ଅଂଶୁଘାତ ଓ ଘିମିରି ଠାରୁ ବର୍ତ୍ତିବା ପାଇଁ କିଛି ଘରୋଇ ଉପଚାର

ଅଂଶୁଘାତ ଓ ଘିମିରି ଠାରୁ ବର୍ତ୍ତିବା ପାଇଁ କିଛି ଘରୋଇ ଉପଚାର

Image Source - Two Neighbors

ଖରାଦିନର ଆଗମନ ହୋଇଗଲାଣି | ଅଂଶୁଘାତରୁ କିପରି ବଞ୍ଚିବା ପ୍ରାୟତଃ ସମସ୍ତଙ୍କୁ ଜଣାଅଛି | କାରଣ ଟିଭି ଦ୍ୱାରା ,ପତ୍ରପତ୍ରିକା ଏବଂ କାନ୍ଥବାଡ଼ରେ ପୋଷ୍ଟର ମାରି ସରକାରଙ୍କ ଦ୍ୱାରା ସଚେତନ କରାଯାଇଥାଏ | ଅଂଶୁଘାତ ପାଇଁ କୌଣସି ଔଷଧ ନାହିଁ | ତେଣୁ ପ୍ରତିଷେଧକ ହିଁ ଏକମାତ୍ର ପନ୍ଥା |

ଅଂଶୁଘାତରୁ ବଞ୍ଚିବାର ଘରୋଇ ଉପଚାର

Image Source - Vaya.in

-ଖରାଦିନେ ଶରୀରରେ ପାଣିର ଅଭାବ ହୋଇଯାଇଥାଏ କିନ୍ତୁ ଆଖୁରସ  ସେବନ ଆପଣଙ୍କ ଶରୀରରେ ପାଣିର ଅଭାବ ହେବାକୁ ଦିଏ ନାହିଁ ଓ ଏହା ଆପଣଙ୍କ ଶରୀରରୁ ଜଳୀୟଅଂଶ କମିବାରୁ ବଞ୍ଚାଇଥାଏ |

Image Source - Pixabay

-ତରଭୁଜ ଖାଇବା ଦ୍ୱାରା ଗରମ ସମୟରେ ଶରୀରରେ ଜଳୀୟ ଅଂଶ କମ ହୋଇନଥାଏ। ଅଂଶୁଘାତରୁ ବର୍ତ୍ତିବା ମଧ୍ୟ ତରଭୁଜ ଖାଇବା ଏକ ମାଧ୍ୟମ ଅଟେ |

Image Source - Instructablles

-ଧନିଆ ପତ୍ରକୁ ପାଣିରେ ମିଶାଇ ରଖନ୍ତୁ। ଏବେ ଏହାକୁ ବାଟି ସେଥିରେ କିଛି ମାତ୍ର|ରେ ଚିନି ମିଶାଇ ତାହାର ସେବନ କରନ୍ତୁ। ଏପରି କରିବା ଦ୍ୱାରା  ଅଂଶୁଘାତ ଜନିତ ସମସ୍ୟା କମ ହୋଇଥାଏ।

Image Source - IndiaMART

-କଞ୍ଚା ଆମ୍ବ ପାଣିର ସେବନ ଖରାଦିନେ ଖୁବ ଲାଭକାରୀ ହୋଇଥାଏ। ଏହା ଶରୀରରେ ଜଳୀୟ ଅଂଶର ମାତ୍ରା ସଠିକ୍‌ ରଖିଥାଏ।

Image Source - Pixabay

-ଖରାଦିନେ ଅଂଶୁଘାତରୁ ରକ୍ଷା ପାଇବା ପାଇଁ ସବୁଠାରୁ ଖାସ ଜିନିଷ ହେଉଛି ପିଆଜ | ଦୈନିକ ପିଆଜ ଖାଇବା ଦ୍ୱାରା ଶରୀରରେ ତାପମାତ୍ରା ସଠିକ୍‌ ରହିଥାଏ। ଆପଣ ଚାହିଁଲେ ଏହାର ରସ ବାହାର କରି ମଧ୍ୟ ପିଇପାରିବେ।

Image Source - Pixabay

-ପଇଡ ପାଣି ଖରାଦିନେ ଅମୃତ ସମାନ ହୋଇଥାଏ | ଏଣୁ ଖରାଦିନରେ ପଇଡ ପାଣି ପିଇବା ଏକ ଔଷଧ ସହ ସମାନ। ଏହାର ସେବନ ଅଂଶୁଘାତର ସମ୍ଭାବନା କୁ ଦୂର କରିଥାଏ।

