ହେଲଦି୍ ଆଣ୍ଡ ପ୍ରେଂଶ୍

ହେଲଦି ଆଣ୍ଡ ଫ୍ରେଶ୍

ଯଦି ଆପଣ ସର୍ବଦା ଫିଟ୍ ଆଣ୍ଡ ଫ୍ରେଶ୍ ରହିବାକୁ ଚାହୁଁଛନ୍ତି, ତା' ହେଲେ ନିମ୍ନରେ ଦିଆଯାଇଥିବା କେତୋଟି ଗୁରୁତ୍ବପୂର୍ଣ୍ଣ ଟିପ୍ସକୁ ଆପଣାନ୍ତ ନା, ଦେଖିବେ ଏହାର ସୁଫଳ ଖୁବ୍ ଶୀଘ୍ର ଆପଣ ପାଇଯିବେ..............

ଶୀଘ୍ର ଉଠନ୍ତୁ ଓ ଶୀଘ୍ର ଶୁଅନ୍ତୁ

 କୁହାଯାଏ, ଯଦି ସକାଳ ସମୟଟି ଭଲରେ କଟିଥାଏ, ତା' ହେଲେ ପୁରାଦିନ ଭଲରେ କଟେ । ସକାଳୁ ଶୀଘ୍ର ଉଠିବା ଏବଂ ରାତିରେ ଶୀଘ୍ର ଶୋଇବାକୁ ଚେଷ୍ଟା କରନ୍ତୁ । ବାସ୍, ଏହି ୨ଟି କାମ ଠିକ୍ ରେ କଲେ ପୁରାଦିନ ଆପଣ ଫ୍ରେସ୍ ଅନୁଭବ କରିପାରିବେ ।

ଯୋଗ କରନ୍ତୁ ଫିଟ୍ ରୁହନ୍ତୁ

ସକାଳୁ ଉଠି ଅତି କମ୍ ରେ ୧୦ ମିନିଟ୍ ଯୋଗ କଲେ ପୁରା ଦିନ ଭଲରେ କଟିବ । ଯଦି ପ୍ରତିଦିନ ଏହି ଅଭ୍ୟାସ କରାଯାଏ ତା'ହେଲେ ବ୍ଲଡ଼୍ ପ୍ରେସର, ସୁଗାର ତଥା ଅନ୍ୟ କେତେକ ରୋଗ ଆପଣଙ୍କ ପାଖ ଆଦୌ ମାଡିବ ନାହିଁ ।

ଥଣ୍ଡା ପାଣି ରେ ଗାଧୋଇବେ

ଅନେକେ କୁହନ୍ତି , ଗରମପାଣିରେ ଗାଧୋଇ ସାରିଲା ପରେ ନିଦ ଭଲରେ ହୋଇଥାଏ କିନ୍ତୁ ଯଦି ଆପଣ ଅଫିସ୍ କୁ ଯିବା ପାଇଁ ପ୍ରସ୍ତୁତ ହେଉଥାନ୍ତି, ତା'ହେଲେ ଗରମ ପାଣି ନୁହଁ ବରଂ ଥଣ୍ଡା ପାଣିରେ ଗାଧାନ୍ତୁ । ଥଣ୍ଡା ପାଣିରେ ଗାଧୋଇଲେ ଶରୀରରେ ବ୍ଲଡ୍ ସର୍କୁଲେଶନ୍ ଭଲରେ ହେବା ସହିତ ରୋଗ ପ୍ରତିରୋଧକ ଶକ୍ତି ବଢ଼ିଥାଏ । ଏହା ସହିତ ଅନେକ ସମୟ ପର୍ଯ୍ୟନ୍ତ ଆପଣ ପ୍ରେଂଶ୍ ଅନୁଭବ କରିଥାନ୍ତି । ତେଣୁ ଏବେଠାରୁ ପ୍ରତିଦିନ ଥଣ୍ଡା ପାଣିରେ ଗାଧୋଇବାକୁ ଅଭ୍ୟାସ କରନ୍ତୁ ନା ।

