କୋଭିଡରେ ସିଟି ସ୍କାନ୍ ଜରୁରି କି ?

କରୋନା ଭୂତାଣୁର ଲକ୍ଷଣ

କୋଭିଡ ୧୯ର ସାଧାରଣ ଲକ୍ଷଣ ହେଉଛି ଜ୍ୱର, ଥକା ପଣ ଏବଂ ଶୁଷ୍କ କାଶ | କେତେକ ରୋଗୀଙ୍କର ଶରୀର ଯନ୍ତ୍ରଣା , ନାସିକା ସଂକ୍ରମଣ, ନାକରୁ ସିଙ୍ଘାଣି ବାହାରିବା, ଗଳା ଯନ୍ତ୍ରଣା କିମ୍ବା ଡାଇରିଆ ହୋଇପାରେ | ଏହି ଲକ୍ଷଣଗୁଡ଼ିକ ସାଧାରଣତଃ ସାମାନ୍ୟ ଏବଂ ଧୀରେ ଧୀରେ ଆରମ୍ଭ ହୁଏ |ସଂକ୍ରମଣର ୨-୧୪ ଦିନ ମଧ୍ୟରେ ଲକ୍ଷଣ ଦେଖାଯାଇପାରେ | କିନ୍ତୁ ଅଧିକାଂଶ ଲୋକ ବିନା କୌଣସି ଲକ୍ଷଣ ଥାଇ ମଧ୍ୟ ସଂକ୍ରମଣର ଶିକାର ହୋଇପାରନ୍ତି |

ସଂକ୍ରମଣର ସାଧାରଣ ଲକ୍ଷଣ ମଧ୍ୟରେ ଜ୍ୱର, କାଶ, ନିଶ୍ୱାସ ପ୍ରଶ୍ୱାସ ଏବଂ ଶ୍ୱାସକ୍ରିୟାରେ କଷ୍ଟ ଅନୁଭବ ଅନ୍ତର୍ଭୁକ୍ତ | ଗୁରୁତର ସଂକ୍ରମଣ ନିମୋନିଆ, ଶ୍ଵାସକ୍ରିୟ କ୍ରିୟାରେ ଅସହ୍ୟ ଯନ୍ତ୍ରଣା, କିଡନୀ ନଷ୍ଟ ଏବଂ ମୃତ୍ୟୁର କାରଣ ମଧ୍ୟ ହୋଇପାରେ।

ଜ୍ୱର

ଅତ୍ୟଧିକ ଜ୍ୱର – ଏହାର ଅର୍ଥ ନିଜ କପାଳ କିମ୍ବା ପିଠିକୁ ସ୍ପର୍ଶ କଲେ ତୁମେ ସାମାନ୍ୟ ଠାରୁ ଅଧିକ ଉଷ୍ମତା ଅନୁଭବ କରୁଛ (ତୁମର ତାପମାତ୍ରା ମାପିବା ଆବଶ୍ୟକ ନାହିଁ) | ଏହା ଏକ ସାଧାରଣ ସଙ୍କେତ ଏବଂ ଯଦି ଆପଣ ସଂକ୍ରମିତ ହୋଇଥାନ୍ତି ତେବେ ୨ରୁ୧୦ ଦିନରେ ମଧ୍ୟ ଲକ୍ଷଣ ଦେଖା ଦେଇପାରେ |

କଫ

କ୍ରମାଗତ କାଶ – ଏହାର ଅର୍ଥ ଏକ ଘଣ୍ଟାରୁ ଅଧିକ ସମୟ ପାଇଁ ଅଧିକ କାଶ, କିମ୍ବା ୨୪ ଘଣ୍ଟା ମଧ୍ୟରେ ୩ ପର୍ଯ୍ୟାୟ କିମ୍ବା ଅଧିକ କାଶ ହେବା। (ଯଦି ଆପଣଙ୍କର ସାଧାରଣତଃ କାଶ ହେଉଛି, ଏହା ସାଧାରଣ ଅପେକ୍ଷା ଅଧିକ ହୋଇପାରେ) |

