ମକର ସଂକ୍ରାନ୍ତି ଦିନ କ'ଣ କରିବା ଉଚିତ ଓ କ'ଣ ନ କରିବା ଉଚିତ

ମକର ସଂକ୍ରାନ୍ତି ଉପରେ ଧାର୍ମିକ, ଜ୍ୟୋତିଷ ଓ ବୈଜ୍ଞାନିକ ମହତ୍ତ୍ୱ ମଧ୍ୟ ରହିଛି । ସଂସାରରେ ବାସ୍ତୁ ଶାସ୍ତ୍ର ଏବଂ ଜ୍ୟୋତିଷ ଶାସ୍ତ୍ରକୁ ପ୍ରାୟତଃ ସମସ୍ତେ ବିଶ୍ୱାସ କରିଥାନ୍ତି । ତେବେ ଏଥିରେ କିଛି ଏହି ପରି ଲେଖା ଯାଇଥାଏ କି ଯାହାକୁ ପଢିବା ଓ ଜାଣିବା ଦ୍ଵାରା ଲୋକମାନେ ବହୁତ ଉପକୃତ ହୋଇଥାନ୍ତି । ଏହାକୁ ଜାଣିବା ଦ୍ଵାରା ଲୋକ ମାନେ ସର୍ବଦା ସତର୍କ ହୋଇ ରହିଥାନ୍ତି । ନିଜର ଖରାପ ସମୟ ଆସିବା ପୂର୍ବରୁ ସେମାନେ କିଛି ସଂକେତ ପାଇ ଯାଇଥାଆନ୍ତି । ଶାସ୍ତ୍ରରେ କିଛି ଜିନିଷକୁ କରିବାକୁ ବାରଣ କରାଯାଇଛି । କିନ୍ତୁ ଆପଣ ଯଦି ଏହାକୁ ନ ମାନି କରି ଚଳନ୍ତି ତେବେ ଆପଣଙ୍କୁ ଭବିଷ୍ୟତରେ ବହୁତ ବଡ଼ ସଙ୍କଟ ଦେଖା ଦେଇଥାଏ ।

ଏହି ଦିନ ଦାନ,ସ୍ନାନ,ଧର୍ମ, ଜପ ଓ ତପର ଆଦିର ବହୁ ବିଶେଷ ମହତ୍ତ୍ୱ ରହିଛି । ଏହି ପର୍ବରେ ଗୁଡି ଉଡେଇବାର ପରଂପରା ମଧ୍ୟ ରହିଛି । ମାତ୍ର ଏହି ଦିନରେ ଏପରି କେତେକ କାର୍ଯ୍ୟ ରହିଛି, ଯାହାକୁ କରିବାକୁ ବାରଣ କରାଯାଇଛି |

ଆସନ୍ତୁ ଜାଣିବା ମକର ସଂକ୍ରାନ୍ତି ଦିନ କ'ଣ କରିବା ଉଚିତ ଓ କ'ଣ ନ କରିବା ଉଚିତ...