ଖାଦ୍ୟରେ ଦହି ସାମିଲ କରିବେ

ଡେଲି ଡାଏଟ୍ ରେ ଦହି ସାମିଲ କରିବାଦ୍ବାରା କେବଳ ଚେହେରା ଉଜ୍ଜ୍ବଳ ଦେଖାଯାଏ ନାହିଁ, ଏଥିସହିତ ଆପଣ ଅନେକ ରୋଗ ଯେମିତିକି--ଗ୍ୟାସ୍, ଲୋ ବ୍ଲଡ଼୍ ପ୍ରେସର, କୋଲେଷ୍ଟେରଲ୍ ଆଦିରୁ ସହଜରେ ମୁକ୍ତି ପାଇପାରିବେ ।

ଅଧିକ ସମୟ ବସନ୍ତୁ ନାହିଁ

ଯଦି ଆପଣଙ୍କୁ ଅଫିସ୍ ରେ ବହୁତ ସମୟ ପର୍ଯ୍ୟନ୍ତ କେବଳ ବସିକି କାମ କରିବାକୁ ପଡୁଛି, ତା' ହେଲେ ଏହା ଆପଣଙ୍କ ଶରୀର ଉପରେ କୁପ୍ରଭାବ ନିଶ୍ଚୟ ପକାଇବ । ତେଣୁ ମଝିରେ ମଝିରେ ସିଟ୍ ରୁ ଉଠିକି ଅଫିସ୍ ଭିତରେ ଟିକେ ଚଲାବୁଲା କରନ୍ତୁ ନା, ଦେଖିବେ ଆପଣଙ୍କୁ ଖୁବ୍ ରିଲାକ୍ସ ଲାଗିବ ।

ସାଙ୍ଗ ହୁଅନ୍ତୁ

କାମ ପ୍ରେସର୍ ହେଉ କିମ୍ବା ବସ୍ ଙ୍କ ଝିକ୍ ଝିକ୍, ଏସବୁ କଥା କୁ ଶେୟାର୍ କରିବା ପାଇଁ ସାଙ୍ଗତ ନିହାତି ଦରକାର । ତା' ଛଡ଼ା ସାଙ୍ଗ ବିନା ଜୀବନ ଅଧୁରା ଲାଗିଥାଏ । ତେଣୁ ଦୁନିଆ ଯାକର ଟେନ୍ ସନ୍ କୁ ମୁଣ୍ଡରେ ପୁରାଇ କାହିଁକି ଅଯଥା ଡିପ୍ରେସନ୍  ଅବା ହାଇ ବ୍ଲଡ଼୍ ପ୍ରେସର ଭଳି ରୋଗରେ ଆକ୍ରାନ୍ତ ହେବେ ବରଂ ତା'ଠାରୁ ଭଲ ହେବ ସାଙ୍ଗ ଆଗରେ ନିଜ ମନକଥା କହି ଖୁସି ଓ ଟେନ୍ ସନ୍ ଫ୍ରି ରହିବେ ।

କମ୍ ଖାଆନ୍ତୁ, ବେଶି ପିଅନ୍ତୁ

ଅଧିକ ଖାଇବା ଶରୀର ପକ୍ଷେ ଆଦୌ ହିତକର ନୁହେଁ । ଡାକ୍ତରଙ୍କ କହିବାନୁଯାୟୀ, ଯେତିକି ଭୋକ ଲାଗୁଛି ତା'ଠାରୁ ଟିକେ କମ୍ ଖାଦ୍ୟ ଖାଇବା ଉଚିତ । ଏହାଦ୍ୱାରା  ଖାଦ୍ୟ ଶୀଘ୍ର ହଜମ ହୋଇଥାଏ । ତା'ଛଡା ଡେଲି ଡାଏଟରେ ଆପଣ ଅଧିକରୁ ଅଧିକ ଲିକ୍ୟୁଡି ଫୁଡ ସାମିଲ କରନ୍ତୁ | ଏହାଦ୍ୱାରା ଆପଣ ସୁସ୍ଥ ରହିପାରିବେ |