତେଣୁ, ଯେଉଁମାନେ ପିଲାମାନଙ୍କର ସୁଖ ପାଇବାକୁ ଇଚ୍ଛା କରନ୍ତି, ସେମାନେ ଏହି ଉପବାସ କରିବା ଆବଶ୍ୟକ | ଏହାର ମହାନତା ଶୁଣିବା ଦ୍ୱାରା, ସମସ୍ତ ପାପରୁ ମୁକ୍ତ ହୋଇଯାଏ ଏବଂ ଏହି ଦୁନିଆରେ ପିଲାମାନଙ୍କୁ ଉପଭୋଗ କରିବା ପରେ, ପରବର୍ତ୍ତୀ ସମୟରେ ସ୍ୱର୍ଗ ପ୍ରାପ୍ତ ହୁଏ |

1. ପୁତ୍ରଦା ଏକାଦଶୀ। ସମସ୍ତ ବ୍ରତ ମଧ୍ୟରେ ସବୁଠାରୁ ମହତ୍ୱପୂର୍ଣ୍ଣ ବ୍ରତ ଏକାଦଶୀ ହୋଇଥାଏ ।
2.  ନିୟମିତ ଏକାଦଶୀ ବ୍ରତ ରଖିବା ଦ୍ୱାରା ମନର ଚଞ୍ଚଳତା ସମାପ୍ତ ହେବା ସହ ଧନ ଏବଂ ଆରୋଗ୍ୟ ପ୍ରାପ୍ତି ହୋଇଥାଏ। 
3. ଏହାବ୍ୟତୀତ ହରମୋନ ସମସ୍ୟା ମଧ୍ୟ ଠିକ୍‌ ହୋଇଥାଏ। 
4. ଏହାବ୍ୟତୀତ ପୁତ୍ରଦା ଏକାଦଶୀ ବ୍ରତ ସନ୍ତାନ ପ୍ରାପ୍ତି ପାଇଁ ଅମୋଘ ସଦୃଶ୍ୟ । ଏହି ବ୍ରତ କରିବା ଦ୍ୱାରା ସନ୍ତାନ ସମସ୍ୟାର ନିବାରଣ ସରଳତାର ସହ ହୋଇଥାଏ ।
5. ଏହି ଏକାଦଶୀ ତିଥିରେ ଦୀପଦାନ ସହ ସମସ୍ତ ଫଳ ପୂଜାକରିବା ବିଧାନ ରହିଛି । 
6. ଏହି ଦିନ ବିବାହିତା ନାରୀ ବିଷ୍ଣୁଙ୍କର ବ୍ରତ ଓ ଉପବାସ କଲେ ସୁନ୍ଦର ଓ ସ୍ୱାସ୍ଥ୍ୟବାନ ସନ୍ତାନ ପ୍ରାପ୍ତି ହୋଇଥାଏ । 
7. ଏହି ବ୍ରତ ଅନ୍ୟମାନ କଲେ ବିଭିନ୍ନ ସମସ୍ୟାରୁ ମୁକ୍ତ ମିଳିବ ।

ନିୟମ

1. ଏହି ବ୍ରତ ଦୁଇ ପ୍ରକାର ରଖାଯାଇଥାଏ- ନିର୍ଜଳ ବ୍ରତ ଏବଂ ଫଳହାରୀ ବା ଜଳୀୟ ବ୍ରତ | 
2. ନିର୍ଜଳ ବ୍ରତ ପୂର୍ଣ୍ଣ ରୂପେ ସୁସ୍ଥ ବ୍ୟକ୍ତି ରଖିବା ଉଚିତ ଏବଂ ଅସୁସ୍ତ ବ୍ୟକ୍ତି ବା ସାମନ୍ୟ ବ୍ୟକ୍ତିମାନେ ଫଳାହାରୀ ବା ଜଳୀୟ ଉପବାସ ରଖିପାରିବେ ।
3. ସନ୍ତାନ ସମ୍ବନ୍ଧିୟ ମନୋସ୍କାମନା ପାଇଁ ଆଜିର ଦିନରେ ଭଗବାନ ଶ୍ରୀକୃଷ୍ଣ ବା ଶ୍ରୀ ନାରାୟଣଙ୍କ ଉପବାସ କରିବା ଉଚିତ।

ସନ୍ତାନ ପ୍ରାପ୍ତି ପାଇଁ କରନ୍ତୁ ଏହିସବୁ କାମ

1. ଏଥିପାଇଁ ପୁତ୍ରଦା ଏକାଦଶୀ ତିଥିରେ ସ୍ନାନ ଶୌଚାଦି କାର୍ଯ୍ୟ ସମାପ୍ତ କରି ବିଷ୍ଣୁ କିମ୍ବା କୃଷ୍ଣଙ୍କର ଉପାସନା କରିବା ଉଚିତ୍‌ ।
2. ପ୍ରାତଃ କାଳରୁ ପତି ପତ୍ନୀ ମିଶି ଶ୍ରୀକୃଷ୍ଣଙ୍କ ଉପାସନା କରନ୍ତୁ ।
3. ଭଗବାନ ଶ୍ରୀକୃଷ୍ଣଙ୍କୁ ହଳଦିଆ ରଙ୍ଗର ଫଳ, ହଳଦିଆ ଫୁଲ ଏବଂ ତୁଳସୀମାଳ,ତୁଳସୀ ଜଟା ଏବଂ ପଞ୍ଚାମୃତ ଅର୍ପଣ କରନ୍ତୁ । 
4. ପତି ପତ୍ନୀ ଏକାଠି ମନ୍ତ୍ର ଜପ କରିବେ । ମନ୍ତ୍ର ଜପ କରିବା ପରେ ପତିପତ୍ନୀ ମିଶ୍ରି ପ୍ରସାଦ ଗ୍ରହଣ କରନ୍ତୁ। 
5. ଏହାପରେ ସନ୍ତାନ ଗୋପାଳ ମନ୍ତ୍ର ଜପ କରନ୍ତୁ । 
6. “ଓଁ କ୍ଲିଂ କୃଷ୍ଣାୟ ନମଃ"ଏହି ମନ୍ତ୍ରକୁ ୧୦୮ଥର ଜପ କରନ୍ତୁ ।