ବର୍ଷାଦିନିଆ ଟିପ୍ସ

Image Source - Dainik Bhaskar

ବର୍ଷା ଆସିବା ସହିତ ଗରମରୁ ରକ୍ଷା ମିଳେ ଏବଂ ମନରେ ଖୁସି ଭରିଯାଏ | ତେବେ ଋତୁ ପରିବର୍ତ୍ତନ ସହିତ ବିଭିନ୍ନ ପ୍ରକାର ସ୍ୱାସ୍ଥ୍ୟ ସମସ୍ୟା ମଧ୍ଯ ଆସିଥାଏ ମୌସମୀ ସହିତ | ମଶା,ମାଛି ଓ ଅନ୍ୟାନ୍ୟ କୀଟପତଙ୍ଗ ବଢିଯିବାରୁ ବିଭିନ୍ନ ପ୍ରକାର ସଂକ୍ରମଣ ଏବଂ ଅସୁସ୍ଥତା ଏହି ଋତୁରେ ଆକ୍ରମଣ କରେ | ବର୍ଷାରେ ପ୍ରଥମେ ଏହି ସବୁ ଜିନିଷ ପ୍ରତି ଦୃଷ୍ଟି ଦିଅନ୍ତୁ |

ବର୍ଷାରେ ଏହି ଖାଦ୍ୟ ବାରଣ :-

-ବିଶେଷ କରି ବର୍ଷା ଦିନେ ବାହାର ଖାଦ୍ୟ ଖାଇବାରୁ ଦୂରେଇ ରୁହନ୍ତୁ ।
-ଯେତେବେଳେ ବି ଖାଦ୍ୟ ଖାଉଛନ୍ତି ହାତକୁ ଭଲ ଭାବେ ଧୋଇବା ସହିତ ଖାଇବା ପାତ୍ରକୁ ମଧ୍ଯ ଭଲ ଭାବେ ଧୋଇକି ଖାଆନ୍ତୁ ।

ପତ୍ରଜାତୀୟ ପରିବା :- ପାଳଙ୍ଗ,ବନ୍ଧାକୋବି ଏବଂ ଅନ୍ୟାନ୍ୟ ପତ୍ରଜାତୀୟ ପରିବାରେ ବର୍ଷା ଆସିଲେ ପୋକ ଓ ବ୍ୟାକ୍ଟେରିଆ ରହିବାର ଆଶଙ୍କା ଥାଏ | ତେଣୁ ଏହାର ଅମଳ  ମଧ୍ଯ କମ ହୁଏ | ଖାଇବାରେ ବେଶୀ ଆଗ୍ରହୀ ତେବେ ଉଷୁମ ପାଣିରେ ଧୋଇ ଖାଦ୍ୟ ବନାନ୍ତୁ |

ମାଛ :- ବର୍ଷାଋତୁରେ ମାଛ ଏବଂ ଅନ୍ୟ ସାମୁଦ୍ରିକ ଜୀବମାନଙ୍କର ପ୍ରଜନନ ସମୟ ହୋଇଥାଏ | ବିହନ ଥିବା ମାଛ ଖାଇଲେ ଫୁଡ ପଏଜନିଙ୍ଗର ଆଶଙ୍କା ରହିଛି | ନଦୀ ଓ ସମୁଦ୍ରରେ ବର୍ଷା ଯୋଗୁଁ ପାଣି ପ୍ରଦୂଷିତ ହୋଇଥାଏ ଏହି ସମୟରେ ମାଛରେ ବି ପ୍ରଦୂଷଣ ତତ୍ତ୍ୱ ରହିବା ସମ୍ଭାବନା ଅଛି |  ତେଣୁ ଅଧିକ ମାଛ ନ ନ ଖାଇବା ଉଚିତ |

ଦହି ଓ ଲସି :- ବର୍ଷାଋତୁରେ ଶରୀରରେ ଏକାଧିକ ପ୍ରକାର ବ୍ୟାକ୍ଟେରିଆ ରହିଥାନ୍ତି | ଦହିରେ ବି ବ୍ୟାକ୍ଟେରିଆ ରହୁଥିବାରୁ ଏବଂ ଏହା ଶୀତଳ ସ୍ୱଭାବର ହୋଇଥିବାରୁ ବର୍ଷା ପାଗରେ ଦହି ଓ ଲସି ଆଦି ପିଇବା ମନା | କ୍ଷୀର ଭଲଭାବେ ଫୁଟାଇ ପିଇବେ |

