ତୁଳସୀ ପତ୍ର ତୋଳିବାରେ ଏହି ଭୂଲ କରୁଛନ୍ତି କି ?

ଅଧୌତ ବସ୍ତ୍ରରେ ମନ୍ତ୍ର ପାଠ ଓ ଜଳ ସିଞ୍ଚନ ନ କରି ତୁଳସୀ ତୋଳିବା ନିଷେଧ । ତୁଳସୀ ଚୟନ ପୂର୍ବରୁ ପ୍ରଥମେ ବୃକ୍ଷ ଦେବତାଙ୍କୁ ପ୍ରଣାମ କରି ତା'ପରେ ମନ୍ତ୍ର ପାଠ କରି ତୁଳସୀ ତୋଳିବ। ତୁଳସୀ ସଂଗ୍ରହ ସମୟରେ ଯେମିତି ବୃକ୍ଷ ଦେବତାଙ୍କୁ କଷ୍ଟ ନ ହୁଏ ସେଥିପାଇଁ ଧ୍ଯାନ ଦେବ। 

1. ବାମ ହସ୍ତରେ ତୁଳସୀର ଶାଖା ଧାରଣ କରି ଡାହାଣ ହସ୍ତରେ ପତ୍ର ଚୟନ କରିବ। 
2. ଡାଳ ଯେମିତି ନଇଁ ନ ଯାଏ ସେଥିପ୍ରତି ଦୃଷ୍ଟି ଦେବ।
3.  ଗୋଟିଏ ଗଛରୁ ଏକ ସମୟରେ ବାରଟି ପତ୍ରରୁ ଅଧିକ ସଂଗ୍ରହ କରିବ ନାହିଁ । 
4. ତୁଳସୀକୁ ଚନ୍ଦନ ସହିତ ଦେବ କିନ୍ତୁ ଓଲଟା ଦେବ ନାହିଁ ।

ତୁଳସୀ ପତ୍ର ତୋଳିବାର ଆଉ କିଛି ନିୟମ

1. ଅନେକ ଲୋକମାନେ ଏହି ପତ୍ରକୁ ତୋଳିବା ପାଇଁ ନିଜ ନଖକୁ ବ୍ୟବହାର କରିଥାନ୍ତି । ଏହାକୁ ନଖ ନ ଲଗାଇ ଆଙ୍ଗୁଠି ଦ୍ଵାରା ତୋଳିବେ । ତୁଳସୀ ଗଛରୁ ଝଡି ପଡିଥିବା ପତ୍ରକୁ ବ୍ୟବହାର କରିବା ଉଚିତ୍ ।
2. ତୁଳସୀ ପତ୍ର ସର୍ବଦା ସକାଳେ ତୋଳିବା ଉଚିତ। ଯଦି ଆପଣ ତୁଳସୀର ଅନ୍ୟ ସମୟରେ ଉପଯୋଗ କରୁଛନ୍ତି ତାହେଲେ ସକାଳେ ପତ୍ର ତୋଳି ରଖି ଦିଅନ୍ତୁ। 
3. ତୁଳସୀ ପତ୍ର 11ଦିନ ପର୍ଯ୍ୟନ୍ତ ବାସୀ ହୋଇନଥାଏ ସେଥିପାଇଁ ଆପଣ ଆଗରୁ ତୁଳସୀ ପତ୍ର ତୋଳିକି ରଖନ୍ତୁ ଦେଖିବେ ଆପଣଙ୍କ ପୂଜା ସଫାଳ ଆବଶ୍ୟ ହବ । 
4. ଆବଶ୍ୟକତା ନଥିଲେ ତୁଳସୀ ପତ୍ର ତୋଳିବା ଉଚିତ ନୁହେଁ। ଏହା ତାଙ୍କ ଅପମାନ ହୋଇଥାଏ ।
5. ତୁଳସୀ ପତ୍ର ତୋଳିବା ସମୟରେ ସ୍ୱଚ୍ଛତା ପ୍ରତି ଧ୍ୟାନ ଦିଅନ୍ତୁ।
6. ତୁଳସୀ ପତ୍ରକୁ କେବେ ଅପରିଷ୍କାର ହାତରେ ସ୍ପର୍ଶ କରନ୍ତୁ ନାହିଁ  । 
7. ତୁଳସୀ ପତ୍ର ତୋଳିବା ପୂର୍ବରୁ ଆଗ ପ୍ରଣାମ କରିବା ଉଚିତ ଏବଂ ଏହି ମନ୍ତ୍ରର ଜପ କରିବା ଉଚିତ । 

