ଇଶ୍ୱରାଭିମୁଖୀ ପାଇଁ  ଶିବ ମନ୍ଦିର ସମ୍ମୁଖରେ ବାଲିପୀଠ ଓ ବ୍ୟାଘ୍ରଛାଲଯୁକ୍ତ ଆସନର କ'ଣ ରହିଛି ଭୂମିକା

ବ୍ୟାଘ୍ରଛାଲଯୁକ୍ତ ଆସନ

ଆସନ କହିଲେ ଆମେ ସାଧାରଣତଃ ବାଘଛାଲ, ମୃଗଛାଲ, କମ୍ବଳ ଆସନ, କୁଶ ଆସନ, ବସ୍ତ୍ର ଆସନ ଇତ୍ୟାଦିକୁ ବୁଝୁ । ଗ୍ରୁହସ୍ଥମାନେ କମ୍ବଳ ଆସନ ବା ବସ୍ତ୍ର ଆସନରେ ବସନ୍ତି । ସିଦ୍ଧିଯୋଗୀ ବା ମୁନିଋଷି ଯୋଗୀମାନେ ମୃଗଛାଲ ବା ବାଘଛାଲ ଉପରେ ବସନ୍ତି । ଭଗବାନ ଶିବ ହେଉଛନ୍ତି ପରମଯୋଗ, ଯୋଗୀଶ୍ରେଷ୍ଠ, ତେଣୁ ତାଙ୍କର ଆସନ ବ୍ୟାଘ୍ରଛାଲ । ଭଗବାନଙ୍କୁ ପାଇବା ପାଇଁ ଦିବ୍ୟ ଆସନ ବା ଦିବ୍ୟ ସାଧନା ଆବଶ୍ୟକ । ଧ୍ୟାନ ମାଧ୍ୟମରେ ପ୍ରଭୁପ୍ରେମରେ ମନକୁ ମିଶାଇବା ପାଇଁ ବ୍ୟାଘ୍ରଛାଲଯୁକ୍ତ ଆସନ ସର୍ବୋକୃଷ୍ଟ । ଯାହାଦ୍ୱାରା ମନ ଚେତନା ଇଶ୍ୱରାଭିମୁଖୀ ହୁଏ । 

ଧ୍ୟାନ ସମୟରେ ଶରୀର ଭିତରେ ସଞ୍ଚିତ ଥିବା କିରଣ ଆସନକୁ ଭେଦକରି ମାଟିରେ ମିଶିପାରେ ନାହିଁ । ତେଣୁ ଧ୍ୟାନ ସମୟରେ ଶରୀର ଓ ବସିବା ସ୍ଥାନ ମଝିରେ ଏକ ଆସନର ଆବଶ୍ୟକତା ରହିଛି । ଭଗବାନ ଶିବ ବ୍ୟାଘ୍ରଛାଲ ଉପରେ ବସି ମାନବ ସମାଜ ଯଥା ମୁନିଋଷିମାନଙ୍କୁ ଦର୍ଶାଇଛନ୍ତି ଭଗବାନଙ୍କୁ ପାଇବା ଓ ଅଭୀଷ୍ଟ ପୂରଣ ହେବାକୁ ହେଲେ, ବ୍ୟାଘ୍ରଛାଲ ଯୁକ୍ତ ଆସନ ସବୁଠାରୁ ଉକୃଷ୍ଟ |

ଶିବ ମନ୍ଦିର ସମ୍ମୁଖରେ ବାଲିପୀଠ

କେତେକ ଶିବ ମନ୍ଦିର ସମ୍ମୁଖରେ ଏକ ବାଲିପୀଠ ବା ବେଦୀ ଦେଖାଯାଏ । ଏହାର ବିଶେଷତ୍ୱ ହେଉଛି ଲୋକମାନେ ନିଜ ମନରୁ ଅହନ୍ତା ଓ ମମତାକୁ ଲୋପ କରି ଶିବ ମନ୍ଦିରକୁ ପ୍ରବେଶ କରିବା । ମଣିଷ ଯେ ପର୍ଯ୍ୟନ୍ତ ନିଜ ପାଖରୁ ମମତା ଓ ଅହନ୍ତାକୁ ପରିତ୍ୟାଗ କରିପାରିନାହିଁ ସେ ପର୍ଯ୍ୟନ୍ତ ତାର ମନ ସ୍ଥିର ହୋଇପାରିବ ନାହିଁ । ମନ ସ୍ଥିର ନ ହେଲେ ବ୍ରହ୍ମଦର୍ଶନ ହୋଇପାରିବ ନାହିଁ । ଏଣୁ ଲୋଭ, ମୋହ, ମାୟା, ମମତା ଆଦି ରିପୁକୁ ପରିତ୍ୟାଗ କରିପାରିଲେ ହିଁ ଶ୍ରୀଶିବ ଦର୍ଶନ ହୋଇପାରିବ।