ଆଖି ତଳେ ଥିବା କଳାଦାଗର ଚିକିତ୍ସା

ଆଖି ତଳେ ଥିବା କଳାଦାଗର ଚିକିତ୍ସା

Image Source - Medium

ଆଖି ତଳେ ଦେଖାଯାଉଥିବା କଳାଦାଗ ଏକ ସାଧାରଣ ସମସ୍ୟା | କିନ୍ତୁ ଏହାର ପ୍ରଭାବ ମହିଳାମାନଙ୍କଠାରେ ଅଧିକ ଦେଖାଯାଏ | ସବୁ ସମସ୍ୟାର ପ୍ରତିକାର ଅଛି କିନ୍ତୁ ବେଳହୁଁ କାମରେ ଲଗାଇଲେ ଶୀଘ୍ର ସୁଫଳତା ମିଳେ | ଏହି ସମସ୍ତ ପ୍ରତିକାର ଗୁଡିକ ଆଖି ଚାରିପାଖେ ଥିବା କଳାଦାଗ ଦୂର କରିବା ପାଇଁ ବ୍ୟବହାର କରନ୍ତୁ । 

ଏଥିସହ ପ୍ରତିଦିନ 6 ରୁ 8 ଘଣ୍ଟା ଶୋଇବାକୁ ଚେଷ୍ଟା କରନ୍ତୁ ଏବଂ ମାନସିକ ଚାପ ଓ ଚିନ୍ତାରୁ ଦୂରରେ ରୁହନ୍ତୁ । ଏହା ବ୍ୟତୀତ ଅଧିକରୁ ଅଧିକ ପାଣି ପିଅନ୍ତୁ ଏବଂ ଆପଣଙ୍କ ଖାଦ୍ୟରେ ଶସ୍ୟଜାତୀୟ ଖାଦ୍ୟ, ଡାଲି, ପନିପରିବା, କ୍ଷୀର ଇତ୍ୟାଦି ଅନ୍ତର୍ଭୁକ୍ତ କରନ୍ତୁ ।

ଯଦି ଆପଣ ଏଥିରୁ ମୁକ୍ତି ପାଇବା ପାଇଁ ଚାହୁଁଛନ୍ତି ତେବେ କିଛି ଘରୋଇ ଉପଚାର ବ୍ୟବହାର କରନ୍ତୁ ।

Image Source - voyageavectonchien.com

1. ଘିକୁଆଁରୀ ରସ :-

-ପ୍ରଥମେ ଆଖିତଳର କଳାଦାଗ ଉପରେ ସତେଜ ଘିକୁଆଁରୀ ରସ ଲଗାଇ କିଛି ସେକେଣ୍ତ ପାଇଁ ମାଲିସ କରନ୍ତୁ । ତାପରେ ତୁଳା ସାହାଯ୍ୟରେ ଆଖି ଚାରିପାଖକୁ ସଫା କରିଦିଅନ୍ତୁ । ରାତିରେ ଶୋଇବା ପୂର୍ବରୁ ପ୍ରତିଦିନ ଏହି ପ୍ରକ୍ରିୟା ଥରେ କରିବା ଆବଶ୍ୟକ |

-ବଜାରରେ ମିଳୁଥିବା (Aloe vera Gel)କୁ ବି ଆପଣ ବ୍ୟବହାର କରି ପାରିବେ |

-ଘିକୁଆଁରୀ ଚର୍ମକୁ କୋମଳ କରିଥାଏ ଏବଂ ଏହାକୁ ହାଇଡ୍ରେଟେଡ଼ ରଖେ । ଏହାର ପୁଷ୍ଟିକର ଗୁଣ ଆଖି ତଳେ ଥିବା କୁଞ୍ଚକୁ ଦୂର କରିଥାଏ ଏବଂ ଚର୍ମକୁ ସୁସ୍ଥ ରଖିଥାଏ |

Image Source - Longevitylive.com

2. ଆପଲ୍‌ ଭିନେଗାର :-

-ଏଥିପାଇଁ କାନ ସଫା କରିବା କାଠି, ଯାହାର ସମ୍ମୁଖରେ ତୁଳା ଲାଗିଥାଏ ବ୍ୟବହାର କରନ୍ତୁ । ଏହି ତୁଳାକୁ ଆପଲ୍‌ ଭିନେଗାରରେ ବୁଡ଼ାଇ ଆଖି ତଳେ ଲଗାନ୍ତୁ । ଲଗାଇବା ପରେ ଏହା ଶୁଖିବାକୁ ଛାଡ଼ିଦିଅନ୍ତୁ । ଏହି ପ୍ରକ୍ରିୟାକୁ ଦିନକୁ ଦୁଇଥର ପୁନରାବୃତ୍ତି କରନ୍ତୁ ।

