ଶରତ ପୂର୍ଣ୍ଣିମା ବା (କୁମାର ପୂର୍ଣ୍ଣିମା) ବ୍ରତରେ କ୍ଷୀରି ଖାଇବାର ମହତ୍ତ୍ୱ 

ମସଲାଯୁକ୍ତ ଖାଦ୍ୟ ଘର ବାହାରେ ମିଷ୍ଟାନ୍ନ ଘର ଭିତରେ ରଖିବାର କାରଣ

1. କିମ୍ବଦନ୍ତୀ ଅନୁସାରେ ଲକ୍ଷ୍ମୀ ଓ ଅଲକ୍ଷ୍ମୀ ଦୁଇ ଭଉଣୀ । ଲକ୍ଷ୍ମୀ ମିଠା ଖାଇବାକୁ ଭଲ ପାଆନ୍ତି ଓ ସୌଭାଗ୍ୟ ଆଣନ୍ତି । କିନ୍ତୁ ଅଲକ୍ଷ୍ମୀ ମସଲାଯୁକ୍ତ ଖାଦ୍ୟ ଖାଇବାକୁ ଭଲ ପାଆନ୍ତି ଓ ଦୁର୍ଭାଗ୍ୟ ଆଣନ୍ତି ।
2. ତେଣୁ ଏହି ଦିନ କିଛି ମସଲାଯୁକ୍ତ ଖାଦ୍ୟ ଘର ବାହାରେ ରଖିଦିଆଯାଇଥାଏ । ଯାହା ଫଳରେ ଅଲକ୍ଷ୍ମୀ ସେହି ସବୁ ଖାଦ୍ୟ ନେଇ ଘର ବାହାରକୁ ଚାଲିଯିବେ । 
3. ସେହିପରି ଅଳ୍ପ କିଛି ମିଷ୍ଟାନ୍ନ ଘର ବାହାରେ ରଖାଯାଏ ଏବଂ ଅଧିକ ପରିମାଣରେ ମିଷ୍ଟାନ୍ନ ଘର ଭିତରେ ରଖାଯାଇଥାଏ । ଯାହା ଫଳରେ ଲକ୍ଷ୍ମୀ ମିଠା ଖାଇବା ପାଇଁ ଘର ଭିତରକୁ ଆସିବେ ଓ ଘର ଭିତରେ ହିଁ ରହିଯିବେ । 
4. କୁମାର ପୂର୍ଣ୍ଣିମା ଦିନ ସକାଳେ ତୁଳସୀରେ ଦୀପ ଜଳାନ୍ତୁ ଏବଂ ଏହାସହିତ ସିନ୍ଦୁର ମଧ୍ୟ ଅର୍ପଣ କରିବା ଉଚିତ । ଏହା ସହିତ ତୁଳସୀକୁ ଧଳା ମିଠା ଦ୍ୱାରା ଭୋଗ ଲଗାଇବା ଉଚିତ । ଏଭଳି କରୁଥିବା ଲୋକଙ୍କ ଉପରେ ମା ଲକ୍ଷ୍ମୀଙ୍କର ବିଶେଷ କୃପା ପଡ଼ିଥାଏ । 
5. ଏଭଳି ପରିସ୍ଥିତିରେ ମାତାଙ୍କୁ ଉପହାର ସ୍ୱରୂପ ତାଙ୍କର ପ୍ରିୟ ଜିନିଷ ଅର୍ପଣ କରିବା ଉଚିତ । ଏଥି ମଧ୍ୟରେ ସିଙ୍ଗଡ଼ା , ଦହି , ପାନ ଏବଂ ଫେଣେଇ ମୁଖ୍ୟ ହୋଇଥାଏ । କୁମାର ପୂର୍ଣ୍ଣିମା ସନ୍ଧ୍ୟାରେ ମାତା ଲକ୍ଷ୍ମୀଙ୍କୁ ଏହି ସମସ୍ତ ଜିନିଷ ଭୋଗ ଲଗାଇବା ଉଚିତ।

ଚୁଡ଼ା ସ‌ହ କ୍ଷୀର ଖାଇବା ପଛରେ ଆୟୁର୍ବେଦିକ କାରଣ

1. ଏହି ଦିନ ରାତିରେ ଚୁଡ଼ା ସ‌ହ କ୍ଷୀର ଖାଇବା ପଛରେ ଏକ ଆୟୁର୍ବେଦିକ କାରଣ ରହିଛି । ଏହି ପର୍ବ ଶରତ ଋତୁରେ ପଡ଼ିଥାଏ । ଗ୍ରୀଷ୍ମ ଋତୁର ଶେଷ ସମୟ ଓ ଶୀତ ଋତୁର ଆରମ୍ଭ ସମୟକୁ ଶରତ ଋତୁ କୁହାଯାଏ । 
2. ଏହି ଋତୁ ଦୁଇ ମାସ ଧରି ରହିଥାଏ । ଏହି ଋତୁରେ ଦିନ ଉଷୁମ ରହୁଥିଲା ବେଳେ ରାତିରେ ଶୀତ ଅନୁଭୂତ ହୋଇଥାଏ । 
3. ଏହି ସମୟରେ ଋତୁ ପରିବର୍ତ୍ତନ ଯୋଗୁଁ ବାତ ଦୋଷ, ପିତ୍ତ ଦୋଷ ଓ କଫ ଦୋଷ ହେବାର ସମ୍ଭାବନା ଅଧିକ ଥାଏ । ତେଣୁ ରାତିରେ ଚୁଡ଼ା ସ‌ହ କ୍ଷୀର ଖାଇବାଦ୍ୱାରା ଏହି ସବୁ ଦୋଷ ହେବାର ସମ୍ଭାବନା କମିଯାଇଥାଏ ।