8. ତୁଳସୀ ତୋଳିବା ମନ୍ତ୍ର

        "ତୁଳସୀ ମୃତ ନାଂ ମାସି ସଦାତ୍ଵଂ କେଶବ ପିୟେ

                                  କେଶବାର୍ଥେ ଚିନୋମିତ୍ଵାଂ ବରଦା ଭବ ଶୋଭନେ ।

                 ଦ୍ଵାଦଶଂ ସମ୍ଭବୈଃ ପତ୍ରେଃ ପୂଜୟାମି ଯଥା ହରିଂ

                                ତଥା କୁରୁ ପବିତ୍ରାଙ୍ଗି କଳୌ ମଳ ବିନାଶିନୀ ।

9.  
   “ବ୍ରହ୍ମା ବିଷ୍ଣୁ କହିଛନ୍ତି ତୁଳସୀକୁ ଆଣ
   
   
   ତୁଳସୀକୁ ଆଣିଲେ ମୋର କିଛି ଦୋଷ
   
   
   ନାହିଁ ମୋତେ କ୍ଷମା କର।”

କେଉଁ ବାର ଓ ତିଥିରେ ତୁଳସୀ ପତ୍ର ତୋଳିବ ନାହିଁ

ତେବେ ବହୁତ ଲୋକଙ୍କୁ ଏହା ଜଣା ନଥାଏ ଯେ ତୁଳସୀ ପତ୍ର କେଉଁ ସମୟରେ ତୋଳିବା ଉଚିତ ଓ କେଉଁ ସମୟରେ ତୋଳିବା ଉଚିତ ନୁହଁ । 

1. ତେବେ ଜାଣି ରଖନ୍ତୁ ପୂର୍ଣ୍ଣିମା, ଅମାବାସ୍ୟା,ଏକାଦଶୀ,ଦ୍ବାଦଶୀ,ସଂକ୍ରାନ୍ତି ଏହି ସବୁ ଦିନ ଓ ପର୍ବପର୍ବାଣିରେ ଏବଂ ମଙ୍ଗଳବାର ଓ ରବିବାର ଦିନ ଭୁଲରେ ବି ତୁଳସୀ ପତ୍ର ତୋଳନ୍ତୁ ନାହିଁ ଏହା ଶୁଭ ହୋଇନଥାଏ । 
2. ସୂର୍ଯ୍ୟପରାଗ, ଚନ୍ଦ୍ରଗ୍ରହଣ ଦିନ ତୁଳସୀ ତୋଳିବା ଉଚିତ ନୁହେଁ |
3. ଶାସ୍ତ୍ର ଅନୁସାରେ ରବିବାର ଦିନ ତୁଳସୀ ପତ୍ର କଦାପି ତୋଳିବ ନାହିଁ । ରବିବାର ଦିନ ତୁଳସୀ ଗଛରେ ଜଳ ମଧ୍ୟ ଅର୍ପଣ ନ କରିବା ଉଚିତ୍ । ଯେଉଁ ବ୍ୟକ୍ତି ଏହି ଦିନ ମାନଙ୍କରେ ତୁଳସୀ ପତ୍ର ତୋଳିଥାଏ ସେହି ବ୍ୟକ୍ତି ଆର୍ଥିକ ସମସ୍ୟାର ସାମ୍ନା ଅକରିବାକୁ ପଡିଥାଏ ।

କେଉଁ ସମୟରେ ତୁଳସୀ ପତ୍ର ତୋଳିବ ନାହିଁ

1. ସୂର୍ଯ୍ୟ ଅସ୍ତ ହେବା ପରେ ତୁଳସୀ ପତ୍ର ନ ତୋଳିବା ଉଚିତ୍ ।  
2. ମଧ୍ୟାନ୍ନକାଳ, ତ୍ରିସନ୍ଧ୍ୟା, ସନ୍ଧ୍ୟାକାଳ ବା  ସୂର୍ଯ୍ୟାସ୍ତ ପରେ ତୁଳସୀ ପତ୍ର ଛିଣ୍ଡେଇଲେ ଶ୍ରୀହରୀଙ୍କ ମସ୍ତକ ଛେଦନ ପରି ହୋଇଥାଏ।
3. ଶାସ୍ତ୍ରରେ କୁହାଯାଇଛି ଯେ ସନ୍ଧ୍ୟା ସମୟରେ ଦେବୀ ତୁଳସୀ ଯାହାକୁ ଶ୍ରୀ ରାଧାଙ୍କ ସ୍ୱରୂପ ମନାଯାଇଛି, ସେ ବଣରେ ଶ୍ରୀ କୃଷ୍ଣଙ୍କ ସହିତ ରାସ କରିବା ପାଇଁ ଯାଇଥାନ୍ତି । ଯଦି ତାଙ୍କ ରାସରେ କିଏ ବାଧା ଉତ୍ପନ୍ନ କରେ ତେବେ ସେ ରାଧାଙ୍କ ସହିତ ଶ୍ରୀ କୃଷ୍ଣଙ୍କର କ୍ରୋଧ ମଧ୍ୟ ଭୋଗ କରିବାକୁ ପଡିଥାଏ । 

