କରୋନା କାଳରେ ମାନସିକ ଚାପ ଏବଂ ଚିନ୍ତାମୁକ୍ତ କରିଦିଏ ଏହି ପ୍ରାଣାୟମ

ବର୍ତ୍ତମାନ ସମୟରେ କରୋନା ସଂକ୍ରମିତଙ୍କ ସଂଖ୍ୟା ଯେପରି ବଢି ଚାଲିଛି ଲୋକଙ୍କ ମନରେ ପ୍ରଚୁର ଭୟ ସୃଷ୍ଟି ହେଉଛି । କରୋନା କାଳରେ ଏକ ଅଜଣା ଭୟ ପ୍ରତ୍ୟେକ ଲୋକଙ୍କୁ ଚିନ୍ତାଗ୍ରସ୍ତ କରାଇବାରେ ଲାଗିଛି । ଏହି ଭୟ ଦ୍ୱାରା ରୋଗ ପ୍ରତିରୋଧ ଶକ୍ତି ମଧ୍ୟ କମିଯାଇଛି  | ଏହି ପରିସ୍ଥିତିରେ ସମସ୍ତେ ଚାହାନ୍ତି କିପରି ଚାପମୁକ୍ତ ହେବେ। ଏଥିପାଇଁ ବହୁ ଲୋକ ବିଭିନ୍ନ ପ୍ରାଣାୟାମ କରିଥାନ୍ତି | ଏଥିପାଇଁ ବ୍ୟାୟାମ, ଯୋଗ ଓ ପ୍ରାଣାୟାମ ହିଁ ଶ୍ରେଷ ସାଧନ | କିନ୍ତୁ ମନକୁ ଚାପମୁକ୍ତ ଅନୁଲୋମା ବିଲୋମ ପ୍ରାଣାୟାମ ସବୁଠାରୁ ଭଲ | ସେହିପରି ମାନସିକ ଚାପ ଏବଂ ଚିନ୍ତା ଦୂର କରିବା ପାଇଁ ପ୍ରତିଦିନ କରନ୍ତୁ ଭ୍ରାମରୀ ପ୍ରାଣାୟମ ବା ଭ୍ରମର ଶ୍ଵସନ ।

ଅନୁଲୋମ-ବିଲୋମ ପ୍ରଣାୟାମ

1. ଏହି ପ୍ରାଣାୟାମ କରିବା ଦ୍ୱାରା ବ୍ୟକ୍ତିର ଶରୀର ଆବଶ୍ୟକ ପରିମାଣର ଅମ୍ଳଜଳ ଗ୍ରହଣ କରିବା ସହ ଅଙ୍ଗାରକାମ୍ଳ ତ୍ୟାଗ କରିଥାଏ ।
2. ଏହି ପ୍ରାଣୟମ ଦ୍ୱାରା ରକ୍ତରୁ ବିଷାକ୍ତ ପଦାର୍ଥ ବାହାରିଯାଇଥାଏ । ଫଳରେ ମନ ଶାନ୍ତ ଓ ସ୍ଥିର ରୁହେ । ଆଉ ମନର ଉଦ୍ ବେଗ ଓ ଚାପ କମିଯାଇଥାଏ ।
3. ଏହି ପ୍ରାଣାୟାମ କରିବା ଦ୍ଵାର ନିଶ୍ବାସ ନେବା ଓ ଛାଡ଼ିବା ସମୟ ଉପରେ ନିୟନ୍ତ୍ରଣ ରକ୍ଷା କରାଯାଇଥାଏ। 
4. ଅର୍ଦ୍ଧ ପଦ୍ମାସନରେ ଆରାମରେ ବସନ୍ତୁ | ମୁଣ୍ଡ ଓ ମେରୁଦଣ୍ଡକୁ ସିଧା ରଖନ୍ତୁ। ହାତକୁ ଜ୍ଞାନ ମୁଦ୍ରାରେ ରଖନ୍ତୁ ।
5. ବୁଢ଼ା ଆଙ୍ଗୁଳିରେ ଡାହାଣ ନାକ ବନ୍ଦ କରନ୍ତୁ । ଏବେ ବାମ ନାକରେ ପ୍ରଶ୍ୱାସ ନିୟନ୍ତୁ | ଆରାମରେ ପ୍ରଶ୍ୱାସ ନେବା ସହ ଶେଷ ପର୍ଯ୍ୟନ୍ତ ମନେ ମନେ ୧,୨,୩ ଗଣନ୍ତୁ । 
6. ଏବେ ଅନାମିକା ଆଙ୍ଗୁଳିରେ ବାମ ନାକକୁ ବନ୍ଦ କରନ୍ତୁ । ଡାହାଣ ନାକକୁ ବୁଢ଼ା ଆଙ୍ଗୁଳିରେ ଚାପକୁ ଧୀରେ ଧୀରେ ଛାଡ଼ନ୍ତୁ । ଡାହାଣ ନାକରେ ନିଶ୍ବାସ ଛାଡିବା ସହ ପୁଣି ମନେ ମନେ ୧,୨, ୩ ଗଣନ୍ତୁ ।ମନେ ରଖନ୍ତୁ ନିଶ୍ବାସ ନେବା ଓ ଛାଡିବା ସମୟ ଯେପରି ସମାନ ରହିବ  । 
7. ତା' ପରେ ତାହାଣ ନାକରେ ପ୍ରଶ୍ବାସ ନିଅନ୍ତୁ । ପୂର୍ବପରି ଗଣନା ଜାରି ରଖନ୍ତୁ। ପ୍ରଶ୍ବାସ ନେବା ପରେ ଡାହାଣ ନାକକୁ ବନ୍ଦ କରନ୍ତୁ । ବାମ ନାକ ଖୋଲି ନିଶ୍ଵାସ ନିଅନ୍ତୁ । ଆଉ ଗଣନା ମଧ୍ୟ ଚାଲୁ ରଖନ୍ତୁ । 
8. ଏହି ସମ୍ପୂର୍ଣ୍ଣ ଅଭ୍ୟାସ ଏକ ଚକ୍ର । ନିୟମିତ ୧୦ ଥର ଏହି ଚକ୍ର ଅଭ୍ୟାସ କରନ୍ତୁ । ।

