ଟିକାର ସାମାନ୍ୟ ପାର୍ଶ୍ଵ ପ୍ରତିକ୍ରିୟା ରହିଛି

ଦେଶରେ କୋରନା ମହାମାରୀ ର ପରିସ୍ଥିତି କୁ ସୁଧାରିବା ପାଇଁ ଏବଂ କୋରନା ବିରୁଦ୍ଧରେ ଲଢ଼େଇ କରିବା ପାଇଁ ଟୀକା କରଣ ଅଭିଯାନ କୁ ତୀବ୍ର କରାଯାଇଛି । ତେବେ ଏହି ସମୟ ମଧ୍ୟରେ, କିଛି ଟୀକାକରଣ ପରେ ଲୋକମାନେ ଅନେକ ସମସ୍ୟା ର ସମ୍ମୁଖୀନ ହେଉଛନ୍ତି ବୋଲି ରିପୋର୍ଟ ବର୍ତ୍ତମାନ ବିବ୍ରତ କରୁଛି । ଏହାକୁ ନେଇ ସରକାରଙ୍କ ତରଫରୁ ଜାରି ହୋଇଛି ସତର୍କତା  । ଯାହାଦ୍ୱାରା ଲୋକମାନେ ଟୀକା ଦ୍ୱାରା ସୃଷ୍ଟି ହେଉଥିବା ସମସ୍ୟାରୁ ରକ୍ଷା ପାଇପାରିବେ ।

କୋଭାକ୍ସିନ

1. ଭାରତ ବାୟୋଟେକ୍ ଦ୍ଵାରା ନିର୍ମିତ ଏହି ଟିକା କରୋନା ଭୂତାଣୁର ମୃତ ବିଶେଷକୁ ନେଇ ତିଆରି । ତେଣୁ ଏହାକୁ ମଣିଷ ଶରୀରରେ ଦେଲେ, ତାହା ସଂକ୍ରମଣ କରିପାରେ ନାହିଁ । କିନ୍ତୁ ଶରୀରରେ ଥିବା ରୋଗ ପ୍ରତିରୋଧକାରୀ ଶକ୍ତି ଏହି ମୃତ ଭୂତାଣୁ ବିପକ୍ଷରେ ଆଣ୍ଟିବଡି ତିଆରି କରିଥାନ୍ତି । ଯାହା ପରବର୍ତ୍ତୀ ମୁହୂର୍ତ୍ତରେ କରୋନା ସଂକ୍ରମଣକୁ ପ୍ରତିହତ କରିବା ସହଜ ହୋଇପାରିବ ।
2. ଏହି କୋଭାକ୍ସିନ ଦୁଇଟି ଡୋଜ୍ ୪ ସପ୍ତାହ ବ୍ୟବଧାନରେ ଦିଆଯାଇଥାଏ । ଏହି ଟିକାକୁ ୨ରୁ ୮ ଡିଗ୍ରୀ ତାପମାତ୍ରା ମଧ୍ୟରେ ରଖିବାକୁ  ପଡିଥାଏ । ପ୍ରଥମ ୩ଟି ଫେଜ୍ ଟ୍ରାଏଲ୍‌ରୁ ଜଣାପଡିଥିଲା ଯେ ଏହା ୮୧ ପ୍ରତିଶତ କାର୍ଯ୍ୟକ୍ଷମ ହୋଇପାରିବ। 
3. କୋଭାକ୍ସିନ ନେବା ପରେ ଖୁବ୍ କରିବା କମ୍ ଲୋକଙ୍କଠାରେ ପାର୍ଶ୍ଵପ୍ରତିକ୍ରିୟା ଦେଖା ଦେଇଥାଏ। 
4. ପ୍ରତିକ୍ରିୟାଗୁଡିକ ମଧ୍ୟରେ ଟିକା ନେଇଥିବା ସ୍ଥାନ ଦରଜ ହେବା ବା ଲାଲ୍ ପଡିବା, ଦେହ ଦୁର୍ବଳ ଲାଗିବା, ପେଟ ଖରାପ ହେବା, ଥଣ୍ଡାକାଶ ଓ ବାନ୍ତି ଲାଗିବା ଆଦି ଦେଖା ଦେଇଥାଏ। ଡାକ୍ତରଙ୍କ ପରାମର୍ଶକ୍ରମେ ୧/୨ ଦିନ ଔଷଧ ଖାଇବା ପରେ ଏସବୁ ଭଲ ହୋଇଯାଇଥାଏ |