ନିଶ୍ୱାସ ପ୍ରଶ୍ୱାସରେ ସ୍ୱଳ୍ପତା

ନିଶ୍ୱାସ ନେବାରେ ଅସୁବିଧା – କୋଭିଡ ୧୯ ସଂକ୍ରମିତ ପ୍ରତ୍ୟେକ ୬ ଜଣଙ୍କ ମଧ୍ୟରୁ ପ୍ରାୟ ୧ ଜଣ ଗୁରୁତର ଅସୁସ୍ଥ ହୋଇ ଶ୍ୱାସକ୍ରିୟାରେ କଷ୍ଟ ଅନୁଭବ କରନ୍ତି| (ସାଧାରଣତଃ ମିନିଟ ପ୍ରତି ଶ୍ୱାସକ୍ରିୟା ସଂଖ୍ୟା ବୃଦ୍ଧି ଦ୍ୱାରା ଜଣାଶୁଣା) |

କରୋନା ଭୂତାଣୁ ପାଇଁ ଚିକିତ୍ସା

1. କୋଭିଡ ୧୯ ପ୍ରତିରୋଧ କିମ୍ବା ଚିକିତ୍ସା ପାଇଁ ଆଜି ପର୍ଯ୍ୟନ୍ତ, କୌଣସି ଟୀକା କିମ୍ବା କୌଣସି ନିର୍ଦ୍ଦିଷ୍ଟ ଆଣ୍ଟିଭାଇରାଲ୍ ଔଷଧ ବାହାରି ନାହିଁ |ସଂକ୍ରମିତ ବ୍ୟକ୍ତିମାନେ ସୁରକ୍ଷିତ ରହିବା ପାଇଁ ପାଇଁ ଯତ୍ନବାନ ହେବା ଉଚିତ୍ | ଗୁରୁତର ଅସୁସ୍ଥ ଥିବା ଲୋକଙ୍କୁ ଡାକ୍ତରଖାନାରେ ଭର୍ତ୍ତି କରାଯିବା ଉଚିତ୍। ଉପଯୁକ୍ତ ଯତ୍ନ ଯୋଗୁଁ ଅଧିକାଂଶ ରୋଗୀ ସୁସ୍ଥ ହୋଇଛନ୍ତି |
2. ଭୂତାଣୁ ପ୍ରତିରୋଧ ପାଇଁ ଆଣ୍ଟିବାୟୋଟିକ୍ କାମ କରେ ନାହିଁ କାରଣ ଏହା ଭୂତାଣୁ ସହ ଲଢ଼ି ପାରେ ନାହିଁ | ଅସୁସ୍ଥ ସମୟରେ ସଂକ୍ରମଣ ଲକ୍ଷଣ ହ୍ରାସ ପାଇଁ ଚିକିତ୍ସା କରାଯାଏ | ନିଜେ ସୁସ୍ଥ ନହେବା ପର୍ଯ୍ୟନ୍ତ ଅନ୍ୟମାନଙ୍କଠାରୁ ଦୂରରେ ରହିବା ଆବଶ୍ୟକ |
3. ସଂକ୍ରମଣକୁ ପ୍ରତିରୋଧ କରିବା ପାଇଁ ନିୟମିତ ହାତ ଧୋଇବା, କାଶ ଓ ଛିଙ୍କ ସମୟରେ ପାଟି ଏବଂ ନାକକୁ ଘୋଡାଇବା, ମାଂସ ଏବଂ ଅଣ୍ଡାକୁ ଭଲ ଭାବରେ ରାନ୍ଧନ୍ତୁ। କାଶ ଏବଂ ଛିଙ୍କ ଭଳି ଶ୍ୱାସ ରୋଗର ଲକ୍ଷଣ ପ୍ରକାଶ ପାଉଥିବା ବ୍ୟକ୍ତିଙ୍କ ଠାରୁ ସାମାଜିକ ଦୂରତା ବଜାୟ ରଖନ୍ତୁ।

କୋଭିଡରେ ସିଟି ସ୍କାନ୍ ଜରୁରି 

କୋଭିଡ ୧୯ ହେଉଛି ଏକ ସଂକ୍ରାମକ ରୋଗ ଯାହା ବାୟୁ ଦ୍ଵାରା ବ୍ୟାପିଥାଏ ଏବଂ ଆପଣଙ୍କ ଫୁସଫୁସ ଉପରେ ପ୍ରଭାବ ପକାଇପାରେ। ଏହା କରୋନା ଭୂତାଣୁ ଦ୍ୱାରା ହୋଇଥାଏ | କରୋନା ମହାମାରୀ, ନେଇ ସବୁ ମହଲରେ ଉଦ୍‌ବେଗ ଓ ନାନା ଆଶଙ୍କା ପାଉ ଥିବାବେଳେ କିଛି ଦିନ ତଳେ ଏମ୍ସର ନିର୍ଦ୍ଦେଶକ ଡାକ୍ତର ରଣଦୀପ ଗୁଲେରିଆଙ୍କ  ଉକ୍ତି ସାଧାରଣରେ ବିଚାର ଆଲୋଚନା ଓ ଆଶଙ୍କା, ତର୍କବିତର୍କ ସୃଷ୍ଟି କରିଥିଲା। 

