ଜାଣନ୍ତୁ ବିଭିନ୍ନ ମାସ୍କର ବ୍ୟବହାର

କରୋନା ସଂକ୍ରମିତ ନ ହେବା ପାଇଁ ମାସ୍କ ହିଁ ଅମୋଘ ଅସ୍ତ୍ର ।  ଶରୀରରୁ ଏହାକୁ ଆଦୌ ଅଲଗା କରନ୍ତୁ ନାହିଁ । ପ୍ରତ୍ୟେକ ସମୟରେ ମାସ୍କ ପିନ୍ଧନ୍ତୁ ଆଉ ସାମାଜିକ ଦୂରତା ରକ୍ଷା କରନ୍ତୁ ଓ ବାରମ୍ବାର ହାତ ଧୋଇଲେ ଆମେ ସଂକ୍ରମଣରୁ ବର୍ତ୍ତିପାରିବା। । ଟିକିଏ ଅସାବଧାନତା ଆଉ ଅମାନିଆପଣ ଆମକୁ କୋଭିଡରେ ଆକ୍ରାନ୍ତ କରାଇବ । 

ଆମେ କପଡା, ସର୍ଜିକାଲ୍ ଆଉ ଏନ୍‌-୯୫ ମାସ୍କ ବ୍ୟବହାର କରୁଛେ । ହେଲେ ଏହି ସବୁ ମାସ୍କ କେମିତି ବ୍ୟବହାର କରିବା। ଆଉ କେତେଥର ବ୍ୟବହାର କରିବା ।  ତେବେ କିଭଳି ମାସ୍କ ପିନ୍ଧିବେ ଆଉ କାଢ଼ିବେ ସେ ସମ୍ପର୍କରେ କିଛି ଟିପ୍ସ । ମାସ୍କ ପିନ୍ଧିବା ସଂପର୍କରେ କୁହାଯାଇଛି ଯେ, ଲୋକମାନେ ଡବଲ ଲେୟର ବା ଏନ୍ -୯୫ ମାସ୍କ ପିନ୍ଧିବା ଆବଶ୍ୟକ । 

ମାସ୍କ ପିନ୍ଧିବା ନିୟମ

1. ତିନି ପ୍ରକାର ମାସ୍କ ରହିଛି । କଟନ୍, ସର୍ଜିକାଲ୍ ଆଉ ଏନ୍‌-୯୫ । 
2. ମାସ୍କ ପିନ୍ଧିବା ପୂର୍ବରୁ ହାତକୁ ଆଲକହଲଯୁକ୍ତ ସାବୁନ୍‌ରେ ଭଲ ଭାବରେ ଧୁଅନ୍ତୁ।
3. ମାସ୍କର କେଉଁ ପଟ ଭିତରକୁ ଓ କେଉଁ ପଟ ବାହାରକୁ ପିନ୍ଧିବେ ଜାଣି ରଖନ୍ତୁ।
4. ମୁହଁର ଆକୃତି ହିସାବରେ ମାସ୍କ ପିନ୍ଧନ୍ତୁ ।
5. ଯେପରି କାନ, ଆଖି ଆଉ ଥୋମଣି ସମ୍ପୂର୍ଣ୍ଣ ଭାବେ ଘୋଡେଇ ହୋଇ ରହିବ ଧ୍ୟାନ ଦେବେ । 
6. ନାକ ପାଖରେ ଥିବା ମେଟାଲକୁ ନାକ ସହ ଟାଇଟ୍‌ କରନ୍ତୁ।
7. ଆଦୌ ନାକ ଓ ପାଟିରୁ ମାସ୍କ ଖସାନ୍ତୁ ନାହିଁ।
8. ମାସ୍କରେ ହାତ ମାରନ୍ତୁ ନାହିଁ । ବାରମ୍ବାର ମାସ୍କର ବାହାର ପଟକୁ ଛୁଅନ୍ତୁ ନାହିଁ। ଯଦି ଛୁଇଁବେ ତେବେ ହାତ ସାବୁନରେ ଧୁଅନ୍ତୁ।
9. ମାସ୍କକୁ ଖୋଲିବା ସମୟରେ  ପ୍ରଥମେ କାନରେ ଲାଗିଥିବା ଇଲାଷ୍ଟିକ୍‌କୁ କାଢ଼ନ୍ତୁ, ପରେ ମାସ୍କକୁ ସମ୍ପୂର୍ଣ୍ଣ ଭାବେ କାଢ଼ନ୍ତୁ।
10. ଆଉ କାଢ଼ିବା ପୂର୍ବରୁ ଓ କାଢ଼ି ସାରିବା ପରେ ହାତକୁ ଆଲକହଲଯୁକ୍ତ ସାବୁନରେ ଧୁଅନ୍ତୁ।
11. ସଙ୍ଗେ ସଙ୍ଗେ ମାସ୍କକୁ ମଧ୍ୟ ଧୋଇବେ ଏବଂ ଅତି କମରେ 5 ଘଣ୍ଟା ଖରାରେ ଶୁଖାଇବେ ।
12. କେନ୍ଦ୍ର ସରକାରଙ୍କ ଗାଇଡ୍‌ଲାଇନ୍‌ ଅନୁସାରେ କପଡା ଆଉ ସର୍ଜିକାଲସ୍ ଦୁଇଟି ଲେଖାଏଁ ପିନ୍ଧିବେ ।
    ଯଦି ଡବଲ ମାସ୍କ ପିନ୍ଧୁଛନ୍ତି ତା’ ହେଲେ ପ୍ରଥମେ ସର୍ଜିକାଲ ମାସ୍କ ପିନ୍ଧନ୍ତୁ, ତା’ ଉପରେ ଟାଇଟ୍ ଫିଟିଂ କପଡ଼ା ମାସ୍କ ପିନ୍ଧିପାରିବେ । ସର୍ଜିକାଲ ମାସ୍କ ନଥିଲେ ସୂତା କପଡ଼ାର ଦୁଇଟି ମାସ୍କ ପିନ୍ଧିହେବ । 
13. ସଂଗରୋଧରେ ରହୁଥିବା ରୋଗୀ ଓ ତାଙ୍କର ଯତ୍ନ ନେଉଥିବା ବ୍ୟକ୍ତି ଦୁଇଟି ମାସ୍କ ପିନ୍ଧନ୍ତୁ । ଘରେ ରହୁଥିବା ଅନ୍ୟ ବ୍ୟକ୍ତି ମଧ୍ୟ ମାସ୍କ ପିନ୍ଧନ୍ତୁ ।