କୋଭିସିଲ୍ଡ

1. ଅକ୍ସଫୋର୍ଡ ବିଶ୍ବବିଦ୍ୟାଳୟ ଓ ଆସ୍ଟ୍ରା ଜେନେସିଆର ମିଳିତ ଉଦ୍ୟମରେ ତିଆରି ଏହି ଟିକା ଭାରତର ସେରମ୍ ଇନ୍‌ଷ୍ଟିଚ୍ୟୁଟ୍‌ରେ ତିଆରି ହେଉଛି । ଏହା ଅନ୍ୟ ଏକ କମ୍ କ୍ଷତିକାରକ ଭୂତାଣୁକୁ ରିକମ୍ବିନାଣ୍ଟ ପଦ୍ଧତିରେ ପରିବର୍ତ୍ତନ କରାଯାଇ ଏଥିରେ କରୋନା ଭୂତାଣୁର ସ୍ପାଇକ୍ ପ୍ରୋଟିନ୍ ସଂଯୁକ୍ତ କରାଯାଏ । ତେଣୁ ଏହି ଟିକା ମଣିଷ ଶରୀର ଭିତରକୁ ପ୍ରବେଶ କରିବା ପରେ ରୋଗ ପ୍ରତିରୋଧକ ଶକ୍ତି ଏହା ବିରୋଧରେ ଆଣ୍ଟିବଡି ସୃଷ୍ଟି କରିଥାନ୍ତି ।
   
2. ଏହି ଟିକାର ୨ଟି ଡୋଜ୍ ୬ରୁ ୮ ସପ୍ତାହ ମଧ୍ୟରେ ନେବାକୁ ପଡିଥାଏ। ଏହା କରୋନା ଭୂତାଣୁ ସହ ଲଢିବାରେ ୭୦ ପ୍ରତିଶତ କାର୍ଯ୍ୟକ୍ଷମ ବୋଲି କୁହାଯାଇଛି।

ସ୍ଫୁଟନିକ- V

1. ରୁଷିଆ ନିର୍ମିତ ଏହି ଟିକା ଗାମେଲିଆ ଲାବ୍ରୋଟୋରୀ ଦ୍ଵାରା ପ୍ରସ୍ତୁତ ହେଉଛି। କୋଭିସିଲ୍ଡ ପରି ଏହା ମଧ୍ୟ ଏକ ଥଣ୍ଡାଜାତୀୟ ଭୂତାଣୁକୁ ପରିବର୍ତ୍ତନ କରାଯାଇ କରୋନା ଭୂତାଣୁର ଏକ ଅଂଶ ଟିକା ମାଧ୍ୟମରେ ମଣିଷ ଶରୀର ଭିତରକୁ ଦିଆଯାଉଛି । ଯାହାଦ୍ୱାରା ମଣିଷ ଶରୀରରେ ରୋଗ ପ୍ରତିରୋଧକାରୀ ଆଣ୍ଟିବଡି ତିଆରି କରାଯାଇପାରିବ।
2. ଏହି ଟିକାର ୨ଟି ଡୋଜ୍ ୨୧ ଦିନ ଭିତରେ ନେବାକୁ ପଡିଥାଏ । ଏହା ୯୧.୬ ପ୍ରତିଶତ କାର୍ଯ୍ୟ କରୁଥିବା ଜଣାପଡିଛି।

ପାର୍ଶ୍ୱ ପ୍ରତିକ୍ରିୟା ବିଷୟରେ ଜାଣିବା:-

ଯେ କୌଣସି ଔଷଧ ର ପାର୍ଶ୍ୱ ପ୍ରତିକ୍ରିୟା ରହିବା ସାଧାରଣ କଥା । ଟୀକା ପ୍ରାୟୋଗ କରିବା ପରେ ଆପଣଙ୍କ ଶରୀର ରେ କିଛି ପାର୍ଶ୍ୱ ପ୍ରତିକ୍ରିୟା ଦେଖିବାକୁ ମିଳିଥାଏ ।

୧. ସାମାନ୍ୟ ମୁଣ୍ଡବିନ୍ଧା- ଟୀକାକରଣ ର ସବୁଠାରୁ ସାଧାରଣ ଲକ୍ଷଣ ହେଉଛି ସାମାନ୍ୟ ମୁଣ୍ଡବିନ୍ଧା । ଥରିଯିବା ପରେ ସାମାନ୍ୟ ଜ୍ଵର । ଏହା ବ୍ୟତୀତ ସାମାନ୍ୟ ଫୁଲା, ଲାଲ ରଙ୍ଗ, ମାଂସପେଶୀ ରେ ଯନ୍ତ୍ରଣା ହୋଇପାରେ ।