ଭ୍ରମରୀ ପ୍ରାଣାୟମ

1. ଏକ ଆରାମଦାୟକ ଧ୍ୟାନଆସନରେ ବସନ୍ତୁ । ମେରୁଦଣ୍ଡ ସିଧା ରଖନ୍ତୁ । ହାତ ଆଣ୍ଠୁ ଉପରେ ଚିନ୍ ବା ଜ୍ଞାନ ମୁଦ୍ର|ରେ ରଖନ୍ତୁ।
2. ଆଖୁ ବନ୍ଦ କରନ୍ତୁ। ଦେହକୁ ପୁରା ଢିଲା ରଖନ୍ତୁ । ଅଭ୍ୟାସ ଶେଷ ପର୍ଯ୍ୟନ୍ତ ଓଠ ଧିରେ ବନ୍ଦ ରହିବ। 
3. ଦୁଇ ହାତର ତର୍ଜନୀ ବା ମଧ୍ୟମା ଆଙ୍ଗୁଠିରେ କାନ ଦୁଇଟିକୁ ବନ୍ଦ କରନ୍ତୁ ।
4. କାନର ଛିଦ୍ର ମଧ୍ୟରେ ଆଙ୍ଗୁଳି ନପୁରାଇ ବାହାରେ ଥିବା ଫ୍ଲାପ୍ କୁ ଚାପି କାନ ବନ୍ଦ କରନ୍ତୁ ।
5. ନାକ ବାଟେ ନିଶ୍ଵାସ ନିଅନ୍ତୁ । ନିୟନ୍ତ୍ରଣ କରି ଧିରେ ନିଶ୍ଵାସକୁ ଗଭୀର ଏବଂ ସ୍ଥିର ଭାବରେ କଳା ଭ୍ରମର ଭଳି ଗୁଞ୍ଜନ କରି ଛାଡନ୍ତୁ । 
6. ନିଶ୍ଵାସ ଛାଡିବା ଶେଷ ହେବା ପର୍ଯ୍ୟନ୍ତ ଏହି ଗୁଞ୍ଜନ ଧୀରେ ଏବଂ ଏକ ଧାରାରେ ଚାଲିବା ଆବଶ୍ୟକ । 
7. ନିଶ୍ଵାସ ଛାଡିଲା ପରେ ଗଭୀର ନିଶ୍ବାସ ନିଅନ୍ତୁ ଏବଂ ଅଭ୍ୟାସର ପୁନରାବୃରି କରନ୍ତୁ। 
8. ଗୁଞ୍ଜନର ଶବ୍ଦ କୋମଳ ଏବଂ ମଧୁର ହେବା ଉଚିତ୍ । 
9. ମୁଣ୍ଡ ସାମନା ଭାଗରେ ଏହାର କମ୍ପନ ଅନୁଭବ ହେବ । 
10. ଦୈନିକ ୫ ରୁ ୧୦ ଚକ୍ର ଏହିଭଳି ଭାବରେ ଅଭ୍ୟାସ କରନ୍ତୁ । 

ଏହି ପ୍ରାଣାୟାମ ଦ୍ୱାରା ମାନସିକ ଚାପ ଓ ଚିନ୍ତାରୁ ରକ୍ଷା ମିଳିବା ସହ ମନରେ ସାକାରାତ୍ମକ ଭାବନା ଜାତ କରାଏ । କ୍ରୋଧ, ଉଦ୍ ବେଗ ଏବଂ ଅନିଦ୍ରା ରୁ ଉପକାର ମିଳିବା ସହ ଉଚ୍ଚରକ୍ତ ଚାପକୁ ମଧ୍ୟ ନିୟନ୍ତ୍ରଣ କରିଥାଏ ।

କାନରେ କୌଣସି ପ୍ରକାର ରୋଗ ଥିଲେ ଏହି ପ୍ରାଣାୟଣ କରିବେ ନାହିଁ ।