ତୁଳସୀ ପତ୍ରକୁ କେତେବେଳେ ଛୁଇଁବ ନାହିଁ

1. ବିଶ୍ଵାସ ରହିଛି ଯେ ଅଶୌଚ, ରାତ୍ରିରେ ପିନ୍ଧିଥିବା ବସ୍ତ୍ର, ତୈଳ ଲଗାଇବା ପରେ ତୁଳସୀ ପତ୍ର ଛିଣ୍ଡେଇଲେ ଶ୍ରୀହରୀଙ୍କ ମସ୍ତକ ଛେଦନ ପରି ହୋଇଥାଏ।
2. ସବୁବେଳେ ଗାଧୋଇବା ପରେ ତୁଳସୀ ପତ୍ରକୁ ଛୁଇଁ ପାରିବେ । 
3. ଯଦି ତୁଳସୀ ପତ୍ର ଝଡି ତଳେ ପଡିଛି ତେବେ ମଧ୍ୟ ହାତକୁ ସଫା କରି ଛୁଇଁବେ । 
4. ଯଦି ଆପଣ ଘରେ ଲଡୁ ଗୋପାଳ କୃଷ୍ଣ ରଖିଛନ୍ତି ଓ ତାଙ୍କ ପାଖରେ ସେହି ତୁଳସୀ ପତ୍ର ରଖିଛନ୍ତି ବା ଭୋଗ ଲଗାଇବା ପାଇଁ ପୁରୁଣା ତୁଳସୀ ପତ୍ରର ବ୍ୟବହାର କରୁଛନ୍ତି, ତେବେ ୧୧ ଦିନରୁ ଅଧିକ ଦିନର ପତ୍ରକୁ ବ୍ୟବହାର କରନ୍ତୁ ନାହିଁ ।

ମଉଳି ଯାଇଥିବା ଗଛ ବା ପତ୍ରକୁ କଣ କରିବ

1. ଯଦି ଘରେ ତୁଳସୀ ଗଛ ବା ପତ୍ର ଶୁଖିଯାଇଛି ଓ ପତ୍ର କଅଁଳୁ ନାହିଁ ତେବେ ସେହି ଗଛକୁ ଘରେ ରଖନ୍ତୁ ନାହିଁ । 
2. ତୁଳସୀ ପତ୍ରକୁ ଅପରିଷ୍କାର ଜାଗାରେ ଫୋପାଡ଼ନ୍ତୁ ନାହିଁ ଏବଂ ଗୋଡ଼ରେ ମାରନ୍ତୁ ନାହିଁ  |
3. ଏହାବ୍ୟତୀତ ଝାଡ଼ୁରେ ମଧ୍ୟ ତୁଳସୀ ପତ୍ରକୁ ପହଁରିବା ଉଚିତ ନୁହେଁ |
4. ଏହାକୁ କାଢି ନଦୀରେ ବିସର୍ଜନ କରିଦିଅନ୍ତୁ । କାରଣ ଶୁଖିଯାଇଥିବା ତୁଳସୀ ଗଛ ଅଶୁଭ ବୋଲି କୁହାଯାଏ ।

କେଉଁଠି ତୁଳସୀ ପତ୍ର ଚଢାଇବ ନାହିଁ

1. ଭଗବାନ ବିଷ୍ଣୁଙ୍କର ତୁଳସୀ ଅତି ପ୍ରିୟ ଅଟେ । ତେଣୁ ଭଗବାନ ବିଷ୍ଣୁଙ୍କୁ ସବୁ କ୍ଷେତ୍ରରେ ତୁଳସୀ ଅର୍ପଣ କରିପାରିବେ ।
2. ଭଗବାନ ଶିବ, ମା ଦୁର୍ଗାଙ୍କୁ ଓ ଶ୍ରୀ ଗଣେଶଙ୍କୁ କଦାପି ତୁଳସୀ ପତ୍ର  ଅର୍ପଣ କରିବା ଉଚିତ ନୁହେଁ । କାରଣ ଶ୍ରୀ ରାଧା ଭଗବାନ ଶିବଙ୍କୁ ନିଜର ଆରାଧ୍ୟ ମାନନ୍ତି ଓ ତୁଳସୀ ଗଛ ଶ୍ରୀ ରାଧାଙ୍କର ଏକ ସ୍ୱରୂପ ଅଟେ ।