ନିଜକୁ ଝାଳ ଠାରୁ କିପରି ଦୂରେଇ ରଖିପାରିବେ

ନିଜକୁ ଝାଳ ଠାରୁ କିପରି ଦୂରେଇ ରଖିପାରିବେ

Image Source - MyUpchar

ଖରା ଦିନରେ ଶରୀରରୁ ଝାଳ ବାହାରିବା ଏକ ସାଧାରଣ ସମସ୍ୟା | ଝାଳ ବାହାରିବା ଦରକାର ମଧ୍ୟ ,ଏହା ଶରୀରର ସନ୍ତୁଳନତାକୁ ବଜାୟ ରଖେ । ବେଶୀ ଖରା କାରଣରୁ ଶରୀରରେ ସ୍ଥିତ ଦ୍ରବ୍ୟ ଝାଳ ରୂପରେ ବାହାରକୁ ଆସିଥାଏ । ସାଧାରଣତଃ ଲୋକମାନେ ଯେତେବେଳେ ଖରାରେ ଯାଆନ୍ତି ଅଥବା ୱ।ର୍କଆଉଟ କରନ୍ତି ତାଙ୍କ ଶରୀରରୁ ଆବଶ୍ୟକରୁ ଅଧିକ ଝାଳ ବାହାରିଥାଏ | ଏପରିକି ଅଧିକ ଝାଳ ବାହାରିବା ଦ୍ୱାରା ଶରୀର ଦୁର୍ବଳ ମଧ୍ୟ ଅନୁଭୂତ ହୋଇଥାଏ | ଏମିତିରେ ଆଜି ଆମେ ଆପଣଙ୍କୁ ଏପରି କିଛି ଉପଚାର କହିବାକୁ ଯାଉଛୁ ଯାହା ଆପଣଙ୍କ ଏହି ସମସ୍ୟାକୁ ଦୂର କରିବ।

-ବେଶୀ ଝାଳ ନ ଆସିବା ପାଇଁ ଫିଟିକିରିକୁ ଓଦା କରି ଶରୀରର ଲଗାନ୍ତୁ । ଏହାଦ୍ଵାରା ଝାଳ ବୋହିବା କମ ହୋଇଥାଏ  ।

-ଶରୀରର ଝାଳ ଏବଂ ଦୁର୍ଗନ୍ଧରୁ ବଞ୍ଚିବା ପାଇଁ ଆପଣ ଏଂଟୀ-ପ୍ରସ୍ପେରେଂଟ ଲୋଶନ କିମ୍ବା ମେଡିକେଟେଡ଼ ପାଉଡର ଲଗାନ୍ତୁ । ପ୍ରାୟତଃ ସ୍ନାନ କରନ୍ତୁ ।

-ନିଜ ଡାଏଟ୍ସ ରେ ଭେଜିଟେବଲ ଅଏଲ ଏବଂ ନଟ୍ସ ସାମିଲ କରିବା ଦ୍ୱାରା ଝାଳ ବାହାରିବା ଦୂର ହୋଇଥାଏ | 

-ସବୁବେଳେ ଖାଦ୍ୟରେ ଭିଟାମିନ୍ସ କୁ ସାମିଲ କରିବା ଉଚିତ୍‌।

-ଆପଲ ସାଇଡ଼ର ଭିନେଗାରରେ ଖୁବ ମାତ୍ରାରେ ଆଣ୍ଟି ବ୍ୟାକ୍ଟେରିଆଲ ଗୁଣ ରହିଥାଏ | ଏଥିସହ ଏହା ଶରୀରରେ ଏଷ୍ଟ୍ରୋଜେନର ସ୍ତରକୁ କମ୍‌ କରିଥାଏ । ଯାହା ଫଳରେ ଝାଳର ସମସ୍ୟା ଦୂର ହୋଇଥାଏ।

-ଗରମରେ ବାହାରକୁ ଯିବା ପୂର୍ବରୁ ଝାଳ ବାହାରୁଥିବା ସ୍ଥାନ ଗୁଡିକରେ ବରଫ ଲଗାନ୍ତୁ।

-ଏପରି ଝାଳ ବାହାରୁଥିବା ଅଂଶରେ ଆପଣ ଆଳୁ ମଧ୍ୟ ରଗଡି ପାରିବେ।

-ଯେଉଁ ବ୍ୟକ୍ତିଙ୍କୁ ଅଧିକ ଝାଳ ଆସିଥାଏ ସେମାନଙ୍କୁ ଖାଦ୍ୟରେ ଲୁଣ କମ ଖାଇବା ଉଚିତ୍‌ ।

-ପାଣି କମ୍‌ ପିଇବା ଦ୍ୱାରା ମଧ୍ୟ ଅଧିକ ଝାଳ ବାହାରିଥାଏ ଏବଂ ପରିସ୍ରା ଅଧିକ ଥର ହୋଇଥାଏ | ପାଣି ଠିକ ଭାବେ ପିଇବା ଦରକାର  | 