୨. ହଜମ ପ୍ରକ୍ରିୟା ସମସ୍ୟା- ଟୀକାକରଣ ର ପାର୍ଶ୍ୱ ପ୍ରତିକ୍ରିୟା ମଧ୍ୟ ପେଟ ରେ ବଡ଼ ସମସ୍ୟା ସୃଷ୍ଟି କରିଥାଏ । ପେଟର କଷ୍ଟ, ବାନ୍ତି ଲାଗିବା, ଥକା ଲାଗିବା ମଧ୍ୟ ଏହି ଟୀକା ର ଅନ୍ୟତମ ପାର୍ଶ୍ଵ ପ୍ରତିକ୍ରିୟା ଅଟେ ।

୩. ମାଇଗ୍ରେନ୍ ସମସ୍ୟା- ଅନୁସନ୍ଧାନକାରୀ ଙ୍କ ସୂଚନା ଅନୁସାରେ, ଟୀକାକରଣ ପରେ ମାଇଗ୍ରେନ୍ ରେ ପୀଡ଼ିତ ଲୋକମାନେ ଏହି ସମସ୍ୟା ରେ ସମ୍ମୁଖୀନ ହେବାର ସମ୍ଭାବନା ରହିଛି ।

କୋରୋନା ଟିକା ଲଗାଇବା ପରେ ଏହି ଲକ୍ଷଣଗୁଡିକ ହେଉଛି ବିପଦର ସଙ୍କେତ

1. ଟୀକା ଦିଆଯିବା ପରେ ରକ୍ତ ଜମାଟ ବାନ୍ଧିବା ସହିତ ଅନ୍ୟାନ୍ୟ ଅନେକ ସମସ୍ୟା ଦେଖା ଦେଇପାରେ । ଟିକା ଲଗାଇବା ପରେ ଇଞ୍ଜେକ୍ସନ୍ ସାଇଟ୍ ବ୍ୟତୀତ ଶରୀରର ଅନ୍ୟ କୌଣସି ଅଂଶରେ ନାଲି ଦାଗ ଦେଖାଯାଏ ତ , ତେବେ ଏହାକୁ ହାଲୁକା ଭାବରେ ଗ୍ରହଣ କରନ୍ତୁ ନାହିଁ । ସଚେତନ ରୁହନ୍ତୁ ।
2. ଯଦି ଆପଣଙ୍କର ମାଇଗ୍ରେନ୍ ସମସ୍ୟା ନାହିଁ କ୍ରମାଗତ ମୁଣ୍ଡବିନ୍ଧା ହେଉଛି, ଦୁର୍ବଳତା, ଶରୀରର କୌଣସି ଅଙ୍ଗ କାର୍ଯ୍ୟ ବନ୍ଦ କରିଦେବା, ଯଦି ଦ୍ଵନ୍ଦ କିମ୍ବା ଉଦାସୀନତା କିମ୍ବା ମନୋବଳ ପରିବର୍ତ୍ତନ ହୁଏ ତେବେ ଅଣଦେଖା କରନ୍ତୁ ନାହିଁ । ବରଂ ଟୀକା କରଣ କେନ୍ଦ୍ର ରେ ଏହି ସମସ୍ତ ଲକ୍ଷଣ ଗୁଡ଼ିକ ରିପୋର୍ଟ କରନ୍ତୁ ।
3. ବିନା କାରଣରେ କ୍ରମାଗତ ବାନ୍ତି ହେବା, ଆଖି ଯନ୍ତ୍ରଣା କିମ୍ବା ଅସ୍ପଷ୍ଟ ଦେଖାଦେବା ମଧ୍ୟ ସାଧାରଣ କଥା ନୁହେଁ । ଟିକାକରଣ କେନ୍ଦ୍ରରେ ଥିବା ସ୍ୱାସ୍ଥ୍ୟ ସେବା କର୍ମଚାରୀଙ୍କୁ ଏହି ସମସ୍ତ ଲକ୍ଷଣ ବିଷୟରେ କୁହନ୍ତୁ ।
4. ଆଡଭାଇଜାରୀରେ ଲୋକଙ୍କୁ ପରାମର୍ଶ ଦିଆଯାଇଛି ଯେ କୌଣସି ଭ୍ୟାକ୍ସିନ (ବିଶେଷ କରି କୋଭିଶିଲ୍ଡ) ନେବା ପରେ ଯଦି ଆପଣଙ୍କର  ଛାତି ଯନ୍ତ୍ରଣା, ଶରୀରରେ ଫୁଲା, ପେଟ ଯନ୍ତ୍ରଣା, ଅଚେତ ହେବା କିମ୍ବା ଶ୍ୱାସକ୍ରିୟାରେ ସମସ୍ୟା ପରି ଗମ୍ଭୀର ଲକ୍ଷଣ ଦେଖାଦିଏ ତେବେ ଦୟାକରି ଏହାକୁ ଭ୍ୟାକ୍ସିନ ସେଣ୍ଟରକୁ ଯାଇ ନିଶ୍ଚିୟ ରିପୋର୍ଟ କରାନ୍ତୁ ।