ମକର ସଂକ୍ରାନ୍ତିରେ କ'ଣ କରିବା ଉଚିତ

1. ସର୍ବପ୍ରଥମେ ତ ଆପଣଙ୍କୁ କହିବୁ ଯେ ଯେଉଁ ଲୋକଙ୍କୁ ସକାଳେ ବିନା ସ୍ନାନ କରି ଚା କିମ୍ବା ହାଲୁକା ଜଳଖିଆ ବା ବିସ୍କୁଟ ଖାଇବାର ଅଭ୍ୟାସ ଅଛି ତାହାଲେ ଭୁଲରେ ବି ଏହିଦିନ ଏପରି କରନ୍ତୁ ନାହିଁ , କାରଣ ଏହାକୁ ଅଶୁଭ ବୋଲି ବିଶ୍ୱାସ କରାଯାଏ ଏଥିପାଇଁ ଏହି ଦିନ ସ୍ନାନ କରି ପୂଜାର୍ଚ୍ଚନା କରିବା ପରେ, ଦାନ କରିସାରି ହିଁ ଖାଆନ୍ତୁ ।
2. ମକର ସଂକ୍ରାନ୍ତି ଦିନ ପ୍ରାତଃକାଳରେ ଗଙ୍ଗା ସ୍ନାନ କରିବା ବେଶ୍‌ ଲାଭଦାୟକ ହୋଇଥାଏ। ଯଦି ଗଙ୍ଗା ନଦୀକୁ ଯାଇପାରୁନାହାନ୍ତି ତେବେ ଯେକୌଣସି ପବିତ୍ର ନଦୀରେ ମଧ୍ୟ ସ୍ନାନ କରିପାରନ୍ତି ।
3. ଏହିଦିନ ସକାଳେ ସ୍ନାନ କରିବା ସମୟରେ ଆପଣ ପାଣିରେ ତିଳ ମିଶାନ୍ତୁ ଏବଂ ତିଳ ମିଶା ଜଳରେ ହିଁ ସ୍ନାନ କରନ୍ତୁ । ସମ୍ଭବତଃ କୌଣସି ପବିତ୍ର ନଦୀରେ ସ୍ନାନ କରନ୍ତୁ , ଏବଂ ସମ୍ଭବ ହେବ ତ କ୍ଷୀର , ଦହି ଏବଂ ତିଳ ମିଶା ଜଳରେ ସ୍ନାନ କରନ୍ତୁ।
4. କିନ୍ତୁ ଏଥିପ୍ରତି ଧ୍ୟାନ ଦେବେ ଯେ ଆପଣଙ୍କୁ ଏହିଦିନ କେଶକୁ ଧୋଇବା ଉଚିତ ନୁହେଁ ଏବଂ ହେବ ତ ସାବୁନ ବ୍ୟବହାର କରନ୍ତୁ ନାହିଁ।
5. ସ୍ନାନ କରିବା ପରେ ସୂର୍ଯ୍ୟଙ୍କୁ ଜଳ ଅପଣ କରନ୍ତୁ। ଏହି ଦିନ ସୂର୍ଯ୍ୟଙ୍କୁ ପୂଜା କରିବା ଦ୍ୱାରା ପାପ କ୍ଷୟ ହୋଇଥାଏ।
6. ଏହି ଦିନ ପ୍ରାତଃ ସ୍ନାନ କରି ସୂର୍ଯ୍ୟଙ୍କୁ ଲାଲ ପୁଷ୍ପ ଅର୍ପଣ କରିବା ଦ୍ୱାରା ଜୀବନର ବାଧାବିଘ୍ନ ଦୂର ହୋଇଥାଏ |
7. ମକର ସଂକ୍ରାନ୍ତି ଦିନ ସୂର୍ଯ୍ୟ ଶନିଙ୍କ ରାଶିରେ ପ୍ରବେଶ କରିଥାଆନ୍ତି । ତେଣୁ ଏହି ଦିନ ଶନିଦେବଙ୍କୁ ପୂଜା କରିବା ଲାଭଦାୟକ ହୋଇଥାଏ । ଶନିଙ୍କୁ ପୂଜା କରିବା ସମୟରେ ସୋରିଷ ତେଲରେ କଳା ରାଶି ପକାଇ ଦୀପ ପ୍ରଜ୍ଵଳିତ କରନ୍ତୁ । ଏପରି କରିବା ଦ୍ୱାରା ଦୁଇଗୁଣା ଫଳ ମିଳିବ ।
