ବାସ୍ତୁ ଗଛ ଯଦି ଅଚାନକ ଶୁଖିଯାଏ ତେବେ ଘରେ କଣ ବିପତ୍ତି ପଡ଼େ 

କହିବାକୁ ଗଲେ ପ୍ରାୟତଃ ଲୋକମାନେ ବାସ୍ତୁ ଗଛ ଯେମିତି କି ତୁଳସୀ ଗଛ, ମନି ପ୍ଳାଣ୍ଟ, ଅପରାଜିତା ଗଛ ଓ ପାରିଜାତ ଗଛ ଭଳି ବାସ୍ତୁ ଗଛ ଗୁଡିକୁ ଘରର ବାସ୍ତୁ ଦୋଷ ଓ ଘରର ସମସ୍ତ ସମସ୍ୟାର ନିବାରଣ କରିବା ପାଇଁ ଘରେ ଲଗାଇଥାନ୍ତି । ଏହି କ୍ରମରେ ଆଜି ଆମେ ଆପଣଙ୍କୁ ପବିତ୍ର ଗଛ ତୁଳସୀ ଭଳି ଅନ୍ୟ ସମସ୍ତ ବାସ୍ତୁ ଗଛ ଗୁଡିକ ଯଦି ଅଚାନକ ଶୁଖି ଯାଉଛି ତେବେ ଏହାର ଫଳାଫଳ କେତେକ ଭୟଙ୍କର ହୋଇପାରେ ସେହି ବିଷୟରେ କହିବୁ । ଏହା ସହିତ କହିବୁ କି ଏହା ଆପଣଙ୍କ ପାଇଁ କେତେ ଶୁଭ ଓ ଅଶୁଭ ଅଟେ ।

ଘର ମଧ୍ୟରେ ଯଦି ଆପଣ ତୁଳସୀ ଗଛ କିମ୍ବା ଅନ୍ୟ କୌଣସି ବାସ୍ତୁ ଗଛ ଲଗାଇଛନ୍ତି ଓ ତାହା ଅଚାନକ ଶୁଖି ଯାଉଛି ତେବେ ଏହା ଆପଣଙ୍କ ପାଇଁ ଅଶୁଭ ହୋଇଥାଏ ।

1. ତୁଳସୀ ଗଛ

କହିବାକୁ ଗଲେ ତୁଳସୀ ଗଛ ମାତା ବୃନ୍ଦାବତୀ ଶାନ୍ତି ଓ ସୁଖ ସମୃଦ୍ଧିର ପ୍ରତୀକ ଅଟନ୍ତି । ଏମିତିରେ ଯେଉଁ ଘରେ ବିନା କାରଣରେ କିମ୍ବା ସମୟ ପୂର୍ବରୁ ତୁଳସୀ ଗଛ ଶୁଖିଯାଏ ନଚେତ ମରିଯାଏ ତେବେ ସେହି ଘରୁ ଧୀରେ ଧୀରେ ଶାନ୍ତି ଓ ସୁଖ ଚାଲିଯାଏ । ଘରେ ଅଶାନ୍ତିକର ପରିବେଶ ରହିବା ସହିତ ପରିବାରର ସଦସ୍ୟମାନଙ୍କ ମଧ୍ୟରେ ବିବାଦ ଲାଗିଥାଏ । ଏହା ସହିତ ଆର୍ଥିକ କ୍ଷେତ୍ରରେ ମଧ୍ୟ କ୍ଷତି ହୋଇଥାଏ । ତେଣୁ ଘରେ ଯଦି ତୁଳସୀ ଗଛ ଲଗାଇଛନ୍ତି ତେବେ ତାର ଧ୍ୟାନ ରଖନ୍ତୁ କେବେବି ମରିବାକୁ ଦିଅନ୍ତୁ ନାହିଁ ।

2. ଅପରାଜିତା ଗଛ

ଯଦି ଅପରାଜିତା ଗଛ ବିଷୟରେ କହିବା ତେବେ ଏହି ଗଛ ଆପଣଙ୍କର ଉନ୍ନତି ଓ ସଫଳତା ପାଇଁ ଘରେ ସ୍ଥାପନା କରାଯାଇଥାଏ । ଏହି ଗଛ ଶୁଖିଯିବା କିମ୍ବା ମରିଯିବା ଘର ଓ ପରିବାରର ଉନ୍ନତିରେ ବାଧା ଆସିବାର ଏକ ସଂକେତ ଦେଇଥାଏ । ଏମିତିରେ କୌଣସି ବି କାର୍ଯ୍ୟ ସଠିକ ରୂପରେ ହୋଇ ନ ଥାଏ ।

3. ମନି ପ୍ଳାଣ୍ଟ

ଘରେ କେବେ ବି ଧନର ଅଭାବ ନ ହେଉ ସେଥିପାଇଁ ଘରେ ମନି ପ୍ଳାଣ୍ଟର ଗଛ ଲଗାଯାଏ । କିନ୍ତୁ ଯଦି ଅଚାନକ ଏହି ଗଛ ଶୁଖିଯାଏ ତେବେ ଏହାର ଅର୍ଥ ଆପଣଙ୍କୁ ଧନ ହାନି ହେବ କିମ୍ବା ଆପଣଙ୍କର ଟଙ୍କା ଅଯଥା ଖର୍ଚ୍ଚ ହେବ । ଏହା ସହିତ କୌଣସି ବଡ କ୍ଷତି ହେବାର ସଂକେତ ଦେଇଥାଏ ।

4. ଶମି ଗଛ

ଶନି ଗ୍ରହକୁ ଶାନ୍ତି କରିବା ପାଇଁ ଘରେ ଶମି ଗଛ ଲଗାଯାଏ । ଏମିତିରେ ଯଦି ଆପଣଙ୍କ ଘରେ ଏହି ଗଛଟି ଅଚାନକ ଶୁଖି ଯାଉଛି ତେବେ ସେଠି ଶନିଙ୍କର କୃପା ରୁହେ ନାହିଁ । ଏହା ସହିତ ସେହି ଘରେ କୌଣସି ଶୁଭକାର୍ଯ୍ୟ ବି ହୁଏ ନାହିଁ ।

5. ପାରିଜାତ ଗଛ ବା ଗଙ୍ଗଶିଉଳି

ଘରର ମାନ ସମ୍ମାନ ଉଚ୍ଚ କରିବା ପାଇଁ ଘର ମଧ୍ୟରେ ପାରିଜାତ ଗଛ ସ୍ଥାପନ କରାଯାଇ ପୂଜା କାରାଯାଏ । ଏମିତିରେ ଯେଉଁ ଘରେ ଏହି ଗଛ ଶୁଖିବା ଆରମ୍ଭ ହୋଇଥାଏ ସେହି ଘରର ମାନ ସମ୍ମାନ ତଳକୁ ଚାଲିଯାଏ । ଏହା ସହିତ ଘରେ ନକାରାତ୍ମକ ଶକ୍ତି ବି ପ୍ରବେଶ କରିବାକୁ ଲାଗେ ।