ଛଣା ଖାଦ୍ୟ  :-  ବର୍ଷାଋତୁରେ ଛଣା ଖାଦ୍ୟ ଖାଇଲେ ଶରୀରରେ ପିତ୍ତ ପ୍ରଭାବ ବଢାଏ | ଏହି ଋତୁରେ ଶରୀରରେ ବାତ ଦୋଷ ପ୍ରଭାବିତ ହୋଇଥାଏ | ତେଣୁ ବାତ ଓ ପିତ୍ତଦୋଷ  ଶରୀରକୁ ଅଧିକ ଅସୁସ୍ଥ କରିବାର ଆଶଙ୍କା ରହିଛି | ବିଶେଷ କରି ବଜାରରୁ ଛଣା ଖାଦ୍ୟ ଠାରୁ ଦୂରେଇ ରୁହନ୍ତୁ ଏବଂ ଘରେ ବି ଛଣା ଖାଦ୍ୟ ଏବଂ ମସାଲାଜାତୀୟ ଖାଦ୍ୟ କମ କରନ୍ତୁ | 

ପାଣିର ବ୍ୟବହାର :-

-ପିଇବା ପାଣିରେ କ୍ଲୋରିନ୍‌ ବଟିକା ମିଶାନ୍ତୁ ଏବଂ ପାଣିକୁ ଫୁଟାଇ ପିଅନ୍ତୁ ।

-ସବୁବେଳେ ଉଷୁମ ପାଣି ପିଇବା ସ୍ୱାସ୍ଥ୍ୟ ପକ୍ଷେ ହିତକର |

ନିଜର ଯତ୍ନ :-

Image Source - Youngisthan

-ବର୍ଷା ଦିନେ ନିଜେ ଏବଂ ନିଜ ଛୁଆମାନଙ୍କୁ ଶରୀର ସମ୍ପୂର୍ଣ୍ଣ ଢାଙ୍କି ହୋଇ ରହୁଥିବା ଭଳି ପୋଷାକ ପିନ୍ଧାନ୍ତୁ |
-ଗବେଷକଙ୍କ ମତରେ, ବର୍ଷାଋତୁର ପ୍ରଥମ ବର୍ଷାରେ ନ ଭିଜିବା ଉଚିତ |ଏହା ଦ୍ୱାରା ଦେହଖରାପ ଏବଂ ତ୍ୱଚା ସମ୍ବନ୍ଧୀୟ ରୋଗ ହେବାର ସମ୍ଭାବନା  ଥାଏ |
-ବର୍ଷାରେ ଭିଜିବା ପରେ ଅଧିକ ସମୟ ଓଦା କପଡା ନ ପିନ୍ଧି ତୁରନ୍ତ ଶୁଖିଲା କପଡା ପିନ୍ଧନ୍ତୁ |
-ପାଦର ଆଙ୍ଗୁଳି ବର୍ଷା ପାଣିରେ ସବୁଠୁ ଅଧିକ ପ୍ରଭାବିତ ହୋଇଥାଏ ଅର୍ଥାତ ନାନାଦି ସଂକ୍ରମଣ ରୋଗ ହେବାର ଆଶଙ୍କା ରହିଛି | ତେଣୁ ଓଦା ପାଦକୁ ଭଲଭାବେ ଧୋଇ ପୋଛିଦେବା ଉଚିତ |
-ଯଦି ବର୍ଷାରେ ଓଦା ହେଉଛନ୍ତି ତେବେ ଘରେ ଆସି ନଖ ଉଷୁମ ପାଣିରେ ସ୍ନାନ କରିବେ | ନଚେତ ଥଣ୍ଡା ହେବାର ଆଶଙ୍କା ବଢ଼ିଯାଇଥାଏ |
-ବର୍ଷାଦିନେ ଆଣ୍ଟିସେପ୍ଟିକ ସାବୁନ ବ୍ୟବହାର କରିବା ଉଚିତ |
-ବର୍ଷାରେ ଭିଜିବା ପରେ ଡ୍ରାଏର ସହାୟତାରେ ବା କପଡ଼ାରେ କେଶ ଶୁଖାଇବା ନିହାତି ଜରୁରୀ | ଶୀଘ୍ର କେଶ ନ ଶୁଖିଲେ ଜ୍ଵର ହେବାର ଆଶଙ୍କା ଅଧିକ | 
-ଭିଜିବା ପରେ ଘରେ ଆସି ଭଲଭାବରେ ପରିଷ୍କାର ହୋଇ ମସଲା ଚା'ଗୋଟିଏ କପ ପିଇବା ଶରୀର ପାଇଁ ଉତ୍ତମ |