1. ସିଟି ସ୍କାନ୍ କୋଭିଡ଼ ନିରାକରଣରେ ଏକ ଗୁରୁତ୍ଵପୂର୍ଣ୍ଣ ଭୂମିକା ନିର୍ବାହ କରୁଛି । ଏହା ରୋଗର ଗମ୍ଭୀରତାକୁ ନିର୍ଣ୍ଣୟ କରିଥାଏ । ଯଦିଓ ଆରଟି ପିସିଆର ପରୀକ୍ଷା ଦ୍ଵାରା ଆକ୍ରାନ୍ତଙ୍କୁ ଚିହ୍ନଟ କରାଯାଇପାରୁଛି ତଥାପି ମ୍ୟୁଟାଣ୍ଟ ଭାରିଆଣ୍ଟ, ବୈଷୟିକ ତ୍ରୁଟି କିମ୍ବା କମ୍ ଭାଇରଲ ଲୋଡ୍‌ ହେତୁ ପରୀକ୍ଷା ରିପୋର୍ଟ ନେଗେଟିଭ ବାହାରୁଥିବା କ୍ଷେତ୍ରରେ ସିଟି ସ୍କାନ ଭୂତାଣୁ ସଂକ୍ରମଣ ଚିହ୍ନଟ କରାଇବାରେ ସାହାଯ୍ୟ କରିଥାଏ । 
2. ଛାତିର ସିଟି ପରୀକ୍ଷା କରିବା ଦ୍ୱାରା ରୋଗରେ ମୃଦୁ, ମଧ୍ୟମ କିମ୍ବା ଗୁରୁତର ସ୍ଥିତି ବିଷୟରେ ଜାଣିହେବ । ଯାହାଦ୍ଵାରା ଚିକିତ୍ସା ପରିଚାଳନା କ୍ଷେତ୍ରରେ ଠିକ୍ ପରମର୍ଶ ମିଳିପାରିବ । ଏପରିକି ଏହି ରୋଗର ବ୍ୟାପକ ସଂକ୍ରମଣ ଉପରେ କିଛି ପରୀକ୍ଷା ତଥ୍ୟ ଦେଇପାରିବ ।
3. ବିଶେଷକରି ସ୍ୱାସ୍ଥ୍ୟବସ୍ଥା ଅଧିକ ଖରାପ ହେଉଥିବା ରୋଗୀମାନଙ୍କ ଉପରେ ନଜର ରଖାଯାଇପାରିବ । ବାସ୍ତବିକ କଥା ହେଉଛି ଯେ ଫୁସଫୁସ୍‌ର କ୍ଷତି ଚିହ୍ନଟ କରିବାରେ ପଲ୍ସ ଆକ୍ଟିମିଟର ଦ୍ଵାରା ସାଚ୍ୟୁରେସନ ମନିଟରିଂ ଅପେକ୍ଷା ଗୋଟିଏ ସିଟି ସ୍କାନ ଅଧିକ ଉପଯୋଗୀ ହୋଇଥାଏ ଏବଂ ଠିକ ସମୟରେ ଷ୍ଟେରଏଡ ସେବନ ନିଷ୍ପତ୍ତି ନେବାରେ ଏହା ସହାୟକ ହୋଇଥାଏ । 
4. ପୂର୍ବରୁ ଡାକ୍ତରଖାନାଗୁଡ଼ିକ ଅତ୍ୟଧିକ ଚାପରେ ଅଛନ୍ତି । ତେଣୁ ରୋଗୀର ସଂକ୍ରମଣକୁ ଠିକ ଭାବେ ଚିହ୍ନଟ କରାଯିବା ଦ୍ବାରା ରୋଗୀକୁ ଘରେ ଚିକିତ୍ସା ଯୋଗାଇ ଦେବା ସମ୍ଭବ ହୋଇପାରିବ । ଶୀଘ୍ର ଚିକିତ୍ସା ଆରମ୍ଭ ହୋଇପାରିଲେ ରୋଗୀକୁ ବଞ୍ଚାଇବା ସହଜ ବୋଲି କୁହାଯାଇଛି ।