ଭର୍ଟିଗୋ ଆଟାକ୍ କ'ଣ ?

ଶରୀର ଅଛି ତ ରୋଗ ରହିବ । ଏଥିପାଇଁ ବ୍ୟସ୍ତ ନ ହୋଇ ସଚେତନ ହୁଅନ୍ତୁ। ଶରୀରରେ କୌଣସି ସମସ୍ୟା ଦେଖା ଦେଲେ ତୁରନ୍ତ ଡାକ୍ତରଙ୍କ ପରାମର୍ଶ ନେବା ଉଚିତ୍‌। ଯେମିତିକି ଭର୍ଟିଗୋ  ଆଟାକ୍ । କେବଳ ଚିକିତ୍ସା ଦ୍ଵାରା ଭର୍ଟିଗୋ ଆଟାକ୍‌କୁ ନିୟନ୍ତ୍ରିତ କରାଯାଇପାରେ।

ଭର୍ଟିଗୋ ଆଟାକ୍ କ’ଣ ?

ଭର୍ଟିଗୋ ହେଉଛି ଏକ ଅସନ୍ତୁଳନ ଅନୁଭବ। ଯେତେବେଳେ ଏହି ଆଟାକ୍ ଆସେ, ବ୍ୟକ୍ତି ଅନୁଭବ କରିବ ଯେ ସେ ନିଜେ ଘୁରୁଛି ଅବା ତା’ ଚାରିପାଖ ଦୁନିଆ ଘୁରୁଛି।

କାରଣ

1. ପ୍ରାରମ୍ଭିକ ପର୍ଯ୍ୟାୟରେ ପାରୋକ୍ସାଇମସାଲ ପୋଜିସନାଲ୍ ଭର୍ଟିଗୋର ଅନ୍ୟତମ କାରଣ। ଭର୍ଗିଗୋ ହେଲେ କ୍ଷୁଦ୍ର କ୍ୟାଲସିୟମ୍ କଣିକାଗୁଡିକ ଭିତର କାନ ବା ଅର୍ନ୍ତକାନରେ ପାଣି ଭିତରେ ବୁଲୁଥାଏ। ସେଗୁଡିକ ସ୍ଥିର ନ ହେବା ପର୍ଯ୍ୟନ୍ତ ଶରୀରକୁ ଅସନ୍ତୁଳିତ କରି ରଖିଥାଏ । 
2. ବିଭିନ୍ନ ପ୍ରକାରର ବ୍ୟାୟାମ ଦ୍ବାରା ଏହାକୁ ସ୍ଥିର କରାଯାଇପାରେ। ସେହିପରି ଡାକ୍ତରଙ୍କ ପରାମର୍ଶ ଦ୍ଵାରା Epley maneuver ମାଧ୍ୟମରେ ମଧ୍ୟ ଏହି ଅବସ୍ଥାକୁ ସନ୍ତୁଳିତ କରାଯାଇଥାଏ |
3. ଶରୀରକୁ ରକ୍ତ ପ୍ରବାହର ମାତ୍ରା କମିବା ଦ୍ୱାରା ରକ୍ତଚାପ ମଧ୍ୟ କମିଥାଏ । ଫଳରେ ଭର୍ଟିଗୋ ଆଟାକ୍ ଆସିପାରେ। ଏହାଦ୍ୱାରା ମୁଣ୍ଡ ବୁଲାଇଥାଏ । ଲଗାତାର କାମ କରିବା ଓ ଗୁ ଖାଇବାପିଇବାରେ ଅବହେଳା କରିବା ଭର୍ଟିଗୋର ବଡ଼ କାରଣ |
4. ବହୁତ ପ୍ରକାଶ ଚିନ୍ତା କରିବା ମଧ୍ୟ ଏହି ରୋଗର ଅନ୍ୟତମ କାରଣ ।

ଲକ୍ଷଣ

1. ମୁଣ୍ଡ ବୁଲାଇବା
2. ଆଖି ଆଗରେ ଚାରିଆଡେ ଅନ୍ଧାର ଦେଖା ଦେବା 
3. ମାତ୍ରାଧିକ ଝାଳ ବାହାରିବା
4. ବାନ୍ତି ହେବା
5. କାନ ଭିତରେ କିଛି ଆବାଜ୍ ଶୁଭିବା
6. ଆବାଜ୍ ରୁ ମୁଣ୍ଡବିନ୍ଧା
7. ସାରା ଦିନ ଦୁର୍ବଳ ଅନୁଭବ କରିବା
8. ଚାଲିବାରେ ସନ୍ତୁଳନ ନ ରହିବା

ଚିକିତ୍ସା

ଭର୍ଟିଗୋ ଆଟାକ୍ ହେଲେ ଡାକ୍ତର କିଛି ଦିନ ପାଇଁ ଆରାମ କରିବାକୁ ପରାମର୍ଶ ଦେଇଥାନ୍ତି । ଏହା ଦ୍ଵାରା ରୋଗୀକୁ ରିଲାକ୍ସ ମିଳିଥାଏ । ଯଦି ରୋଗୀ କୌଣସି ଜିନିଷକୁ ନେଇ ଚିନ୍ତାରେ ରହୁଥାଏ, ତେବେ ତୁରନ୍ତ ମନୋଚିକିତ୍ସକଙ୍କ ପରାମର୍ଶ ନେବା ଉଚିତ୍ ।