-ଆପଲ୍‌ ଭିନେଗାରରେ ମିନେରାଲ୍ସ, ଭିଟାମିନ୍‌ ଏବଂ ଏନଜାଇମ୍‌ ଥାଏ ଯାହା ଆଖିର ଚାରିପାଖକୁ ପରିଷ୍କାର ଏବଂ କଳା ଦାଗ ଅଦୃଶ୍ଯ କରିବାରେ ସାହାଯ୍ୟ କରିଥାଏ |

ସତର୍କତା :- ମନେରଖନ୍ତୁ ଯେ ଆପଲ୍‌ ଭିନେଗାର ଭୁଲରେ ଆପଣଙ୍କ ଆଖିକୁ ଯଦି ଚାଲିଯାଏ, ସଙ୍ଗେ ସଙ୍ଗେ ଆଖିକୁ ପାଣିରେ ଧୋଇ ଦିଅ |

Image Source - Homeremedies

3. କାକୁଡି :-

-ପ୍ରଥମେ କାକୁଡିକୁ ମୋଟା ମୋଟା ଗୋଲକରି କାଟି ଅଧ ଘଣ୍ଟା ଫ୍ରିଜରେ ରଖନ୍ତୁ । ଏବେ ଦୁଇ ଖଣ୍ତ କାକୁଡି ନେଇ ଆଖିତଳେ ରଖ | ଧ୍ୟାନ ରଖିବେ ଯେପରି ଏହା ଆପଣଙ୍କ ଆଖିର ଚାରିପାଖକୁ ସମ୍ପୂର୍ଣ୍ଣ ରୂପେ ଆଚ୍ଛାଦନ କରିବ । ଏହିପରି କାକୁଡ଼ି ଖଣ୍ତକୁ ଦଶ ମିନିଟ୍‌ ପର୍ଯ୍ୟନ୍ତ ରଖ ଏବଂ ବର୍ତ୍ତମାନ ଆଖିକୁ ଥଣ୍ତା ପାଣିରେ ଧୋଇ ଦିଅନ୍ତୁ । କିଛି ସପ୍ତାହ ପାଇଁ ଦିନକୁ ଦୁଇଥର ଏହି ପ୍ରକ୍ରିୟା ପୁନରାବୃତ୍ତି କରନ୍ତୁ ।

-କାକୁଡିରେ ଅନେକ ଆଣ୍ଟିଅକ୍ସିଡାଣ୍ଟ ଥାଏ ଯେପରିକି ଭିଟେକ୍ସିନ୍‌, ଓରିଏଣ୍ଟିନ ଏବଂ କାକୁର୍ବିଟାସିନ୍‌ ଯାହା ଆଖି ତଳେ ଥିବା କଳା ଦାଗର ଚିକିତ୍ସା କରିବାରେ ସାହାଯ୍ୟ କରିଥାଏ |

4. ଟମାଟୋ ଓ ଆଳୁ ରସ :-

-ପ୍ରଥମେ ଏକ ଚାମଚ ଟମାଟୋ ରସ ସହ ଏକ ଚାମଚ ଆଳୁରସ ମିଶାନ୍ତୁ ଏବଂ ଏହି ମିଶ୍ରଣକୁ ଆଖି ପାଖ କଳା ଦାଗରେ ଲଗାନ୍ତୁ । ଏହିପରି ଦଶ ମିନିଟ୍‌ ପର୍ଯ୍ୟନ୍ତ ଲଗାଇ ରଖନ୍ତୁ ଏବଂ ତା'ପରେ ଥଣ୍ତା ପାଣିରେ ଧୋଇ ଦିଅନ୍ତୁ । ଦୁଇରୁ ତିନି ସପ୍ତାହ ପାଇଁ ଦିନକୁ ଦୁଇଥର ଏହି ପ୍ରକ୍ରିୟା ପୁନରାବୃତ୍ତି କରନ୍ତୁ ।

