କରୋନା ସଂକ୍ରମିତଙ୍କ ପାଇଁ ଫିଜିଓଥେରାପି କେତେ ଜରୁରି

କୋଭିତ-୧୯ ମହାମାରୀ ସାରା ବିଶ୍ୱକୁ କବଳିତ କରି ରଖିଛି । ୨୦୧୯ ଶେଷ ଏବଂ ୨୦୨୦ ଆରମ୍ଭରୁ ଦେଖାଦେଇଥିବା ଏହି ଭୟଙ୍କର ବ୍ୟାଧି ମଣିଷକୁ ଶାରୀରିକ ଏବଂ ମାନସିକ ସ୍ତରରେ ଅସୁସ୍ଥ କରି ରଖିଛି । ଯଦିଓ ଭାରତ ସମେତ ବିଭିନ୍ନ ଦେଶ ଏହି ଭାଇରସ୍‌କୁ ପ୍ରତିରୋଧ କରିବା ପାଇଁ ଟୀକା ବାହାର କରିଲେଣି । ତଥାପି ମହାମାରୀର ଭୟାବହତା କମିନାହିଁ । ତେବେ ଆସନ୍ତୁ ଜାଣିବା କରୋନା ସଂକ୍ରମିତଙ୍କ ପାଇଁ ଫିଜିଓଥେରାପି କେତେ ଜରୁରି।

ସଂକ୍ରମଣ ହେଉଛି, ମଣିଷ ଅସୁସ୍ଥ ହେଉଛି, ଅନେକ ମୃତ୍ୟୁ ମଧ୍ୟ ଘଟୁଛି ! କୋଭିତ-୧୯ ସଂକ୍ରମିତଙ୍କୁ ସୁସ୍ଥ କରିବା ସହ ସେମାନଙ୍କ ଜୀବନ ରକ୍ଷା କରିବା ପାଇଁ ଡାକ୍ତରମାନେ ଆପ୍ରାଣ ଚେଷ୍ଟା କରୁଛନ୍ତି । ଏହି ସମୟରେ ଲୋକମାନେ ବିଭିନ୍ନ ଶାରିରୀକ ପରିଶ୍ରମଠାରୁ ଦୂରେଇ ଯାଇଛନ୍ତି । ଫଳରେ ଶରୀର ଏକ ପ୍ରକାରର ନିଷ୍କ୍ରିୟ ହୋଇପଡିଛି । ତେଣୁ କରୋନା ସଂକ୍ରମଣ ପରେ ଶରୀରକୁ ପୂର୍ବାବସ୍ଥାକୁ ଫେରାଇ ଆଣିବା ପାଇଁ ଫିଜିଓଥେରାପି ବହୁତ ଜରୁରି ହୋଇପଡିଛି । 

ତେବେ କରୋନା ସଂକ୍ରମିତଙ୍କୁ ସୁସ୍ଥ କରିବା ନିମନ୍ତେ ଏବଂ ସଂକ୍ରମଣରୁ ମୁକୁଳିବା ପରେ ନିଜ ଶରୀରକୁ ସୁସ୍ଥ ରଖିବା ନେଇ ଫିଜିଓଥେରାପିର ଯଥେଷ୍ଟ ଭୂମିକା ରହିଛି। ହସ୍ପିଟାଲ୍‌ରେ ମଧ୍ୟ କରୋନା ସଂକ୍ରମିତଙ୍କୁ ସୁସ୍ଥ କରିବା ଦିଗରେ ଫିଜିଓଥେରାପିଷ୍ଟମାନଙ୍କର ପ୍ରାଥମିକ ଭୂମିକା ରହୁଛି । କୋଭିତ-୧୯ ସଂକ୍ରମିତଙ୍କ କ୍ଷେତ୍ରରେ ମୁଖ୍ୟତଃ ଶ୍ୱାସଜନିତ ସମସ୍ୟା ଦେଖାଦେଇଥାଏ। ତେଣୁ ଏ ଦିଗରେ କେତେକ ନିର୍ଦ୍ଦିଷ୍ଟ ବ୍ୟାୟାମର ଆବଶ୍ୟକତା ରହିଛି। 