8. ମକର ସଂକ୍ରାନ୍ତିରେ ଭଗବାନ ଶିବ, ବିଷ୍ଣୁ ଓ ମା' ଲକ୍ଷ୍ମୀଙ୍କୁ ମଧ୍ୟ ପୂଜା କରିବା ଉଚିତ।
9. ପୂର୍ବପୁରୁଷଙ୍କ ଆତ୍ମାର ଶାନ୍ତି ପାଇଁ ଖେଚୁଡି ଦାନ କରିବାର ମଧ୍ୟ ବିଧାନ ରହିଛି ।
10. ଏହି ଦିନ ରାଶିରେ ପ୍ରସ୍ତୁତ ଖାଦ୍ୟ, ମୁଗ ଡ଼ାଲି, ଚାଉଳରେ ପ୍ରସ୍ତୁତ ଖେଚୁଡ଼ି ଆଦି ଖାଇବା ସ୍ୱାସ୍ଥ୍ୟ ପାଇଁ ବେଶ ହିତକାରକ ।
11. ଘରେ ଖେଚୁଡ଼ି ରାନ୍ଧି ବ୍ରାହ୍ମଣଙ୍କୁ ଭୋଜନ କରାନ୍ତୁ।
12. ମକର ସଂକ୍ରାନ୍ତିରେ ଗାଈଙ୍କୁ ଖାଇବାକୁ ଦେଇ ସେବା କରିବା ଅତ୍ୟନ୍ତ ଶୁଭ ହୋଇଥାଏ।
13. ଏହି ଦିନ ଘରକୁ ନୂଆ ଝାଡୁ କିଣିକି ଆଣିବା ମଧ୍ୟ ଶୁଭ ହୋଇଥାଏ ।
14. ମକର ସଂକ୍ରାନ୍ତି ଦିନ ବୟୋଜ୍ୟେଷ୍ଠ ଙ୍କୁ ପାଦ ଛୁଇଁ ପ୍ରଣାମ କରିବା ଉଚିତ।
15. ଏହି ଦିନ ଆଲମାରୀରୁ ସୁନାଗହଣା କାଢ଼ି ଗଙ୍ଗା ପାଣିରେ ଧୋଇ ହଳଦୀ ଲଗାଇ ରଖନ୍ତୁ ।
16. ଏହି ଦିନ ଅନେକ ସ୍ଥାନରେ ଗୁଡି ଉଡାଇବାର ପରମ୍ପରା ରହିଛି।
17. ଏହି ଦିନରେ ଲୋକେ ନିଜ ଘରେ ରାଶିର ଲଡ଼ୁ ମଧ୍ୟ ପ୍ରସ୍ତୁତ କରିଥାଆନ୍ତି। ଏହାକୁ ନିଜ ପଡ଼ୋଶୀ ଓ ପ୍ରିୟଜନଙ୍କୁ ମଧ୍ୟ ବାଣ୍ଟି ଥାଆନ୍ତି |
18. ମକର ସଂକ୍ରାନ୍ତି ଦିନ ରାଶି, ଗୁଡ ଦାନ କରିବା ଉଚିତ । କିନ୍ତୁ ଏହିଦିନ ଘରେ ରାଶି ଲଡୁ ପ୍ରସ୍ତୁତ କରି ଗରିବ ମାନଙ୍କୁ ବାଣ୍ଟିବା ଅତ୍ୟନ୍ତ ଶୁଭକର ହୋଇଥାଏ ।
19. ଏହି ଦିନ ଅସହାୟ, ଗରିବ, ଦୁଃଖୀ ବ୍ୟକ୍ତିଙ୍କୁ ଦାନ ମଧ୍ୟ କରନ୍ତୁ । ଦାନରେ କିଛି ଚାଉଳ ଓ ବିରି ଡାଲି,ମଞ୍ଜି ଦେଲେ ଭଲ ହେବ |
20. ମିଠା ବଚନ କୁହନ୍ତୁ ।
21. ବୃକ୍ଷରୋପଣ କରିବା ଅତ୍ୟନ୍ତ ଶୁଭ ହୋଇଥାଏ ।