-ଟମାଟୋରେ ଲାଇକୋପିନ୍‌ ଏବଂ ଫାଇଟୋକେମିକାଲ୍‌ ଥାଏ ଯାହା ଚର୍ମକୁ ଖରାପ ହେବାରୁ ରକ୍ଷା କରିଥାଏ ।

-ଉପରୋକ୍ତ ମିଶ୍ରଣରେ ଗୋଟିଏ ଚାମଚ ଗୋଲାପ ଜଳ ମିଶାଇ ଆଖି ତଳେ ଥିବା କଳାଦାଗ ଉପରେ ବ୍ୟବହାର କରନ୍ତୁ ।

Image Source - Medicalnewstoday

5. ସବୁଜ ଚା ବ୍ୟାଗ୍ :-‌

-ପ୍ରଥମେ ଦୁଇଟି ସବୁଜ ଚା ବ୍ୟାଗକୁ ପାଣିରେ ବୁଡ଼ାନ୍ତୁ, ଏହାପରେ କିଛି ସମୟ ଫ୍ରିଜରେ ରଖନ୍ତୁ। ଫ୍ରିଜରୁ ବାହାର କରି ୧୫ ମିନିଟ୍‌ ପର୍ଯ୍ୟନ୍ତ ଆଖି ଉପରେ ରଖି   ମୁହଁକୁ ପାଣିରେ ଧୋଇ ଦିଅ |

-ଆଖି ତଳେ ରକ୍ତ ନଳୀ ବିସ୍ତାର ହେଲେ ଆଖି ତଳେ କଳାଦାଗ ହୁଏ । ଗ୍ରୀନ୍‌ ଟିରେ ଟୋନିନ୍ସ ଥାଏ ଯାହା ଏହି କଳାଦାଗ ଭଲ କରିବାରେ ସାହାଯ୍ୟ କରେ | -ସବୁଜ ଚା ବିସ୍ତାରିତ ରକ୍ତବାହୀ ଏବଂ କୋଷଗୁଡ଼ିକୁ ଟାଣ କରେ ଏବଂ   କଳାଦାଗକୁ ଲିଭାଇଥାଏ | 

Image Source - Myupchar

6. ଗୋଲାପ ଜଳ :-

-ଖଣ୍ତେ ତୁଳା ଗୋଲାପ ପାଣିରେ ଭିଜାଇ ଆଖି ତଳେ ଲଗାଇ ରଖନ୍ତୁ ଏବଂ ଏହାକୁ ୧୫ ମିନିଟ୍‌ ପାଇଁ ଏହିପରି ଅବସ୍ଥାରେ ଛାଡିଦିଅନ୍ତୁ । ତା'ପରେ ଆଖିକୁ ଥଣ୍ତା ପାଣିରେ ଧୋଇ ଦିଅନ୍ତୁ। ଚାରି ସପ୍ତାହ ପାଇଁ ପ୍ରତିଦିନ ଏହି ପ୍ରକ୍ରିୟାକୁ ପୁନରାବୃତ୍ତି କରନ୍ତୁ ।

-ଗୋଲାପ ଜଳର ଆଣ୍ଟିଅକ୍ସିଡାଣ୍ଟ ଗୁଣ ଅଛି ଯାହା ଚର୍ମ କୋଷକୁ ମଜବୁତ କରିବାରେ ସାହାଯ୍ୟ କରିଥାଏ ଏବଂ ଚର୍ମକୁ ଚମକାଇଥାଏ । ଗୋଲାପ ଜଳ କଳା ଦାଗକୁ ହଟାଇବାରେ ମଧ୍ଯ ସାହାଯ୍ୟ କରିଥାଏ ।

Image Source - Boldsky.com

7. ମହୁ :-

-ଆଙ୍ଗୁଠିରେ ମହୁ ନେଇ ଆଖୁ ତଳେ ଥିବା କଳା ଦାଗରେ ଲଗାନ୍ତୁ । ଏହାକୁ ୧୫ ରୁ ୨୦ ମିନିଟ୍‌ ପର୍ଯ୍ୟନ୍ତ ଛାଡି ଦିଅନ୍ତୁ | ଏବଂ ତା'ପରେ ସେହି ସ୍ଥାନକୁ ପାଣିରେ ଧୋଇ ଦିଅନ୍ତୁ । ଦିନକୁ ଥରେ କିମ୍ବା ଦୁଇଥର ଏହି ପ୍ରକ୍ରିୟା ପୁନରାବୃତ୍ତି କରନ୍ତୁ ।

