କଳା ଅଳେଇଚକୁ ଖାଦ୍ୟରେ ସାମିଲ କରି ଅନେକ ରୋଗରୁ ମୁକ୍ତ ହୁଅ

ଭାରତର ପ୍ରତ୍ୟେକ ରୋଷେଇ ଘରେ ମସଲା ଭାବରେ କଳା ଅଳେଇଚ ବ୍ୟବହୃତ ହୋଇଥାଏ । କଳା ଅଳେଇଚ କେବଳ ଖାଦ୍ୟରେ ନୁହେଁ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଲାଭଦାୟକ ହୋଇଥାଏ । କଳା ଅଳେଇଚକୁ ଔଷଧ ଭାବରେ ବ୍ୟବହୃତ କରାଯାଇଥାଏ । ବିଶେଷଜ୍ଞଙ୍କ ଅନୁଯାୟୀ, ପ୍ରତିଦିନ ଖାଦ୍ୟରେ କଳା ଅଳେଇଚ ମିଶାଇବା ଦ୍ୱାରା ଶରୀରକୁ ଅନେକ ରୋଗରୁ ମୁକ୍ତ ମିଳିଥାଏ । ଆସନ୍ତୁ ଜାଣିବା କଳା ଅଳେଇଚ ସ୍ୱାସ୍ଥ୍ୟ ପାଇଁ କେତେ ଲାଭଦାୟକ ହୋଇଥାଏ ।

ପ୍ରାୟତଃ ଅନେକଙ୍କ ରୋଷେଇ ଘରେ ମସଲା ଜାତୀୟ ସାମଗ୍ରୀ ମଧ୍ୟରେ, କଳା ଅଳେଇଚ ମଧ୍ୟ ବ୍ୟବହୃତ ହୋଇଥାଏ । ଏହା ଖାଦ୍ୟର ସ୍ବାଦ ବଢାଇବା ସହିତ, ସ୍ବାସ୍ଥ୍ୟ ପାଇଁ ମଧ୍ୟ ଉପକାରୀ ହୋଇଥାଏ । ତେବେ ଆସନ୍ତୁ ଜାଣିବା କଳା ଅଳେଇଚ ବ୍ୟବହାର କରିବା ଦ୍ବାରା, ଏହା ଶରୀରୁ କେଉଁ ସବୁ ସମସ୍ୟା ଦୂର କରିବାରେ ସାହାଯ୍ୟ କରେ ।

ବ୍ରାଉନ ଅଳେଇଚରେ ନ୍ୟୁଟ୍ରିଏଂଟ ଆଂଟି ଅକ୍ସିଡାଂଟ୍‌, ଭିଟାମିନ ସି ଓ ପୋଟାସିୟମ ଏହି ଅଳେଇଚରେ ପ୍ରଚୁର ପରିମାଣରେ ଥାଏ |

1. ଦାନ୍ତ ସଂକ୍ରମଣ, ମୁଖ ରୋଗ ଦୂର କରିଥାଏ

1. କଳା ଅଳେଇଚ ଦାନ୍ତ ସଂକ୍ରମଣ, ମାଢୀ ସଂକ୍ରମଣ ଏବଂ ମୁହଁର ଦୁର୍ଗନ୍ଧ ଦୁର କରିବାରେ ସହାୟକ ହୋଇଥାଏ ।
2. ମୁହଁରୁ ଦୁର୍ଗନ୍ଧ ନିର୍ଗତ ହେଉଥିଲେ, ଏଥିପାଇଁ କଳା ଅଳେଇଚ ଖଣ୍ଡକୁ ପାଟିରେ ରଖି ଚୋବାଇଲେ ସେଇ ସମସ୍ୟା ଦୂର ହୁଏ।
3. କିଛି ଅଳେଇଚ ମଞ୍ଜିକୁ ଅଲ୍ପ ସମୟ ପାଇଁ ପାଟିରେ ଚୋବାଇ ରଖିଲେ, ମୁଖ ଗନ୍ଧ ଦୁର ହୋଇଥାଏ । 
4. କିଛି ଅଳେଇଚ ଓ ଡାଳଚିନିର ଅର୍କକୁ ମିଶାଇ କୁଳୀ କଲେ ମୁଖ ରୋଗ ଉପସମ କରେ ।
5. ଯଦି ଆପଣଙ୍କ ପାଟିରୁ ଖରାପ ଗନ୍ଧ ବାହାରୁଛି, ଏପରି ପରିସ୍ଥିତିରେ ଖାଦ୍ୟ ଖାଇବା ପରେ ଆପଣ ଅଳେଇଚ ଖାଇବା ଆରମ୍ଭ କରନ୍ତୁ । କିମ୍ବା ସକାଳେ ଉଠି ଏକ କପ୍ ଅଳେଇଚ ଚା ’ପିଅନ୍ତୁ ବା ଫୁଟାଯାଇଥିବା ଅଳେଇଚ ପାଣି ପିଅନ୍ତୁ ।
6. ଅଳେଇଚ ଖାଇବା ହେତୁ ପାଟି ଜୀବାଣୁ ମଧ୍ୟ ମରିଯାଆନ୍ତି |
7. ଅଳେଇଚ ତେଲ ଓ ଲବଙ୍ଗ ତେଲ ସମାନ ମାତ୍ରାରେ ନେଇ ଦାନ୍ତ ଓ ମାଢ଼ିରେ ମାଲିସ୍‍ କଲେ ଦନ୍ତପୀଡ଼ାରେ ଆରାମ ମିଳେ । 
8. ଦାନ୍ତ ବିନ୍ଧୁଥିଲେ, ଅଳେଇଚକୁ କିଛି ସମୟ ପାଟିରେ ରଖିଲେ ଆରାମ ମିଳେ । 

