ପକ୍ଷୀ ସ୍ଵରରୁ ସଙ୍କେତ

ପକ୍ଷୀ ସ୍ଵରରୁ ସଙ୍କେତ 

କାଉ କୁ ଶନିଦେବ ଙ୍କ ପ୍ରିୟ ବୋଲି  କୁହାଯାଏ , କାଉ ପାଖରେ ଏକ ଅଦଭୂତ ଶକ୍ତି ଅଛି , କାଉ ମାନେ କଥା ନକହିପାରିଲେ ମଧ୍ୟ ସେମାନଙ୍କର ସାଙ୍କେତିକ ଭାବ ଦ୍ୱାରା ଅନେକ ବିପଦ ବହୁ ପୂର୍ବରୁ ଜଣା ପଡିଯାଇଥଏ  |

କାଉର  ସ୍ୱର

• ସକାଳେ କାଉ ସ୍ୱର  ଶୁଣିଲେ ଘରକୁ ଅତିଥି ଆଗମନ କରିପାରନ୍ତି ।
• ସକାଳୁ ସକାଳୁ ଯଦି ଦକ୍ଷିଣ ଦିଗରେ କାଉ ସ୍ୱର  ଶୁଣାଯାଏ ଅର୍ଥ ଲାଭ ହୋଇଥାଏ।
• ଯଦି ଘରର ଉପରେ ବସି ଦକ୍ଷିଣ ଦିଗକୁ ମୁହଁ କରି ରାବୁଥାଏ ତେବେ ଏହାକୁ ଅଶୁଭ ସଂକେତ ମନାଯାଏ । ଏହାଦ୍ୱାରା କେହି ମୃତ୍ୟୁ ମୁଖରେ ପଡିପାରେ ।
• ମଧ୍ୟାହ୍ନରେ କାଉ ସ୍ୱର ପଦ ପ୍ରାପ୍ତିର  ସଙ୍କେତ ଦିଏ।
• ଉତ୍ତର  କିମ୍ବା ପୂର୍ବ ଦିଗରୁ ଖରାବେଳେ ଯଦି କାଉର ରାବ ଶୁଣନ୍ତି ତେବେ ସେଦିନ ଶୁଭ ତଥା ଲାଭକାରୀ ରହିବ ।
• ଦ୍ଵିପ୍ରହରରେ କାଉ ସ୍ୱର  ଶୁଣିଲେ ବ୍ୟବସାୟରେ ଲାଭ ହୁଏ ।
• ତୃତୀୟ ଓ ଚତୁର୍ଥ ପ୍ରହରରେ ଯଦି କାଉ ସ୍ୱର ଶୁଣାଯାଏ ଏହା ଖରାପ ସଙ୍କେତ ଦେଇଥାଏ ।
• କୌଣସି ଗ୍ରାମରେ କାଉ ଦଳ ହୋଇ ରାବିବାର ଶୁଣିଲେ ଏହା ବିବାଦର ସଙ୍କେତ ଦିଏ ।
• ଯଦି କାଉ ଉଚ୍ଚସ୍ୱରରେ ବୋବାଇବାର ଶୁଣନ୍ତି ତାହା ହେଲେ ଘରକୁ କୌଣସି ସଂକଟର ଆଶଙ୍କା ରହିଛି।
• ଘର ଉପରେ ଦଳ ଦଳ ହୋଇ କାଉ ବସିଲେ ଏହା ମୃତ୍ୟୁ ତୁଲ୍ୟ କଷ୍ଟ ଆସିବାର ସଙ୍କେତ ଦେଇଥାଏ |
• ଯଦି କାଉ ଯିବା ସମୟରେ କୌଣସି ବ୍ୟକ୍ତିର ମୁଣ୍ଡରେ ସ୍ପର୍ଶ କରେ, ତାହାଲେ ଅଶୁଭ ହୋଇଥାଏ |
•  ସକାଳ ସମୟରେ ଯଦି କାଉ ଉଡ଼ିକି ଆସି ମୁଣ୍ଡ ଉପରେ ତା ଗୋଡ ଦ୍ୱାରା  ସ୍ପର୍ଶ କରି ଚାଲିଯାଏ ତେବେ ଏହା ଅତ୍ୟନ୍ତ ଶୁଭ ।
• କାଉ ଯଦି ଶରୀର ଉପରେ ବସିଯାଏ , ତେବେ ଖୁବ ଶୀଘ୍ର ଆପଣଙ୍କୁ ଶାରୀରିକ ଏବଂ ମାନସିକ ପୀଡା ଭୋଗିବାକୁ ପଡିବ ।
• ରାତିରେ କାଉ ବୋବାଇବା କୌଣସି ବିପଦି ଆସିବାର ସଙ୍କେତ ଦେଇଥାଏ । 
• କାଉ ଯଦି ମୁଁହରେ ରୁଟି କିମ୍ବା ମାଂସ ଧରିଥିବାର ଦେଖନ୍ତି , ତେବେ ଆପଣଙ୍କର କୌଣସି ବଡ ଇଛା ପୂର୍ଣ୍ଣ ହେବାର ସଙ୍କେତ ।
• ରାସ୍ତାରେ ଯିବାବେଳେ ଯଦି କାଉ ପାଣି ପିଉଥିବାର ଦେଖନ୍ତି ତେବେ ଧନ ଲାଭର ସୂଚନା ଅଟେ । ଯେଉଁ କାମରେ ଯାଉଛନ୍ତି ଶୁଭ ହେବ ।
• ଯଦି ଘର ଉପରେ କାଉ ରାବ କରିଥାଏ ଏବଂ ପରସ୍ପର ମଧ୍ୟରେ ଝଗଡା ଲାଗିଥାନ୍ତି ତେବେ ଘରର ମାଲିକ ଉପରେ ସଙ୍କଟ ଆସିବାର ସଂକେତ ।

ପେଚା ସ୍ୱର

• ପେଚା ସ୍ୱର ରାତ୍ରି ର ପ୍ରଥମ, ଦ୍ଵିତୀୟ  ଓ ଚତୁର୍ଥ ପ୍ରହରରେ ଶୁଣିଲେ ଇଛା ପୂର୍ଣ୍ଣ ହୁଏ । ଅର୍ଥାତ୍‌ ଅର୍ଥ ଲାଭ, ବ୍ୟବସାୟରେ ଲାଭ ଓ ରାଜପଦରେ ଲାଭ ମିଳିବ ।
• ସର୍ବଦା ଗୋଟିଏ ଦିଗରେ ପେଚା ବୋବାଇଲେ ଅବା ଦେଖାଦେଲେ ଅଶୁଭ ହୋଇଥାଏ । ଏହା ସଙ୍କଟର ସୂଚନା ତଥା ପରିବାରରେ ସ୍ୱାସ୍ଥ୍ୟ ସମସ୍ୟା ଦେଖା ଦେବାର ସୂଚନା ଦେଇଥାଏ |
• ପେଚା ଉଚ୍ଚ ସ୍ଵର ଶୁଣିଲେ ଅର୍ଥ ହାନୀର ସଙ୍କେତ ଦେଇଥାଏ ।
• ରାତିରେ ଯାତ୍ରା କରିବା ସମୟରେ ପେଚା ସ୍ୱର ଶୁଣିଲେ ଶୁଭ।