-ମହୁରେ ଆଣ୍ଟିଅକ୍ସିଡାଣ୍ଟ ଏବଂ ପୁଷ୍ପିକର ଗୁଣ ରହିଛି । ଯାହା ଚର୍ମକୁ କୋମଳ କରିଥାଏ ଏବଂ ଗାଢ଼ କଳାଦାଗକୁ ଦୂର କରିଥାଏ |

Image Source - Blushy Babe

8. ବେକିଂ ସୋଡା :-

-ଗୋଟିଏ କପ୍‌ ଉଷୁମ ପାଣିରେ ଗୋଟିଏ ଚାମଚ ବେକିଂସୋଡା ମିଶାନ୍ତୁ । ବର୍ତ୍ତମାନ ଏହି ମିଶ୍ରଣରେ ଖଣ୍ଡେ ତୁଳାବୁଡ଼ାଇ, ଆଖି ତଳେ ଥିବା କଳା ଦାଗ ଉପରେ ରଖନ୍ତୁ  | ଏହିପରି ଅବସ୍ଥାରେ ୧୦ ରୁ ୧୫ ମିନିଟ୍‌ ପର୍ଯ୍ୟନ୍ତ ଛାଡିଦିଅନ୍ତୁ ।

-ବେକିଂ ସୋଡାରେ ଆଣ୍ଟି-ଇନ୍‌ଫ୍ଲାମେଟୋରୀ ଗୁଣ ଅଛି, ଯାହା ଆଖି ତଳେ ରକ୍ତ ସଞ୍ଚାଳନରେ ସୁଧାର ଆଣିବାରେ ସାହାଯ୍ୟ କରେ |

9. ବାଦାମ ତେଲ, ଆର୍ଗନ ତେଲ (Argan Oil), ନଡ଼ିଆ 

ତେଲ, ଜଡ଼ା ତେଲ, ଅଙ୍ଗୁର ମଞ୍ଜି ତେଲ, ଜୋଜୋବା 

ତେଲ, କୁଙ୍କୁମାଦି ତେଲ |

 ଏହି ସବୁ ତେଲ ଆଖିତଳ ପ୍ରଭାବିତ ସ୍ଥାନରେ ପ୍ରତିଦିନ ରାତିରେ ଶୋଇବା ପୂର୍ବରୁ ଆଙ୍ଗୁଠି ଦ୍ୱାରା ହାଲକା ଭାବରେ ମାଲିସକରି ଲଗାନ୍ତୁ ଯେପରି ଚର୍ମରେ ଶୋଷିତ ହୋଇପାରିବ  | ତାପର ଦିନ ସକାଳେ ଆଖିକୁ ପାଣିରେ ଧୋଇ ଦିଅନ୍ତୁ । ଆଖି ଚାରିପାଖରେ କଳାଦାଗ ଗୁଡିକ ଅଦୃଶ୍ୟ ହେବା ପର୍ଯ୍ୟନ୍ତ ଏହି ପ୍ରକ୍ରିୟା ଚାଲୁ ରଖନ୍ତୁ ।

1. ବାଦାମ ତେଲ :-

-ବାଦାମରେ ଭିଟାମିନ୍‌ ଇ ବହୁତ ଥାଏ | ଏହି ତେଲରେ ଏମୋଲିଏଣ୍ଟ ଗୁଣ ଅଛି ଯାହା ଚର୍ମକୁ ନରମ ଏବଂ କୋମଳ କରିବାରେ ସାହାଯ୍ୟ କରିଥାଏ |

-ବାଦାମ ତେଲ ଦୁଇ ପ୍ରକାର ଅଛି - ତିକ୍ତ ଏବଂ ମିଠା | ଆରୋମାଥେରାପି ପାଇଁ ତିକ୍ତ ବାଦାମ ତେଲ ବ୍ୟବହୃତ ହୁଏ, ଏହା ଚର୍ମ ପାଇଁ ଉପଯୁକ୍ତ ନୁହେଁ ।