କ୍ଷୀରି ଖାଇବାର ମହତ୍ତ୍ୱ

1. ଶରତ ପୂର୍ଣ୍ଣିମା ରାତିରେ କ୍ଷୀରି ଖାଇବାର ପରମ୍ପରା ରହିଛି । ଶରତ ପୂର୍ଣ୍ଣିମା ରାତିରେ ଜହ୍ନର ସୌନ୍ଦର୍ଯ୍ୟ ଅଦ୍ଵିତୀୟ ହୋଇଥାଏ । ଏହି ରାତିରେ ଜହ୍ନଙ୍କଠୁ ବାହାରୁଥିବା ଶୀତଳ କିରଣ ଆମ ସ୍ୱାସ୍ଥ୍ୟ  ପାଇଁ ଖୁବ୍ ଲାଭଦାୟକ ହୋଇଥାଏ ।
2. ବିଶ୍ୱାସ ଅନୁଯାୟୀ କୁମାର ପୂର୍ଣ୍ଣିମା ରାତିର ଚନ୍ଦ୍ର କିରଣରେ ଅମୃତ ବର୍ଷା ହୋଇଥାଏ । ଏହି ରାତିରେ ଚାଉଳ କ୍ଷୀରି ପ୍ରସ୍ତୁତ କରି ଏକ ସୁକ୍ଷ୍ମ କପଡ଼ାରେ ଘୋଡାଇ ତାକୁ ଖୋଲା ଆକାଶ ତଳେ ରଖିଦେବା ଉଚିତ। ତାପର ସକାଳେ ସ୍ନାନ କରିସାରିବା ପରେ କ୍ଷୀରିକୁ ମା ଲକ୍ଷ୍ମୀଙ୍କର ପ୍ରସାଦ ଭାବରେ ବାଣ୍ଟିବା ପରେ ଖାଇବା ଉଚିତ ।
3. ଜହ୍ନ କିରଣ ପ୍ରଭାବରେ କ୍ଷୀରିରେ ଔଷଧୀୟ ଗୁଣ ସାମିଲ ହୋଇଥାଏ । ଏହି କ୍ଷୀରିକୁ ଖାଇବା ଦ୍ୱାରା  ଶ୍ୱାସ ସମ୍ବନ୍ଧୀୟ ରୋଗରୁ ମୁକ୍ତି ମିଳିଥାଏ ।
4. ଶ୍ୱାସରୋଗୀ ଙ୍କ ପାଇଁ ଏହି କ୍ଷୀରି ଅମୃତ ସମାନ ହୋଇଥାଏ । ଏଥିପାଇଁ ଅନେକ ସାମାଜିକ ସଂସ୍ଥାରେ ଶ୍ୱାସ ରୋଗୀଙ୍କ ପାଇଁ କ୍ଷୀରି ପ୍ରସ୍ତୁତ କରାଯାଇଥାଏ । 
5. କୁହାଯାଏ ଯେ ଏହି କ୍ଷୀରିକୁ ଖାଇବା ଦ୍ୱାରା ସ୍ୱାସ୍ଥ୍ୟ ସ୍ୱରୂପ ସମ୍ପଦ ଏବଂ ଆରୋଗ୍ୟ ସ୍ୱରୂପ ବରଦାନ ପ୍ରାପ୍ତ ହୋଇଥାଏ । ଏହାସହିତ ଆପଣଙ୍କ ଘରୁ ଧନର ଅଭାବ ଦୂର ହୋଇଥାଏ । ଏଥିପାଇଁ ଚନ୍ଦ୍ର କିରଣରେ ରଖା ଯାଇଥିବା କ୍ଷୀରି ଖାଇବା ଦ୍ୱାରା ଅନେକ ପ୍ରକାରର ସ୍ୱାସ୍ଥ୍ୟ ସମସ୍ୟା ଶେଷ ହୋଇଯାଏ ଏବଂ ଅନେକ ଋଣରୁ ମଧ୍ୟ ମୁକ୍ତି ମିଳିଥାଏ ।
6. ଖିରରେ ଏକ ପ୍ରକାର ଏପରି ପଦାର୍ଥ ରହିଛି ଯାହା ଚନ୍ଦ୍ରମାଙ୍କ କିରଣରୁ ଅଧିକ ମାତ୍ରାରେ ଶକ୍ତି ଶୋଷଣ କରିଥାଏ । ଚାଉଳରେ ଥିବା ଏକ ପ୍ରକାର ପ୍ରଦାର୍ଥ ମଧ୍ୟ ଚନ୍ଦ୍ରଙ୍କ କିରଣରୁ ଶକ୍ତି ଶୋଷଣ କରିଥାଏ । ବୈଜ୍ଞାନିକଙ୍କ ମତରେ ଏହି ଖିରୀ ସେବନ କରିବା ଦ୍ୱାରା ଶରୀର ପାଇଁ ଖୁବ ଲାଭଦାୟକ ହୋଇଥାଏ |
7. ଆଜମା ରୋଗୀଙ୍କ ପାଇଁ ଏହି ଖିରୀ ଖୁବ ଉପକାରୀ । ରାତି ସାରା ଖିରୀ ରହିବା ପରେ ଭୋର ସମୟରେ ଏହି ରୋଗୀ ଖିରୀ ସେବନ କରିବା ଉଚିତ ।