ବିବାହକୁ ନେଇ କିଛି ନିୟମ ରହିଛି ଯାହାକି ମାନିବାକୁ ବାଧ୍ୟ 

ମନୁଷ୍ୟ ଜୀବନକୁ ସରସ ସୁନ୍ଦର ଭାବରେ ଗଢି ତୋଳିବା ପାଇଁ ଅନେକ କିଛି ମହତ୍ୱପୂର୍ଣ୍ଣ ଜିନିଷ ଜାଣିବା ଅତ୍ୟନ୍ତ ଜରୁରୀ ହୋଇଥାଏ । ସେଥିପାଇଁ ଆଜି ଆମେ ଆପଣ ମାନଙ୍କୁ କେତୋଟି ଅନୁଚିନ୍ତା ବିଷୟରେ ଜଣାଇବୁ , ଯାହା ଆପଣ ମାନେ ଜାଣିବା ଅତ୍ୟନ୍ତ ଜରୁରୀ ଅଟେ ।

1. ବରଠାରୁ ଧନ ନେଇ ତାକୁ କନ୍ୟା ବିବାହ ଦେଲେ ଅସୁର ବିବାହ କୁହାଯାଏ ।
2. ଭିନ୍ନ ଭିନ୍ନ ମାତା ଠାରୁ ଜାତ ହୋଇଥିବା ସନ୍ତାନ ଏକ ଦିନରେ ଓ ଏକ ମଣ୍ଡପରେ ବିବାହ କରିପାରିବେ ।
3. ଯାଆଁଳା ଦୁଇ ଭାଇ କିମ୍ୱା ଦୁଇ ଭଉଣୀ ଏକା ବର୍ଷ କିମ୍ୱା ଏକା ଦିନରେ ବିବାହ କରି ପାରିବେ ।
4. ବିବାହ ଚାଲୁଥିବା ସମୟରେ ଅସୌଚ ଘଟିଲେ କର୍ମ ବନ୍ଦ କରିବା ଉଚିତ ନୁହେଁ ।
5. ବିବାହ ସମୟରେ କନ୍ୟା ଋତୁମତି ହେଲେ ତାକୁ ସ୍ନାନ କରାଇ ସଂସ୍କାର କରି ବିବାହ କରାଇବା ଉଚିତ ।
6. ବିବାହ ସମୟରେ ଯଦି ବର କିମ୍ୱା କନ୍ୟାର ମାତା ରଜସ୍ୱାଳା ହୁଏ ତେବେ ସେ ସମୟରେ ବିବାହ କର୍ମ ହୁଏ ନାହିଁ ଶୁଦ୍ଧି ପରେ ହୋଇଥାଏ ।
7. କନ୍ୟା ଦାନ , ଦୀପ ଦାନ , ଅନ୍ନ ଦାନ , ଆଶ୍ରୟ ଦାନ ଓ ଅଭୟ ଦାନ ରାତ୍ର କାଳରେ କରାଗଲେ ଅଶୁଭ ନୁହେଁ ।
8. ଜ୍ୟେଷ୍ଠ ମାସେର ଜ୍ୟେଷ୍ଠ ପୁତ୍ର କିମ୍ୱା ଜ୍ୟେଷ୍ଠ କନ୍ୟାର ବିବାହ ନିଷିଦ୍ଧ ଅଟେ ।
9. ମାଘ , ଫାଲଗୁନ , ବୈଶାଖ , ମାର୍ଗଶୀର , ଜ୍ୟେଷ୍ଠ ଓ ଆଷାଢ ମାସରେ ବିବାହ କଲେ କନ୍ୟା ସୌଭାଗ୍ୟବତୀ ଓ ଧନଧାନ୍ୟବତି ହୁଏ ।
10. ଚୈତ୍ର , ଶ୍ରାବଣ , ଭାଦ୍ରବ , ଆଶ୍ୱିନ , କାର୍ତ୍ତିକ ଓ ପୌଷ ମାସରେ ବିବାହ କଲେ କନ୍ୟା ଅତିଶୀଘ୍ର ବିଧବା ହୁଏ ।
11. ଜନ୍ମ ମାସ , ଜନ୍ମ ଦିବସ ଓ ଜନ୍ମ ନକ୍ଷତ୍ରରେ ବର ଓ କନ୍ୟାର ବିବାହ ନିଷିଦ୍ଧ ଅଟେ ।
12. ଜନ୍ମ ଏକାଦଶିରେ ବିବାହ କଲେ କନ୍ୟା ବହୁ ଧନବତି ହୋଇଥାଏ ।
13. ଅମାବାସ୍ୟା , ପୈଷ ଓ ଚୈତ୍ର ମାସରେ , ବର୍ଷା ଓ ଶରତ ଋତୁରେ , ମାସନ୍ତରେ , ବୃହସ୍ପତି ସିଂହ ରାଶିରେ ଥିବା ସମୟରେ ବିବାହ ନିଷିଦ୍ଧ ଅଟେ ।
14.  ମଘା ଓ ମୂଳାନକ୍ଷତ୍ରର ଆଦ୍ୟ ପାଦ ଏବଂ ରେବତୀ ନକ୍ଷତ୍ରର ଚତୁର୍ଥ ପାଦରେ ବିବାହ କଲେ ପ୍ରାଣ ନାଶ ହୁଏ ।
15. ମେଷ ସହିତ କନ୍ୟା , ତୁଳା ସହିତ ମୀନ , ମିଥୁନ ସହିତ ବୃଶିକ , ମକର ସହିତ ସିଂହ , କୁମ୍ଭ ସହିତ କର୍କଟ , ବୃଷ ସହିତ ଧନୁ ବିବାହ କଲେ ମୃତ୍ୟୁ ଯୋଗ ହୁଏ ।
16. ବରର କୁଳ , ସ୍ୱଭାବ , ବୟସ , ରୂପ ବିଦ୍ୟା , ଧନ ଓ ପିତ୍ରାଦିର ସହାୟତା ଗୁଣ ପରିକ୍ଷା କରି କନ୍ୟା ଦାନ କରିବା ଉଚିତ ।