ବଥୁଆ ଶାଗର ଉପକାରିତା

ଶୀତଦିନେ ଅଧିକ ମାତ୍ରାରେ ମିଳୁଥିବା ବଥୁଆ ଶାଗରେ ବିଭିନ୍ନ ପ୍ରକାର ଔଷଧୀୟ ଗୁଣ ରହିଛି। ଏଣୁ ନିୟମିତ ଭାବେ ଏହାକୁ ଖାଦ୍ୟ ତାଲିକାରେ ସାମିଲ କରିବା ଆବଶ୍ୟକ। ଏହାକୁ ଖାଇବା ଦ୍ୱାରା ଷ୍ଟୋନ, ଗ୍ୟାସ, ପେଟ ଦରଜ ଓ କୋଷ୍ଟକାଠିନ୍ୟ ପରି ସମସ୍ୟା ଦୂର ହୋଇଥାଏ |  ନିଜର ପସନ୍ଦ ଅନୁସାରେ ଏହାକୁ ତରକାରୀ କରି ଖାଇପାରିବେ। ତେବେ ରାତିରେ ଏହାକୁ ଖାଆନ୍ତୁ ନାହିଁ।   

• ବଥୁଆ ଶାଗକୁ ସିଝାଇ ତାର ପାଣି ପିିଇଲେ,  ମହିଳାମାନଙ୍କର ଋତୁସ୍ରାବ ଜନିତ ଅନିୟମିତତାକୁ ଦୂର ହୁଏ ।
• ବଥୁଆ ଶାଗର ରସ ପିଇବା ଦ୍ୱାରା ଜ୍ଵର ଓ ପାର୍ଶ୍ଵପ୍ରତିକ୍ରିୟା ଦ୍ୱାରା ହେଉଥିବା ଜ୍ଵର ଭଲ ହୁଏ | 
• ବଥୁଆ ଶାଗକୁ ସିଝାଇ ତା ରସରେ ଲେମ୍ଭୁ ରସ ,ଲୁଣ ଓ ଜିରାଗୁଣ୍ଡ ମିଶାଇ ପିଇବା ଦ୍ୱାରା ପରିସ୍ରା ପାର୍ଶ୍ଵପ୍ରତିକ୍ରିୟା ଓ ଦରଜ ହୋଇନଥାଏ |
• ଗୋଟିଏ ଗ୍ଲାସ ବଥୁଆ ଶାଗ ରସରେ ଲୁଣ ମିଶାଇ ପିଇବା ଦ୍ୱାରା ରୋଗ ସୃଷ୍ଟିକାରୀ ଜୀବାଣୁ ମରିଯାନ୍ତି  |
• ମୁଣ୍ଡରେ ଉକୁଣୀ ହୋଇଥିଲେ ବଥୁଆ ଶାଗକୁ ସିଝାଇ ତା ରସରେ ମୁଣ୍ଡ ଧୋଇଲେ, ଉକୁଣୀ ମରିଯିବେ |

ଭିଟାମିନ ଏ’ ମିଳିଥାଏ :- 

• ବଥୁଆ ଶାଗ ଭିଟାମିନ ଏ’ର ଏକ ଭଲ ସ୍ରୋତ। ଏକ ଗବେଷଣା ଅନୁସାରେ ସବୁଠୁ ଅଧିକ ଭିଟାମିନ୍ ବଥୁଆ ଶାଗରୁ ମିଳେ। 
• ଏହାଛଡ଼ା ଭିଟାମିନ୍ ବି, ସି, କ୍ୟାଲସିୟମ, ଫସଫରସ ଏବଂ ପୋଟାସିୟମ ମଧ୍ୟ ମିଳିଥାଏ।

ଦୃଷ୍ଟିଶକ୍ତିର ବୃଦ୍ଧି ହୁଏ :-

• ବଥୁଆ ଶାଗ ନିୟମିତ ଖାଇବା ଦ୍ୱାରା ଦୃଷ୍ଟିଶକ୍ତିର  ବୃଦ୍ଧି ପାଏ | 
• ଏହାସହ ଗଣ୍ଠି ଦରଜ ଭଲ ହୁଏ |

ରୋଗ ପ୍ରତିରୋଧକ ଶକ୍ତି ବୃଦ୍ଧି କରେ :-

• ଆମ ଶରୀରର ରୋଗ ପ୍ରତିରୋଧକ ଶକ୍ତି ଦୁର୍ବଳ ହେଲେ ବିଭିନ୍ନ ପ୍ରକାର ରୋଗ ହୋଇଥାଏ। ବଥୁଆ ଶାଗର ରସ  ନିୟମିତ ଭାବେ ପିଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଏ। 
• ଅଧିକ ସୁଫଳ ପାଇବା ଲାଗି ବଥୁଆ ଶାଗର ବ୍ୟଞ୍ଜନରେ କଳା ଲୁଣ ମିଶାଇ ଦହିପାଣି ସହିତ ଖାଆନ୍ତୁ। ଏସିଡିଟି, ଗ୍ୟାସ ଭଳି ସମସ୍ୟା ଖୁବ୍ କମ ସମୟରେ ଦୂର ହେବ। 

ଚର୍ମ ରୋଗ ଦୂର କରେ :- 

• ବଥୁଆରେ ଥିବା ରକ୍ତଶୋଧକ ଗୁଣ ହେତୁ ଏହା ଧଳା ଦାଗ, ଏକଜିମା, କୁଣ୍ଡେଇ ହେବା ଭଳି ଚର୍ମରୋଗରୁ ମୁକ୍ତି ପ୍ରଦାନ କରିଥାଏ।

କୋଷ୍ଠକାଠିନ୍ୟ ସମସ୍ୟା ଦୂରକରେ :-

• ବଥୁଆ ଶାଗ ଫାଇବରର ଏକ ଭଲ ସ୍ରୋତ। ଯାହାକି ପାଚନତନ୍ତ୍ର ସମ୍ବନ୍ଧୀୟ ରୋଗ ଯେପରିକି କୋଷ୍ଠକାଠିନ୍ୟକୁ ଦୂର କରିଥାଏ। 
• ସେହିପରି ମଧୁମେହ ଭଳି ଜୀବନଶୈଳୀଜନିତ ରୋଗରେ ପୀଡ଼ିତ ରୋଗୀ ବି ବଥୁଆ ଶାଗ ଖାଇଲେ ଉପକାର ମିଳିଥାଏ।

ହିମୋଗ୍ଲୋବିନର ଅଭାବ ଦୂର ହୋଇଥାଏ :- 

• ବଥୁଆ ଶାଗରେ ଲୌହ ଏବଂ ଫୋଲିକ ଏସିଡ୍ ପ୍ରଚୁର ପରିମାଣରେ ରହିଥାଏ। ତେଣୁ ଏହାକୁ ନିୟମିତ ଭାବେ ଖାଇଲେ ହିମୋଗ୍ଲୋବିନର ଅଭାବ ଦୂର ହୁଏ । 
• ବିଶେଷକରି ଛୋଟ ପିଲା, ବୃଦ୍ଧବୃଦ୍ଧା ଏବଂ ମହିଳାମାନେ ଏହାକୁ ଖାଇବା ଆବଶ୍ୟକ। 

ଷ୍ଟୋନ ସମସ୍ୟା :-

•  ପିତ୍ତକୋଷରେ ଷ୍ଟୋନ ହୋଇଥିଲେ ନିୟମିତ ଭାବେ ବଥୁଆ ଶାଗ ଖାଇବାକୁ ଡାକ୍ତରମାନେ ପରାମର୍ଶ ଦେଇଥାନ୍ତି।