Image Source - Pixabay

-ଏହା ବ୍ୟତୀତ ଖରା ଦିନରେ ଲେମ୍ଭୁ ଏବଂ ପୁଦିନାର ସେବନ ମଧ୍ୟ ଖୁବ ଲାଭକାରୀ ହୋଇଥାଏ। ଏହା ପେଟ ଜଳିବାକୁ କମ୍‌ କରିବା ସହ ପାଚନକ୍ରିୟାକୁ ସକ୍ରିୟ କରିଥାଏ।

Image Source - Beauty & HealthTips

ଘିମିରି ଠାରୁ ବଞ୍ଚିବାର ଘରୋଇ ଉପଚାର

-ଆଳୁ ରସରେ ଗୋଲାପ ଜଳ ମିଶାଇ ଘିମିରି ହୋଇଥିବା ଜାଗାରେ ଲଗାଇ ୨୦ ମିନିଟ ପର୍ଯ୍ୟନ୍ତ ରଖିବା ପରେ ଭଲ ଭାବେ ଧୋଇ ଦିଅନ୍ତୁ। ଏହାକୁ ସପ୍ତାହରେ ତିନି ଥର ବ୍ୟବହାର କରିବା ଦ୍ୱାରା ଘିମିରି ସମସ୍ୟା ଦୂର ହୋଇଥାଏ।

-ଏକ ପାତ୍ରରେ ୧ଚାମଚ ଚନ୍ଦନ ପାଉଡର ନେଇ ସେଥିରେ ଗୋଲାପ ଜଳ ମିଶାଇ ପେଷ୍ଟ ପ୍ରସ୍ତୁତ କରନ୍ତୁ। ଏହି ପେଷ୍ଟକୁ ପ୍ରଭାବିତ ଜାଗାରେ ଲଗାଇ ୨୦-୨୫ ମିନିଟ ରଖିବା ପରେ ଭଲ ଭାବେ ଧୋଇ ଦିଅନ୍ତୁ। ଏହାକୁ ସପ୍ତାହରେ ତିନି ଥର ବ୍ୟବହାର କରନ୍ତୁ।

-ବେକିଂ ସୋଡାରେ ପାଣି ମିଶାଇ ପେଷ୍ଟ ପ୍ରସ୍ତୁତ କରିବା ପରେ ଘିମିରି ହୋଇଥିବା ଜାଗାରେ ଲଗାନ୍ତୁ। ଲଗାଇବାର ୧୫ ମିନିଟ ପରେ ଥଣ୍ଡା ପାଣିରେ ଭଲ ଭାବେ ଧୋଇ ଦିଅନ୍ତୁ। ଏହାକୁ ସପ୍ତାହରେ ଚାରି ଥର ବ୍ୟବହାର କରିପାରିବେ।

-ଏକ ପାତ୍ରରେ ୩ ରୁ ୪ ଚାମଚ ମୁଲତାନ ମାଟି ନେଇ ସେଥିରେ ଗୋଲାପ ଜଳ ମିଶାଇ ପେଷ୍ଟ ପ୍ରସ୍ତୁତ କରି ବ୍ୟବହାର କରିବା ଦ୍ୱାରା ଏହି ସମସ୍ୟା ଦୂର ହୋଇଥାଏ।

-ଏହା ବ୍ୟତୀତ ନିମ୍ବ ପତ୍ରକୁ ମଧ୍ୟ  ଭଲ ଭାବେ ପେଷ୍ଟ କରି ଘିମିରି ହୋଇଥିବା ଜାଗାରେ ଲଗାନ୍ତୁ । ଏହାକୁ ଲଗାଇ ୨୦ ମିନିଟ ପର୍ଯ୍ୟନ୍ତ ରଖିବା ପରେ ଥଣ୍ତା ପାଣିରେ ଧୋଇ ଦିଅନ୍ତୁ। ଏହି ପ୍ରକ୍ରିୟା ସପ୍ତାହରେ ୫ ଥର ବ୍ୟବହାର କରିବା ଦ୍ୱାରା ଏହି ସବୁ ସମସ୍ୟା ଦୂର ହୋଇଥାଏ।