-ଦୈନିକ ଥରେ ଟମାଟୋ ଅଥବା ଜୁସର ସେବନ କରିବା ଦରକାର।

 

Image Source - News Trend

ବସ୍ତ୍ରରେ ହେଉଥିବା ଧଳା ଦାଗ କିପରି ଛଡାଇବେ

ଆପଣ ଦେଖିଥିବେ ବେଶୀ ଝାଳ ଆସୁଥିବା ମଣିଷର କପଡାରେ କିଛି ଧଳା ଦାଗ ହୋଇ ଯାଇଥାଏ ଏବଂ ଯେତେବେଳେ କପଡା ଧୋଇ ହୋଇଯାଏ ସେହି ଦାଗ ପଳେଇ ଯାଇଥାଏ । ଏହା ଏଥିପାଇଁ କି ଆମ ଶରୀରରେ ବାହାରୁଥିବା ଝାଳରେ କିଛି ମାତ୍ରାରେ ଲୁଣ ଥାଏ । ଯାହାଦ୍ଵାରା ଝାଳ ଶୁଖିବାଦ୍ଵାରା ଏହାର ଧଳା ଦାଗ ରହି ଯାଇଥାଏ । ବେଳେ ବେଳେ ଏହି ଦାଗ ଛାଡେ ନାହିଁ । ଆଜି ଆମେ କିଛି ଏମିତି ଉପାୟ ବିଷୟରେ କହିବୁ ଯାହାଦ୍ୱାରା ଆପଣମାନେ ଏହି ଅସୁବିଧାର ସମ୍ମଖୀନ ହେବେ ନାହିଁ ।

୧. ଲୁଣ ହଟାଇ ଥାଏ ଏହି ଦାଗ

ଗୋଟିଏ କପ ଉଷୁମ ପାଣିରେ ଗୋଟିଏ ଚାମଚ ଲୁଣ ପକାଇ ଝାଳ ଲାଗିଥିବା ଦାଗ କିମ୍ବା ମଦ ଲାଗିଥିବା ଦାଗ ଉପରେ ଲଗାଇ କିଛି ସମୟ ଛାଡି ଦିଅନ୍ତୁ | ଏବଂ ବ୍ରଶ କିମ୍ବା ହାତରେ ଆସ୍ତେ ଆସ୍ତେ ରଗଡନ୍ତୁ । ଦାଗଟି ଧୀରେ ଧୀରେ ଛାଡିଯିବ।

୨. ଭିନେଗାର

ଝାଳର ଦାଗ ଗୁଡିକୁ ଦୂର କରିବା ପାଇଁ କପଡାରେ ଝାଳ ଲାଗିଥିବା ସ୍ଥାନରେ ଭିନେଗାର ପକାଇଦିଅନ୍ତୁ, ଧୀରେ ଧୀରେ ରଗଡନ୍ତୁ ଏବଂ କପଡାକୁ ଧୋଇଦିଅନ୍ତୁ ।

୩. ଲେମ୍ବୁ କିମ୍ବା ସୋଢା

କପଡାକୁ ଲେମ୍ବୁ କିମ୍ବା ସୋଢାରେ ୧୦ ମିନିଟ ପର୍ଯ୍ୟନ୍ତ ଓଦା କରି ରଖନ୍ତୁ ଏହା ପରେ ଧୋଇଦିଅନ୍ତୁ । ଏହା ଦ୍ଵାରା ଆପଣ କେତେ ପ୍ରକାର ଦାଗକୁ ବି ଛଡାଇ ପାରିବେ ଏବଂ ଭଲ ସୁଗନ୍ଧ ବି ଆସିବ ।

୪. ଫିଟିକିରି

ଯଦି ଆପଣଙ୍କର କପଡାରେ ଝାଳ ଯୋଗୁଁ ଧଳା ଦାଗ ଲାଗିଯାଇଛି ତେବେ ଆପଣ ଏହାକୁ ଫିଟିକିରି ଦ୍ଵାରା ସଫା କରି ପାରିବେ ।