ଆସନ୍ତୁ ଜାଣିବା ଆମ୍ବରେ କ'ଣ ଭିଟାମିନ ରହିଛି

ଆସନ୍ତୁ ଜାଣିବା ଆମ୍ବରେ କ'ଣ ଭିଟାମିନ ରହିଛି

Image Source - Youtube

ଆମ୍ବ ହେଉଛି ଭାରତର ଜାତୀୟ ଫଳ । ଭାରତୀୟ ସଂସ୍କୃତି ସହ ଓତୋପ୍ରୋତ ଭାବରେ ଜଡ଼ିତ ଆମ୍ବ ପ୍ରାୟ ସମସ୍ତଙ୍କର ପ୍ରିୟ ଫଳ। ଆମ୍ବରେ ପ୍ରଚୁର ପରିମାଣରେ ଖାଦ୍ୟସାର ଓ ଜୀବନିକା ରହିଛି । ଭିଟାମିନ A,C ଓ E ଛଡ଼ା ଭିଟାମିନ B6 ତଥା B ଉପାଦାନ ଓ ଭିଟାମିନ K ମଧ୍ୟ ରହିଛି । ଏହାଛଡ଼ା ଆମ୍ବରସରେ ପଲିଫେନଲ, ପୋଟାସିଅମ, ତମ୍ବା, କ୍ୟାରୋଟିନଏଡସ, ଓମେଗା-୩ ସ୍ନେହାମ୍ଳ ଏବଂ ପ୍ରାୟ ସତର ପ୍ରକାରର ଜୈବରାସାୟନିକ ପଦାର୍ଥ ରହିଛି ।

ସେଗୁଡ଼ିକ ମଧ୍ୟରେ ରହିଛି ବିଟା କ୍ୟାରୋଟିନ, ଲୁଟିନ, ଆଲଫ| କ୍ୟାରୋଟିନ ଇତ୍ୟାଦି ଏବଂ କାମଫେ ରୋଲ, ଗାଲିକ ଏସିଡ, କାଫିକ ଏସିଡ,କ୍ୟୁରେଟିନ, ଟାନିନ ଆଦି ପଲିଫେନଲ | ସବୁଠାରୁ ଗୁରୁତ୍ୱ ପୂର୍ଣ୍ଣ ହେଲା, "ମଗେଢ଼ୀଆଫେରନ" ନାମକ ଏକ ସ୍ୱତନ୍ତ୍ର କଣିକା, ଯାହା ଆମ୍ବକୁ ସୁଗନ୍ଧିତ କରିବା ସହିତ ଏହାକୁ ଏକ  ସ୍ୱତନ୍ତ୍ରତା ପ୍ରଦାନ କରିଥାଏ । କ୍ୟାରୋଟିନଏଡ କଣିକାମାନଙ୍କର ଉପସ୍ଥିତି  ପରିମାଣ ଉପରେ ଆମ୍ବର ହଳଦିଆ ରଙ୍ଗ ନିର୍ଭର କରିଥାଏ |

‌ଆମ୍ବକୁ ଉଭୟ କଞ୍ଚା ଓ ପାଚିଲା ଅବସ୍ଥାରେ ଖିଆ ହୋଇଥାଏ । କଞ୍ଚା ଆମ୍ବ ଓ ଡେମ୍ଫରେ "ଉରୁଷିଓଲ" (urushiol) ନାମକ ଏକ ରାସାୟନିକ ପଦାର୍ଥ ଥାଏ ଯାହାକୁ ଲସା କୁହାଯାଏ । ଏହାର ସଂସ୍ପର୍ଶରେ ଆସିଲେ ଓଠ, ଚର୍ମ ଓ ଜିଭ କ୍ଷତିଗ୍ରସ୍ତ ହୋଇ ବେଳେବେଳେ ଘା' ହୋଇଯାଏ | 

ପାଚିଲା ଆମ୍ବରେ ଥିବା ବିଭିନ୍ନ  ଖାଦ୍ୟସାର ଓ ଭିଟାମିନର ହାରାହାରି ପରିମାଣ (୧୦୦ ଗ୍ରାମ ରସରେ) ହେଉଛି :-

. କାର୍ବୋହାଇଡ୍ରେଟ - ୧୭ ଗ୍ରାମ

. ଶର୍କରା - ୧୪.୮ ଗ୍ରାମ

. ସ୍ନେହସାର - ୦.୨୭ ଗ୍ରାମ

. ତନ୍ତୁଅଂଶ - ୧.୮ ଗ୍ରାମ 

. ପ୍ରୋଟିନ - ୦.୫୧ ଗ୍ରାମ

. ଭିଟାମିନ A, B1, B2, B3, B5, B6, C, E, K - ୦.୩୭ ଗ୍ରାମ

. ବିଟା କ୍ୟାରୋଟିନ - ୧୪.୦୩ ଗ୍ରାମ

. ତମ୍ବା ଓ ଅନ୍ୟାନ୍ୟ ଧାତବ ଲବଣ - ୪୫.୭ ମିଲିଗ୍ରାମ

. କ୍ୟାଲସିଅମ - ୨୦ ମିଲିଗ୍ରାମ

.ମ୍ୟାଗ୍ନେସିଅମ - ୧୮ ମିଲିଗ୍ରାମ

.ପୋଟାସିୟମ - ୩୦୦ ମିଲିଗ୍ରାମ

କୋଲେଷ୍ଟ୍ରଲ ଓ ସଂତୃପ୍ତ ସ୍ନେହାମ୍ଳ ପ୍ରାୟନାହିଁ  |