1. ସର୍ଜିକାଲ ମାସ୍କ

1. ସର୍ଜିକାଲ୍ ମାସ୍କ ପିନ୍ଧିଲାବେଳେ ମଧ୍ୟ ସେମିତି ଧ୍ୟାନ ଦିଅନ୍ତୁ ।
2. ସର୍ଜିକାଲ ମାସ୍କକୁ ସାଧାରଣତଃ ଥରେ ବ୍ୟବହାର କରିବା ଆବଶ୍ୟକ । 
3. କିନ୍ତୁ ୨ଟି ମାସ୍କ ପିନ୍ଧୁଥିଲେ ସର୍ଜିକାଲ ମାସ୍କକୁ ୫ ଥର ବ୍ୟବହାର କରିହେବ ।
4. ପ୍ରତିଥର ବ୍ୟବହାର ପରେ ଏହାକୁ ଶୁଖିଲା ସ୍ଥାନରେ ସୂର୍ଯ୍ୟକିରଣରେ ୭ ଦିନ ଧରି ରଖିଦିଅନ୍ତୁ । 
5. ସର୍ଜିକାଲ୍ ମାସ୍କକୁ ଧୋଇ ଆଉ ଥରେ ପିନ୍ଧନ୍ତୁ ନାହିଁ, ଏହାକୁ ନଷ୍ଟ କରି ଦିଅନ୍ତୁ ।