ମଶା ଦାଉରୁ ରକ୍ଷା ପାଇଁ :- 

Image Source - Dikgazete

-ଘର ଚାରି ପାଖରେ ପାଣି ଜମା ରଖନ୍ତୁ ନାହିଁ | ବଗିଚାରେ ଥିବା ସବୁ ଗାତ ଗୁଡିକୁ ମାଟି ଦ୍ବାରା ବନ୍ଦ କରିଦିଅନ୍ତୁ ।
-ଘରେ କିମ୍ବା ଘର ବାହାରେ ଥିବା ଅଳିଆ ଆବର୍ଜନାକୁ ତୁରନ୍ତ ସଫା କରି ସେଠାରେ ବ୍ଲିଚିଙ୍ଗ,ଗ୍ଯାମାକସିନ୍‌ କିମ୍ବା ଫିନାଇଲ୍‌ ଭଳି କିଛି ସଂକ୍ରମଣ ମୁକ୍ତ ସାମଗ୍ରୀ ପକାଇ ଦିଅନ୍ତୁ ।
 -ରୁମ୍‌ କୁଲର, ଫୁଲଦାନୀ ମଧ୍ୟରେ ଥିବା ପାଣି ସପ୍ତାହକୁ ଥରେ ଏବଂ ଘରେ ଥିବା ପଶୁପକ୍ଷୀ ମାନଙ୍କର ଦାନା ପାଣିକୁ ସବୁବେଳେ ସଫା କରନ୍ତୁ ।
-ଘରେ ଥିବା ଭଙ୍ଗାରୁଜା ଡବା,ଟାୟାର,ବାସନ, ବୋତଲ ଆଦି ରଖନ୍ତୁ ନାହିଁ । ଯଦି ରଖୁଛନ୍ତି ତେବେ ଏହାର ମୁହଁକୁ ଓଲଟାଇ ରଖନ୍ତୁ।
-ଡେଙ୍ଗୁ ମଶା ସଫା ପାଣିରେ ମଧ୍ ନିଜର ବଂଶ ବିସ୍ତାର  କରିଥାନ୍ତି । ତେଣୁ ନିଜର ପାଣି ଟାଙ୍କିକୁ ଢାଙ୍କି ରଖନ୍ତୁ ।
-ଯଦି ସମ୍ଭବ ହେଉଛି ତେବେ ଝରକା କବାଟ ଆଦିରେ ଜାଲି ଲଗାଇ ମଶା ମାନଙ୍କୁ ଘରକୁ ପ୍ରବେଶ କରିବାରୁ ରୋକିପାରିବେ |
-ମଶା ମାନଙ୍କ ଦାଉରୁ ରକ୍ଷା ପାଇବା ପାଇଁ ମଶା ମରା କ୍ରିମ୍‌,ସ୍ପ୍ରେ, ମ୍ୟାଟସ୍‌,କଏଲ ଆଦି ବ୍ଯବହାର କରିପାରିବେ |

-ମଶା ଦାଉରୁ ରକ୍ଷା ପାଇବା ପାଇଁ ଶୋଇବା ବେଳେ ମଶୁରି ବ୍ୟବହାର କରନ୍ତୁ |
-ସପ୍ତାହକୁ ଥରେ ଘରର ସବୁ ସ୍ଥାନରେ ମଶା ମରା ଔଷଧ ସିଞ୍ଜନ କରନ୍ତୁ । ସିଞ୍ଚନ ସମୟରେ ନିଜର ମୁହଁକୁ କପଡାରେ ସାହାଯ୍ୟରେ ବାନ୍ଧି ଦିଅନ୍ତୁ ଏବଂ ଖାଦ୍ୟ ସାମଗ୍ରୀକୁ ଘୋଡାଇ ରଖନ୍ତୁ ।