2. ହାକୁଟି ଆସୁଥିଲେ

ବାରମ୍ବାର ହାକୁଟି ଆସୁଥିଲେ ଦୁଇଟି ଅଳେଇଚକୁ ଚୋପା ସହିତ ପାଣିରେ ଫୁଟାଇ ,ସେହି ପାଣିକୁ ପିଇଲେ ହାକୁଟି ଭଲ ହୋଇଯାଏ ।

3. ଶରୀରରୁ ମଇଳା ହଟାଇବାରେ ସହାୟକ ହୁଏ

ଅଳେଇଚରେ ଜୀବାଣୁନାଶକ ଗୁଣ ରହିଛି। ତେଣୁ କୁଣ୍ଡିଆ ରୋଗ ଓ ଆଲର୍ଜି ପରି ସଂକ୍ରମଣକୁ ଭଲ କରିବା ପାଇଁ ଅଳେଇଚ ଲାଭଦାୟକ ହୋଇଥାଏ।

4. ମୁଣ୍ଡବ୍ୟଥା

1. ଅଳେଇଚକୁ ଚୋପା ସହିତ ବାଟି ମଥାରେ ଲେପ ଦେଲେ ମୁଣ୍ଡ ବ୍ୟଥା ଦୂର ହୋଇଥାଏ କିମ୍ବା ଅଳେଇଚ ମଞ୍ଜିକୁ ବାଟି ନାକରେ ଶୁଙ୍ଘିଲେ ମୁଣ୍ଡ ବ୍ୟଥାରେ ଆରମ ମିଳେ । 
2. ବ୍ରାଉନ ଅଳେଇଚ ତେଲ ମାଲିସ କଲେ ମୁଣ୍ଡବ୍ୟଥାରୁ ଆଶ୍ୱସ୍ତି ମିଳେ
3. ବଦ୍ ହଜମି ଯୋଗୁଁ ମୁଣ୍ଡ ବିନ୍ଧୁ ଥିଲେ ଗ୍ରୀନ ଅଳେଇଚ ପଡ଼ିଥିବା ଚା ପିଇଲେ ଆରାମ୍ ମିଳେ ।

5. ଅବସାଦ

ଅଳେଇଚକୁ ପାଣି ଓ ଚାରେ ଫୁଟାଇ ପିଇଲେ,ଏହା ଅବସାଦକୁ କମ କରେ । ମିଜାଜରେ ବି ପରିବର୍ତ୍ତନ ଆଣିଥାଏ ।

6. ମନ୍ଦାଗ୍ନି

ଅଳେଇଚ ମଞ୍ଜି ୮- ୧୦ଟି ସହିତ ୨ ଗ୍ରାମ ଶୁଣ୍ଠି ଚୂର୍ଣ୍ଣ ମିଶାଇ ସେବନ କଲେ ଜୀର୍ଣ୍ଣ ଶକ୍ତି ବଢ଼ି ମନ୍ଦାଗ୍ନି  ଦୂର ହୋଇଥାଏ । 

7. ପେଟ ବ୍ୟଥା

ଅଳେଇଚ ମଞ୍ଜି ଚୂର୍ଣ୍ଣ ୧ ଗ୍ରାମ ସହିତ କଳା ଲୁଣ ମିଶାଇ ଖାଇଲେ ପେଟ ବ୍ୟଥା ଦୂର ହୁଏ । 

8. ଝାଡ଼ା ରୋଗ

ଅଳେଇଚ ମଞ୍ଜି ଚୂର୍ଣ୍ଣ ୧ ଗ୍ରାମ ସହିତ ୧୦ ଗ୍ରାମ ବେଲମଞ୍ଜି ଚୂର୍ଣ୍ଣ ପାଣି ସହିତ ସେବନ କଲେ ଝାଡ଼ା ବନ୍ଦ ହୋଇଯାଇଥାଏ ।