2. ଏନ୍‌-୯୫ ମାସ୍କ

1. କରୋନା ସଂକ୍ରମଣରୁ ଦୂରେଇ ରହିବା ପାଇଁ ସବୁଠୁ ଅଧିକ କ୍ଷମତାଶୀଳ ହେଉଛି ଏନ୍‌-୯୫ ମାସ୍କ ।
2. ଏହାକୁ ପିନ୍ଧିଲେ ସଂକ୍ରମଣ ହେବାର ସବୁଠୁ କମ୍ ସମ୍ଭାବନା ରହୁଛି । ଗୋଟିଏ ଏନ୍‌-୯୫ ମାସ୍କକୁ ଜଣେ ୮ ଘଣ୍ଟା ପିନ୍ଧିବାର ନିୟମ ଅଛି ।
3. ଏନ୍‌-୯୫ ମଧ୍ୟ ନାକ, ଓଠ ଆଉ ପାଟିକୁ ସମ୍ପୂର୍ଣ ଆବଦ୍ଧ କରି ରଖେ ।
4. ଏଥିରେ ନିଶ୍ବାସ ନେବା ଆଉ ଛାଡିବା ସମୟରେ କୌଣସି ସ୍ଥାନରେ ଲିକ୍ ହୋଇନଥାଏ । 
5. କିନ୍ତୁ ବର୍ତ୍ତମାନ ପରିସ୍ଥିତିକୁ ଦେଖି ମାସ୍କର ବ୍ୟବହାର ଅନୁସାରେ ଗୋଟିଏ ଏନ୍‌-୯୫ ମାସ୍କକୁ ଜଣେ ୪ରୁ ୫ ଥର ବ୍ୟବହାର କରିପାରିବେ ।
6. ଏଥିପାଇଁ ଜଣେ ବ୍ୟକ୍ତି ଏକାଥରେ ୪ଟି ଏନ୍‌-୯୫ ମାସ୍କ କିଣନ୍ତୁ ।
7. ଭାଇରସ ପ୍ରାୟ ତିନିଦିନ ପର୍ଯ୍ୟନ୍ତ ସକ୍ରିୟ ରୁହେ ।
8. ପ୍ରଥମ ମାସ୍କ ବ୍ୟବହାର କରିବା ପରେ ଏହାକୁ ଅଲଗା ସ୍ଥାନରେ ରଖିବେ ।
9. ଏହାକୁ ତିନିଦିନ ପର୍ଯ୍ୟନ୍ତ ବ୍ୟବହାର କରିବେ ନାହିଁ । ତାପର ଦିନ ଆଉ ଗୋଟିଏ ନୂଆ ମାସ୍କକୁ ପିନ୍ଧିବେ
10. ତାହାକୁ ଖୋଲିବା ପରେ ଅଲଗା ସ୍ଥାନରେ ରଖିବେ ।
11. ପୁଣି ଆଉ ଏକ ନୂଆ ମାସ୍କ ପିନ୍ଧିବେ ।
12. ଏମିତି ତିନିଦିନ ଯିବା ପରେ ପ୍ରଥମ ଦିନ ପିନ୍ଧିଥିବା ମାସ୍କରେ ଜୀବାଣୁ ଆଉ ନଥିବ, ତାହାକୁ ଅଳ୍ପ ସମୟ ଖରାରେ ଶୁଖାଇ ପୁଣି ପିନ୍ଧିବେ । 
13. ଏମିତି ରୋଟେସନ୍ କରି ଆପଣ ୪ଟି ଏନ୍‌-୯୫ ମାସ୍କ 1 ମାସ ପର୍ଯ୍ୟନ୍ତ ପିନ୍ଧିପାରିବେ।
14. ଏନ୍‌-୯୫ ମାସ୍କ ପିନ୍ଧିବା ସହ ଫେସ୍ ସିଲ୍ଡ ଲଗାଇଲେ ଆହୁରି ସୁରକ୍ଷା ମିଳିବ ।

3.କପଡା ମାସ୍କ

1. କପଡା ମାସ୍କ ବାରମ୍ବାର ବ୍ୟବହାର କରାଯିବ।
2. କିନ୍ତୁ ଥରେ ବ୍ୟବହାର କରିବା ପରେ ଏହାକୁ ଧୋଇ ଖରାରେ ଶୁଖାଇ ପୁଣିଥରେ ବ୍ୟବହାର କରିବେ ।

ମାସ୍କ କେମିତି ଧୋଇବେ ?

1. ମାସ୍କ ବ୍ୟବହାର କରିବା ପରେ ଏହାକୁ ଏଣେତେଣେ ରଖନ୍ତୁ ନାହିଁ । 
2. ଦିନିକିଆ ମାସ୍କ ବ୍ୟବହାର କରୁଥିଲେ ଏହାକୁ ପୋତି ବା ପୋଡି ଦିଅନ୍ତୁ |
3. ଏକ ପ୍ଲାଷ୍ଟିକ ବ୍ୟାଗରେ ଆପଣ ବ୍ୟବହାର କରିସାରିଥିବା ମାସ୍କକୁ ରଖିପାରିବେ। 
4. ଏହପରେ ପାଉଡର ପକାଇ ଆପଣ ମାସ୍କକୁ ଧୋଇପାରିବେ। 
5. ଯଦି ଆପଣ ହାତରେ ମାସ୍କରେ ସଫା କରୁଛନ୍ତି ତେବେ ଖୋଲା ଟ୍ୟାପ୍‌ ତଳେ ଆଲକହଲ ଯୁକ୍ତ ସାବୁନ ବ୍ୟବହାର କରି ମାସ୍କ ଧୋଇପାରିବେ। ଏହାପରେ ଆପଣ ମାସ୍କଟିକୁ ସମ୍ପୂର୍ଣ୍ଣ ଶୁଖାଇ ଦିଅନ୍ତୁ।
6.  ଆପଣ ଚାହିଁଲେ ଡ୍ରାଏ ମେସିନ ନହେଲେ ସିଧାସଳଖ ଖରାରେ ଶୁଖାଇପାରିବେ।