କ'ଣ କରିବେ ନାହିଁ

1. ଏହି ଦିନ ରସୁଣ, ପିଆଜ, ଆମିଷ ଆଦି ଖାଇବା ଉଚିତ ନୁହେଁ ।
2. ଏହି ଦିନ କୌଣସି ନିଶା ଦ୍ରବ୍ୟର ସେବନ କରନ୍ତୁ ନାହିଁ । ଭୁଲ୍‌ରେ ବି ଏହି ଦିନ ମଦ୍ୟପାନ,ପାନ , ତମାଖୁ, ଅଧିକ ଗରିଷ୍ଠ ଭୋଜନ ଏହିଦିନ ଖାଆନ୍ତୁ ନାହିଁ ।
3. ମକର ସଂକ୍ରାନ୍ତି ଦିନ କେବଳ ତନକୁ ନୁହେଁ ମନକୁ ବି ସଫା ରଖିବା ଜରୁରୀ ଏହି ଦିନ କାହାକୁ ବାଧିଲା ଭଳି କିଛି କୁହନ୍ତୁ ନାହିଁ ।
4. ଏହି ଦିନ ଆଦୌ କ୍ରୋଧ କରନ୍ତୁ ନାହିଁ ।
5. ମାନ୍ୟତା ଅନୁଯାୟୀ, ଏହି ଦିନ କୌଣସି ବୃକ୍ଷର କ୍ଷତି କରନ୍ତୁ ନାହିଁ ।
6. ସୂର୍ୟ୍ୟଦେବତାଙ୍କ ବିଶେଷ କୃପା ପାଇଁ ଏହି ଦିନ ସୂର୍ୟ୍ୟାସ୍ତ ପରେ ଭୋଜନ ଗ୍ରହଣ କରନ୍ତୁ ନାହିଁ |
7. ଭୁଲରେ ବି କ୍ଷୀର ଦୁହନ୍ତୁ ନାହିଁ |
8. ଏହି ଦିନ ବୃକ୍ଷକୁ ଆଘାତ କରନ୍ତୁ ନାହିଁ । ତୁଳସୀ ଗଛରୁ ବି ପତ୍ର ତୋଳନ୍ତୁ ନାହିଁ । କାରଣ ଏପରି କରିବା ଦ୍ୱାରା ଆପଣଙ୍କର କଷ୍ଟ ଅଧିକ ବଢ଼ିଯିବ ।
9. ଫସଲ ଅମଳ କରନ୍ତୁ ନାହିଁ |
10. ଏହିଦିନ ଘରେ ବଡ଼ମାନଙ୍କୁ ଅସମ୍ମାନ କରନ୍ତୁ ନାହିଁ । ଏହା ଦ୍ୱାରା ସୂର୍ଯ୍ୟଦେବ ଓ ଶନିଦେବ ନାରାଜ ହୋଇପାରନ୍ତି ।
11. ମକର ସଂକ୍ରାନ୍ତି ଦିନ କଳା ରଙ୍ଗର ବସ୍ତ୍ର ପରିଧାନ କରନ୍ତୁ ନାହିଁ ।
12. ଏହିଦିନ ଗରିବଙ୍କୁ ଦାନ କରିବା ବେଳେ ପୁରୁଣା ଡ୍ରେସ୍‌ ଓ ବାସି ଖାଦ୍ୟ ଦିଅନ୍ତୁ ନାହଁ ।
13. ପୁଣି ଏହା ମଧ୍ୟ କୁହାଯାଏ ଯେ ସେହି ଦିନ ସନ୍ଧ୍ୟାରେ ହୋଇପାରେ ତ ଭୋଜନ କରନ୍ତୁ ନାହିଁ | ଏହା ଅତ୍ୟନ୍ତ ପୁଣ୍ୟଦାୟୀ ଅଟେ ଏବଂ ଯଦି ଖାଇବେ ତାହାଲେ ବହୁତ କମ୍‌ ଖାଆନ୍ତୁ ।