-ଚର୍ମ ପାଇଁ ମିଠା ବାଦାମ ତେଲ ଉପଯୁକ୍ତ |

 2. ଆର୍ଗନ ତେଲ (Argan Oil) :-

-ଆର୍ଗନ ତେଲ ଏକ ଅତି ହାଲୁକା ତେଲ ଯାହା, ଚର୍ମରେ ବହୁତ ସହଜରେ ଶୋଷିତ ହୋଇଥାଏ | ଏଥିରେ ଭିଟାମିନ୍‌ ଇ ଏବଂ ଆଣ୍ଟିଅକ୍ସିଡାଣ୍ଟ ଭରପୂର ରହିଛି । ଏହା ଆଖି ତଳେ ଥିବା ଚର୍ମ ଟିସୁଗୁଡିକୁ ସୁସ୍ଥ କରିଥାଏ । ଏହା ଚର୍ମରେ କୁଞ୍ଜନ ଏବଂ ସୂକ୍ଷ୍ମ ରେଖା ଦୂର କରିବା ପାଇଁ ମଧ୍ଯ ବହୁତ ଭଲ ଅଟେ |

3. ନଡ଼ିଆ ତେଲ :-

-ନଡିଆ ତେଲର ପୁଷ୍ଟିକର ଏବଂ ମଶ୍ଚରାଇଜିଂ ଗୁଣ ଚର୍ମକୁ ସୁସ୍ଥ ରଖେ ଓ  କଳାଦାଗ ଚାଲିଯାଏ ।

4. ଜଡ଼ା ତେଲ :-

-ଜଡ଼ା ତେଲ ତ୍ବଚାକୁ କୋମଳ କରିଥାଏ ଏବଂ ଆଖି ତଳେ ଥିବା ମୃତ ଚର୍ମ ପୁନର୍ବାର ଜୀବିତ ଦେଖାଯିବା ଆରମ୍ଭ କରେ ଏବଂ ଧୀରେ ଧୀରେ ଗାଢ଼ କଳା ଦାଗ ଏବଂ କୁଞ୍ଜିକୁ ମଧ୍ଯ ସଫା କରିଥାଏ ।

5. ଅଙ୍ଗୁର ମଞ୍ଜି ତେଲ :-

-ଅଙ୍ଗୁର ମଞ୍ଜି ତେଲରେ ଫ୍ଲାଭୋନୋଇଡ୍ସ ଥାଏ ଯେଉଁଥିରେ ଆଣ୍ଟି -ଇନ୍‌ଫ୍ଲାମେଟୋରୀ ଏବଂ ଆଣ୍ଟିଅକ୍ସିଡାଣ୍ଟ  ଗୁଣ ଥାଏ । ଏହି ଅତ୍ୟାବଶ୍ୟକ ତେଲ କଳା ଦାଗରୁ ମୁକ୍ତି ଦେବାରେ ସଫଳ ଅଟେ ।

6. ଜୋଜୋବା ତେଲ :-

-ଏହି ତେଲରେ ମୃତ ଚର୍ମକୁ ସୁସ୍ଥ କରିଥାଏ ଏବଂ ପୁଷ୍କିକର ଦେବାରେ ମଧ୍ଯ ସାହାଯ୍ୟ କରିଥାଏ । ଏଥିରେ ସୁସ୍ଥ ଫ୍ୟାଟି ଏସିଡ଼ ଥାଏ ଯାହା ଚର୍ମକୁ ସୁସ୍ଥ ଏବଂ ହାଇଡ୍ରେଟେଡ଼ ରଖେ ।

7. କୁଙ୍କୁମାଦି ତେଲ :- 

-ଏଥିରେ ଚନ୍ଦନ, ହଳଦୀ,ପଦ୍ମ ଫୁଲ ଏବଂ ଅନ୍ୟ ଜଡ଼ିବୁଟି ଥାଏ । ଏହା ଚର୍ମକୁ ଉଜ୍ବଳ କରିଥାଏ ଏବଂ ଦାଗ ମଧ୍ଯ ଦୂର କରିଥାଏ । ଏହା ସମଗ୍ର ଚେହେରା ପାଇଁ ବହୁତ ଭଲ ।

ସତର୍କତା :-ଏହି ତେଲ ବହୁତ ପ୍ରଭାବଶାଳୀ ଉପାଦାନରେ ତିଆରି ତେଣୁ  ଆଖିତଳେ ଥିବା ଚର୍ମ ପାଇଁ ପ୍ରଥମେ ଏକ ପ୍ୟାଚ ପରୀକ୍ଷା କରିବା ଦରକାର |

ଧନ୍ୟବାଦ