କରେନାରୁ ସୁସ୍ଥ ହେବା ପାଇଁ ନିୟମିତ ଶାରୀରିକ ବ୍ୟାୟାମ ଜରୁରି

ଫିଜିଓଥେରାପି କରିବା ପାଇଁ

1. ଶରୀରକୁ ଫିଟ୍ ରଖିବା ଜରୁରି
2. ମାଂସପେଶୀକୁ ସୁଦୃଢ଼ କରିବା ଆବଶ୍ୟକ
3. ଶ୍ଵାସ ପ୍ରଶ୍ୱାସ ନେବାରେ କଷ୍ଟ ଅନୁଭବକୁ କମ୍ କରିବା 
4. ଚିନ୍ତାଧାରାକୁ ଉନ୍ନତ କରିବା
5. ମାନସିକ ଚାପ କମ୍ କରାଇବା ଏବଂ ମନକୁ ଖୁସି ରଖିବା
6. ମନୋବଳ ବୃଦ୍ଧି କରିବା
7. ଶାରୀରିକ ଶକ୍ତି ବୃଦ୍ଧି କରିବା

କିଭଳି କରିବେ ଫିଜିଓଥେରାପି ?

ଶରୀରକୁ ସୁସ୍ଥ ରଖିବା ସହ କରୋନା ସଂକ୍ରମଣରୁ ମୁକ୍ତ ହେବା ପାଇଁ ନିୟମିତ ବ୍ୟାୟାମର ଆବଶ୍ୟକତା ରହିଛି ।

ଏମିତି କରନ୍ତୁ ବ୍ୟାୟାମ

1. ସିଧା ଠିଡା ହେବେ
2. ଗୋଟିଏ ବିନ୍ଦୁ ଉପରେ ଚାଲିବେ
3. ଶିଢ଼ି ଚଢ଼ିବେ ଓ ଓହ୍ଲାଇବେ
4. ଚାଲିବେ
5. ଆଙ୍ଗୁଠିରେ ଚାଲିବେ
6. ଗୋଇଠିରେ ଚାଲିବେ
7. ଗୋଟିଏ ଗୋଡରେ ଛିଡା ହେବେ
8. କାନ୍ଥକୁ ହାତରେ ଠେଲିବାକୁ ଚେଷ୍ଟା କରିବେ 

ଯଦି ଆପଣ ସୁସ୍ଥ ଅନୁଭବ କରୁନାହାନ୍ତି, ଥକ୍କା ଅନୁଭବ କରୁଛନ୍ତି, ନିଃଶ୍ବାସ ନେବାରେ କଷ୍ଟ ହେଉଛି, ତେବେ ତୁରନ୍ତ ବ୍ୟାୟାମ ବନ୍ଦ କରିବା ସହ ଫିଜିଓଥେରାପିଷ୍ଟଙ୍କ ସହ ପରାମର୍ଶ ନିଅନ୍ତୁ । ତେବେ କୋଭିଡ-୧୯ରୁ ସୁସ୍ଥ ହେଉଥିବା ୧୦ ପ୍ରତିଶତ ଲୋକଙ୍କ କ୍ଷେତ୍ରରେ ପୋଷ୍ଟ ଭାଇରାଲ୍ ଫାଟିଗ୍ ସିଣ୍ଡ୍ରୋମ୍ ଦେଖାଦେଉଛି। ତେଣୁ ଆପଣଙ୍କର ସ୍ଵାସ୍ଥ୍ୟବସ୍ଥାରେ ଯଦି ଉନ୍ନତି ନ ଘଟୁଛି ଏବଂ ଏହି ଶାରୀରିକ ବ୍ୟାୟାମ ଦ୍ଵାରା ଶାରୀରିକ ସ୍ବାସ୍ଥ୍ୟବସ୍ଥା ଖରାପ ହେଉଛି । ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।